الحزن في صوتك

سلطان الشمال

Well-known member
الحزن في صوتك ازعج ساكني
لين صار الكون من حولي حزين

غصب عني حزن صوتك هاجني
لين خلى عاصي المعني يلين

وامتثل حرف القصيد ودعاني
وانسكب حزنك على شعري حنين

شلت انا صوتك وحزنك شالني
أكتم الصرخه وينساب الانين

شفت حزنك كيف حزنك شافني
كيف داهم خلوتي في لحظتين

طير أنا مثلك زماني ضامني
جّرحتني مثلك سيوف السنين

صابك الي من زماني صابني
في معاليق الحشا جرحه دفين

كلما ودعت هم زارني
من عذاب الوجد بياح الكنين

الفرح عقب الصداقه هابني
خافت البسمه على وجهي تبين

طير ياللي صوت حزنك هاضني
الله اللي ينتصر للصابرين
 
؛؛؛؛؛؛تشيكو؛؛؛؛؛؛؛

نبرة الحنين امتزجت معها رقة الكلمات وعذوبتها
كلماتك أنارت درب عقولنا بل وزينت صورتها

مشكور على كلماتك الرقيقه ولا عدمناك وفيا لمنتدانا
تحياتي


زهرة تونس
 
عودة
أعلى