على الورق إجعل همومك ثقافه

على الورق إجعل همومك ثقآفه

بكل حب و ود أقدم لكم أبيات قد حازت على إعجابي وراقت لي

على أمل أن ترقى بذائقتكم الشعريه و تلاقي إعجابكم بقدر ما لاقته مني من إعجاب

\

\

همي تزايد لين ما صار افه ..
امنت باللي ضيق و وسع صدور ..

هونتها لين أهلكتني الحسافه ..
الضيقه سور و عايش بداخل السور ..

مايمنع الرحال طول المسافه ..
و الظلم ماعمره يغطي على النور ..

اللي بقلبك إجهره لا تخافه ..
خلك على الواقع ولاتمثل الدور ..

حتى النظيف اللي يحب النظافه ..
ماهو نظيف و قلبه أسود من الكور ..

على الورق إجعل همومك ثقافه ..
لا تشتكي للناس و إكتب لك سطور ..

همك على هم الأوادم كلافه ..
الله من قلب من الهم مكسور ..

أبنتشر مثل الهوى و إختلافه ..
و اللقا إنتشاري داخل الهم محصور ..

حتى الشوارع عانقتها السخافه ..
من عقب ماحطوا على أطرافها زهور ..

صار الخطا بس الكثير إقترافه ..
الورد يبكي في الممرات مأسور ..

لو النهر يدري بشهوة ضفافه ..
عليه كان أصبح محيطات و بحور ..

النفس ضاقت هم و الكل شافه ..
و العشق كذبة ناس ما إسمعوا الشور ..

شور العرب ,, الحب ماله خلافه ..
و أنا على قلبي من البيض طابور ..

أكذب على قلبي و أذود إنحرافه ..
لاعاذرن قلبي ولا منه معذور ..

الشوق في قلبي يزيد إرتجافه ..
بعض الصحاري جدب و القاع ممطور ..

ما نحسد الملقوف على اللقافه ..
قلبه مابين الناس ضايع و مسعور ..

لا صار همي بين الأضلاع افه ..
أقول ياهمي من القلب مشكور ..
 
همي تزايد لين ما صار افه ..
امنت باللي ضيق و وسع صدور ..

هونتها لين أهلكتني الحسافه ..
الضيقه سور و عايش بداخل السور ..

مايمنع الرحال طول المسافه ..
و الظلم ماعمره يغطي على النور ..



الله يعطيك العافيه
رووووووووعه
 
عودة
أعلى