عطوني رايكم رايكم يهمني

حوارات ونقاشات جميلة - الاختلاف في الرأي لايفسد للود قضيه
  • ارسال إلى Twitter
  • ارسال إلى facebook
  • ارسال إلى google plus
    1. اسيرة سعد
      01-10-2008, 06:43 PM

      عطوني رايكم رايكم يهمني

      عطوني رايكم رايكم يهمني


      الاسبوع اللي راح كنا في بيت خالتي وكان فيه بناتها الثلاث وزوجة ولدهم وعيال خالتي اربعه كلهم شباب وراعين عزايم المهم ان زوجة ولدهم هي اللي قايمه فيهم تطبخ لهم وتلبي طلباتهم كلها وخواتهم الثلاث قاعدين مايصلحون شي ابد لدرجة انهم تعودوا حتى خالتي اذا بغت شي تطلب منها واذا طلبت من بناتها يروحون بناتها ويطلبون منها حتى ذاك اليوم كلنا قاعدين نتقهوى وهي لحالها في المطبخ تطبخ العشا للشباب والبنات ولا وحده قامت معها ايش رايك انا اقول ان ماله داعي تشتغل والبنات فيه يعني على الاقل تساعدهم وتلبي طلبات زوجها وخالتها اما الشباب على الشغاله وخواتهم
      250*300 Second
    2. &:. خواَاَطر العشاَاَق:.&
      01-10-2008, 07:26 PM

      عطوني رايكم رايكم يهمني


      اولا .. مرت ولدهم لازم تكون لها شخصيه عشان تقدر توقف هالمهزله

      ثانيا ... يمكن هي عودتهم وهم اعتادوو ويمكن العكس

      وابدا هذا مو من الشيمه انك تكرفين مرت اخوك او مرت ولدك

      وهذي المره لها زووج

      يعني لها متطلبات لزووجها ومو من اللباقه ان احد يامرها

      >> انزعجت من حركتهم لها حرام والله


      تسلمين ياعمري
      ع
      الموضوع للي انفعلت >> مو تفاعلت

      تقبلي مروري
    3. قلبي أصيل
      01-10-2008, 07:50 PM

      عطوني رايكم رايكم يهمني


      اولا:

      الحرمه ما سوت هذا الشي الا انها راضيه ومبسوطه .. فماله داعي احد يتدخل في حياتها ويخربها عليها ويقلب راسها وينكد عليها
      ... التوفيق من الله والسخره من عنده .

      ثانيا :

      بما انها في بيت حمولتها وساكنه معهم بالعكس هذا يزيد من محبة زوجها لها ويزيد تقدير خالتها لها
      وبالعكس هذي مكانتها فوق الراس ... ... والاجر من الله

      ثالثا :
      واللي بتسويه الحين بيجي يوم وبتسويه لها حرمة ولدها... كما تدين تدان
    4. حوراء العبدالله
      02-10-2008, 12:11 AM

      عطوني رايكم رايكم يهمني


      اسيرة سعد ........ اوافق قلبي اصيل على كلامة


      هي اذا شافت نفسها متضايقة من هالشي .. فاكيد بتتكلم ..عا الاقل مع زوجها

      فمن الافضل محد يتدخل بحياتها




      تقبلي مروررري
    5. &:. خواَاَطر العشاَاَق:.&
      02-10-2008, 01:18 AM

      عطوني رايكم رايكم يهمني


      مع احترامي وتقديري لكم
      لا ماوافق على كذا
      قلبي اسير >> انت تشوف من وجهة نطر الرجل بس احنا يالحريم غير لاتقوول لاتشتغلوون بس قول ساعدووها
      لو مثل ماتقولون انها راضيه
      ماكان طرحت اختي هالموضوع الا انها شافته بنفسها وحست انه غلط
      لو في احد يساعدها اي
      حتى لو كان بشي يسير حتى لو وقفت معها ولا اشتغلت
      بس ماتشيل البيت كله والناس مجتمعين ومستانسين ولدرجه ان ام الشباب (( حموانها))يوصونها
      ومن ناحيه ماحد يندخل في حياتها اوافقكم


      سوري على اختلاف رايي

      تقبلوو مروري
    6. & بنـوتـه نعـومـه &
      02-10-2008, 01:39 AM

      عطوني رايكم رايكم يهمني


      لا اذا كانت هي لوحدها تشتغل صعبه ولا خواته ريلها صدق فيهم قله ادب يعني يساعدونها على الاقل مو كذا

      والمفروض الزوجه تقوي شخسيتها مو كذا مهزله

      اساعدهم اوكي بس انا الي اشتغل وهم ياجلسين لامساعده لالالالا


      خواطر العشاق كلامك صحيح وفي محله

    7. اسيرة سعد
      02-10-2008, 04:00 AM

      عطوني رايكم رايكم يهمني


      قلبي اصيل من قالك انها ساكنه معهم هي ساكنه بالرياض واهل زوجها خارج الرياض وهي تجيهم من فتره لفتره المفروض اذا جتهم يظيفونها مو يكرفونها والله العظيم لدرجة انهم ياجلون العزايم لين تجيهم عشان تطبخ لهم وخالتي ماشيه في دوريه مع الجيران ولا تعزم الا اذا جت واللللللللله شي يموووووووووووووووت من القهر