ياما حلا ياعبيد في وقت الاسفار


قصيدة للشيخ تركي بن حميد العتيبي في وصف القهوة
يا ما حلا يا عبيد في وقت الاسفار
جذب الفراش وشب ضو المناره
مع دلة تجذا على واهج النار
ونجر اليا حرك تزايد عباره
النجر دق وجاوبه كل مرار
ما لفه الملفوف من دون جاره
في ربعة ماهيب تحجب عن الجار
لامن ولد اللاش ما شب ناره
وأخير منها رقعتين بالأسحار
لا طاب نوم اللي حياته خساره
تلقاه في يومٍ يضيعن الأفكار
يومٍ على المخلوق ما أطول نهاره
وقم في قصير البيت حشمة ومقدار
لو جار فإدمح له ولو به خساره
ترى النبي وصى على الجار لو جار
خذ الحذر يا عبيد عقب النذاره
رافق قوي الدين حفّاظ الأسرار
ينفعك في يومٍ يجي به كراره
ترى الهوى والغي هن شر الأشرار
ومن داس عار الناس داسوا لعاره
جنب ردي الكار ما فيه تعبار
ما فيه من فعل المناعير شاره
واسلم ودم بالخير يا طير غيمار
وصلوا على المختار ما غار غاره
منقوله
51579-albums192-picture3349.jpg


 
الله يعطيك العافية

وصح لسان الشاعر

نقل روووووووعة وجمييييل


تسلم يمينك اخوي


جزاك الله الف خير


تحياتي لككككك
 
مزون شمر الله يسلمك الطيب اصلك
مجنون خالد مرورك الاروع الله يعافيك
ريما الله يعافيك نورتي الله يسلمك من كل شر
 
عودة
أعلى