جسد يحتوي روحين

صباكم / مسائكم


ورد


تذكر يوم اقولك جسد يحتوي روحين
واوعدك ما أخليك وتوعد ما تخليني ؟


أذكر يومها أشوف بالدنيا بس أثنين ..
قلبي اللي يحبك وقلبك اللي يحويني

بعدها بأيام شفت ايدك تحتضن ايدين
وانصدمت يوم شفت انها غير ايديني


سكت لجل خاطرك وقلت مرحبا بالزين
مرحبا باللي القلب لجله حيل كاويني


مر يوم واسبوع وشهر وبعدها شهرين
وهو لازال مايدري بأني شفته بعيني

وأخاف اني أقوله له خاين وينجرح بعدين
واخاف أسكت وبسكوتي صمتي حيل يشقيني



واجهته وانا ابكي والعين تحتضن العين
سألته : ليه تنساني ؟ ولا ماكنت تغليني ؟؟



سكت ولفّ عني وخبى وجهه بالإيدين ..
اللي كانت تحضني وغيرها ما تدفيني

سحبت وجهه ومسحت الدمع على الخدين
وقلت له والله أحبك ولو انك تخليني ..!

سكت فتره وقال لي : لازلتي تحبين ؟؟
بعد اللي تشوفينه لا زلتي تحبيني؟؟


ابتسمت وقلت أجل ماعرفت للحين
اني أحبك حيل واللي يرضيك يرضيني ..


سكت فتره وانا أعاود فرحة بقت لسنين
وتركته وتركت حبه اللي بقى فيني


وصارت الدمعة اذا هلّت أقول أهلين
والبسمة هجرتني ونست دربها فيني ..

بعدها بأيام سمعت خبر والله شين..
سمعت انه مات وهو يطلب يلاقيني


ويوم اني رحت.. وصيته لي بورقتين
الأولى بها أسمي كتب بدمه يغليني ..

والثانيه يقول فيها: أبي اوضحلك شيئين
الأول أحبك حيل وماسكن غيرك شراييني

والثاني أمانه لا جيتي لأهلي تعزيّن
لا تنزل دموعك لي طلبتك لاتَبْكِينِي


كل اللي أبيه انك بالخير لي تدعين
وانك بالشهر مره بقبري تزوريني ..

واللي أبيك تعرفيه ومهم انك تعرفين
اللي شفتيها معي كانت بموتي تبشّرني


انا اللي خليتك من كيفي عني تبعدين ..
لجل ما ينجرح قلبك بلحظة موت تحويني


تكفين لا تظنين اني خنتك يا الغلا تكفين
واذا لازلتي تحبيني دايم بالخير أذكريني ..

سكت وقلت : ياليتني ظليت معك يازين
وشفت الموت ياخذك مني ولاكذا تخليني ..

تظنون اني نسيت أو الدمع جف بالعين؟
لا والله الين اليوم وهو معي يخاويني

لو تدور الدنيا ولو تمر بعدها سنين
ما نسيته لو أشوف أحفادي حواليني ..




مما راق لي .,,

تحيتي لكم ::::
 
صح لسان الشاعر

قصيدة جميلة وكلمات رائعة ومعبره

يسلمووو على الطرح المميز

الله يعطيج الف عافيه

تحيتي لكم
 
دلوعه بطبعها ..

والله يشرفني حضورك المبدع والراقي

لاتحرميني من شوفتك بصفحاتي

::::::::::::::::::::::::::

مجنووووون خالد .....

كالمعتاد رائع بالحضور وبالأسلوب الراقي

لاعدمناك ولا عدمنا ذوقك وحضورك

::::::::::::::::::::::::

الأسطوره ,,,,,

يعافيك ربي ع المروور المتميز


دمتم بود ياحبائي ....
 
ما اقدر ازيد واقول عن ردود الاعضاء الكريم


غير صح لسانك الشاعر وسلمت يمناكي ع النقل الحلو


تقبلي مرور ي حبيبتي
 
بكيفي :: مرورك ياغلاي مهم عندي اكثر من كتابات حروفك بصفحاتي


الاصيل :::

>>>> يالله حيا بصفحتي

ومرورك راق لي ولصفحتي

لا تحرمووني من شوفتكم

لا عدمتكم ,,,, دمتم بود
 
عودة
أعلى