البارحه كن لي عن النوم ناطور - مشارع الجعيري الشراري

الشعر, قصيدة , شعراء, القصايد ارسال إلى Twitter ارسال إلى facebook
  1. لند كروزر
    12-09-2008, 01:30 PM

    البارحه كن لي عن النوم ناطور - مشارع الجعيري الشراري

    البارحه كن لي عن النوم ناطور - مشارع الجعيري الشراري


    قصيدة الشاعر/ مشارع الجعيري الشراري رحمه الله.


    البارحه كن لي عن النوم ناطور=قمت أتقلب مادري وش علامي
    يطري عليه مرتع السمر والقور=ديار ربعي قبل فرقا الليامي
    والقوم شمر والسلاطين وصقور=وعنزتين يشدون الجراد التهامي
    حتى ولو تنشد مغيرا وصيفور=يعلمك بالجرف كون الجذامي
    كم غزو مسرودا وكم غزومسكور=وكم غزو ماخوذا بحد الجهامي
    يوم اللحاوي واعده عاصي الشور=اردوا الخباري كان بلكم مضامي
    يوم أحتزم بظهورهن كل مسطور= وعلي الوعيده وردوهن شمامي
    وولف نزالتهم من البزر شختور= يبشر اللي بارقط الريش حامي
    مامن عرب يجزيهم الطهر بالدور= ياغير عيال الخال وابن العمامي
    قال افعطوهن مابها عزل سابور=غزو ابوتايه جامعا سبع اسامي
    ونوخ لهم شيخا علي الضد منصور=والحظ مع فعل المناعير قامي
    هوش النظام اللي من الترك مصخور=بياع عمرا كاتبينه عدامي
    ثار الدخن من كل نادر ومنعور=والخيل قشعه لون قشع الخيامي
    مثل الخشيب اللي وراء النيل مديور=هذي فعايلهم نهار الزحامي
    لعيون حمرا حابسه مالها نشور=ينخن وين اللي عليهن يحامي
    والغول قفى عقب الارهاي مكسور=منهم حدود سيوف ربعي دوامي
    شبع شطير الناب هو وابو منقور=مشتي ومرباعا لهن بالتمامي
    وكثر العشاء لضباع وسباع وطيور=واصبح وعقب القبس قاد الجهامي
    شربن وارتعن الخضاضر بصيفور=وعنهن تجلى القبس هو والعسامي
    يرعن من الخنفه الي قاعة الطور=مربى شذاهن والثقل كل عامي
    ويوم الهزيم اللي تعاطو علي الشور=شافوا عرب مخلين لقمة قطامي
    عوده جمع من حد حسما الي الغور=والجنق جابه من شمالا وشامي
    صفو كما الحيجان فاتوعلي حضور=وسمم لهم حين الغدا بالطعامي
    يوم ادبحوا ربعي علي كل ناظور=وردوا عطاش وصدروهن مضامي
    كم ذاك مطروحا وكم ذاك مكسور=وخلي لضبع الضاحكيه طعامي
    حامين حد اشناقهن مرتع الخور=وكم ريع تلقى به مناثر اعظامي
    ونهار بالخنفه من البير وحدور=سوالفه تحيي رميم العظامي
    الزيد والشعلان هو وابن مشهور=وقعاقعه من واسمين القرامي
    ياهل الركيب اللي هالايام مذكور=حسوا علينا واحرمونا المنامي
    أنتم من العزام سابور واسبور= والمنع مايضفي عليكم حرامي
    الذل من الوسواس والفعل من نور=ومن طاح بالملعب عليها الرحامي
    وبالجرف نوخن الركايب علي مقور=ووردوا علينا مثل ورد المضامي
    خيل الشيوخ مجعفاتا تقول سور=أكتال ضبع الوقف منهن ونامي
    وأقفت دلوح الخيل والدم منثور=ولاذاقوا الماء والثمايل أجمامي
    من مثلهم يظهر شواته من الفور=خوات حسن ولاتكذبون العلامي
    ويوم الشهيباء غزو مسعر وناعور=ركابهم ما بين ربعي قسامي
    جيب النبش مرشرش الهيل وعطور=وملبسات الجوخ هن والكزامي
    والخيل رصوها النشاما علي الطور=سدا وعر بيه العشاري ينامي
    ماقلت في هرجي غيارا ولازور=وأخشى علي نفسي نواقض كلامي
    دغمان هو والعبد ماحضروا الدور=والهم زمانا قبل وعده بعامي
    يوم أنه أغشي بالمكاسيب صيفور=ولحقا بالعزام مثل الأدامي
    عوده عزل دون المجاهيم صابور=عين العديم وللحريبه سطامي
    لحقوا جلاب الموت والسوق منكور=والخلج ينخن جيدين العزامي
    ظاهر وعايد يوم هب لهم الدور=تسابقوا دون الجهامه قطامي
    يوم أبو فتنه طاح والدم منثور=ومن زل عنهن قالوا أخته حرامي
    كن خالطو أسواقة البل لصابور=وملح المقرطس مثل غبوا الكتامي
    مقبول مثل أهواي نجما علي وعور=من مضربه روس الشخانب رمامي
    الشيخ يوم اهوى به النمر مضرور=واقفي صويبا من يمين الغلامي
    والخيل ردوها النشاما علي الخور=وراجن على حيرانهن بالريامي
    ياصبيح ماعقرك جوادك من الشور=صيده زعل ولا فعلته عدامي
    لوصار لك حيله علي الصبر مقدور=تصبر شوي وهي تريح شمامي
    لاكن مايقن عقب غارته يطلع الطور=لما جزا بين الشهيباء وسنامي
    تقبل تحياتي .
  2. *مزون شمر*
    12-09-2008, 03:05 PM

    البارحه كن لي عن النوم ناطور - مشارع الجعيري الشراري


    صح السان الشاعر
    ويعطيك العافيه عالنقل
    ارجو منك التقيد بالقوانين
    مسموح لك مشاركتين باليوم
    دمت بخير
  3. ЯξξறĄ㋡
    12-09-2008, 04:41 PM

    البارحه كن لي عن النوم ناطور - مشارع الجعيري الشراري


    يعطيك الف عافيه


    قصيده رائعه تسلم ادياتك



    دمت بحفظ الرحمن
  4. النادر
    12-09-2008, 08:30 PM

    البارحه كن لي عن النوم ناطور - مشارع الجعيري الشراري


    قصيده رائعه
    صح لسان الشاعر
    نقل رائع
    تحياتي
  5. яεήάđ ™
    13-09-2008, 01:10 AM

    البارحه كن لي عن النوم ناطور - مشارع الجعيري الشراري


    تسلم قصيدة رائعة




    لاعدمناك اخوي تقبل مروري




    تحياتي لك
  6. مجنون خالد
    13-09-2008, 01:54 AM

    البارحه كن لي عن النوم ناطور - مشارع الجعيري الشراري


    الله يعطيك الف عافية

    صح لسان الشاعر

    نقل رائع

    تحيااتي
  7. بنت زآيد
    13-09-2008, 02:03 AM

    البارحه كن لي عن النوم ناطور - مشارع الجعيري الشراري


    صح لسان الشاعر

    يسلمووو على الطرح

    الله يعطيك العافيه

    تحيتي لكم
  8. الإسطورة
    13-09-2008, 03:21 AM

    البارحه كن لي عن النوم ناطور - مشارع الجعيري الشراري


    تسلم على القصيدة المميزة
    قصيدة رائعة
    وتسلم على
    النقل المميز
    وما قصرت ويعطيك
    العافية
  9. ~oo×NAWARAH×oo~
    13-09-2008, 03:43 AM

    البارحه كن لي عن النوم ناطور - مشارع الجعيري الشراري


    صح السانك اخوي
    وعساك عا القوة
    ننتظر جديدك
    تحياتي