الجرح غاير والسنين اتعبتني

الشعر, قصيدة , شعراء, القصايد ارسال إلى Twitter ارسال إلى facebook
  1. شموخ انثى
    05-09-2008, 01:03 PM

    الجرح غاير والسنين اتعبتني

    الجرح غاير والسنين اتعبتني


    3بسم الله الرحمن الرحيم

    السلام عليكم ورحمة الله وبركاته

    هذه أول مصافحة لي معكم
    أتمنى أن تنال استحسانكم ورضاكم













    الجرح غاير والسنين اتعبتني
    سايرتها رغم الهموم الأليمه
    ابكي حوال الناس لو ما بكتني
    عندي من الأحزان دوله عظيمه
    هي غربة الأيام ما ساعدتني
    ما شفت بالدنيا قلوب رحيمه
    عشت الحياة وكنها عيشتني
    بين الجحيم وبين نار الهزيمه
    اقرا عيون الناس لو ما قرتني
    عين تصوبني وعين كريمه
    الحال مايل والظروف ارهقتني
    والدمع سيل سال من دون غيمه
    الخد حافي والليالي وطتني
    وعزي لمن سود الليالي تظيمه
    عشت الحياه ودنيتي عذبتني
    والله يعين اللي حياته سقيمه
    لو جيت ابا اشرح قصتي عورتني
    الصمت في بعض المعاني غنيمه
    ولولا هموم القلب يوم احرقتني
    ما قلت كلمه والنوايا سليمه
    يا بوي وين امي عسى ما جفتني
    ما شفتها يا بوي وش هالظليمه
    طلقتها وتقول لا ما اعجبتني
    وش يعجبك يابوي ماني غشيمه
    راحت وكانت ودها لو شرتني
    ضاع الحنان مع الندم والنديمه
    ذكرتها واليوم هي ما نستني
    يمه تعالي لك معزه وقيمه
    يمه ترى الدنيا بعدكم رمتني
    في بيت ابوي ولا عرفت الحشيمه
    تدرين يمه والعيون اسهرتني
    ما ذقت طعم النوم ذقت الحريمه
    الناس وعيون العواذل بلتني
    ولولا الحيا لسوي اكبر جريمه
    يمه شربت المر حتى سقتني
    ايام بقعاء مرها والصريمه
    لو جيت ابا اضحك بالألم عاقبتني
    عشت الليالي مثل عيش اليتيمه
    سبحت في بحر الألم واغرقتني
    طبع القسى فيها تبيني وليمه
    رمح الغدر شفته وفيه اطعنتني
    وزادت جروح القلب واصبح هشيمه
    يمه وشوفي كيف بقعاء احضنتني
    بدل حنانك ذقت غل وحميمه
    واليوم والله حالتي محزنتني
    قمت اتذكر لي جروح قديمه
    ذكرى جروح مع شقاها غزتني
    ما عاد به رحمه ولا فيه شيمه
    هذا وانا ذكرى السنين اتعبتني
    جاريتها رغم الضغوط الأليمه

    منقووول
  2. مجنون خالد
    05-09-2008, 01:32 PM

    الجرح غاير والسنين اتعبتني


    هلا والله فيك ومسهلا وزارتنا البركة وحيااك الله بين اهلك واخوانك

    نورتينا وعطرتينا..وشرفتينا بالمنتدى عامة وبقسم الشعر خاصة

    نقل جميل تسلم يمينك

    قصيدة راائعة وجميلة ويعطيك الف عافية عليها

    كلمات في قمة الابداااع

    وانشالله نشوف منك اكثر وننتظر ابداعك

    اختي حنا هنا لازم نكتب صاحب القصيدة او نكتب منقوووول ..للأمانة الأدبية ...اتمنى التمسك بهذا الشيء .

    وجزاك الله الف خير

    تحيااتي لكككككككككك
  3. *مزون شمر*
    05-09-2008, 01:33 PM

    الجرح غاير والسنين اتعبتني


    صح السان الشاعر
    وتسلم يمينك عالنقل
    لاتنسين كتابة منقول الله يسعدك
    دمت بخير
  4. النادر
    05-09-2008, 09:55 PM

    الجرح غاير والسنين اتعبتني


    هلا والله فيك
    نورتي المنتدى
    مشكوره على النقل الرائع
    عاشت يمينك
    ماشاء الله عليك
    ابداع من اولها
    تقبلي مروري
    تحياتي
  5. яεήάđ ™
    05-09-2008, 10:02 PM

    الجرح غاير والسنين اتعبتني


    الله الله والله روووووووووووووووعة





    واهلين اختي فيكي منورة المنتدى والله




    والقصيدة من جد روعة




    صح لسان الشاعر



    وسلمت يمين الناقل




    تحياتي لكي
  6. بنت زآيد
    06-09-2008, 03:21 AM

    الجرح غاير والسنين اتعبتني


    صح لسان الشاعر

    قصيدة جميلة

    يسلمووو على الطرح

    الله يعطيك العافيه

    تحيتي لكم
  7. # بنوته غير#
    06-09-2008, 05:41 AM

    الجرح غاير والسنين اتعبتني


    حلوووووووه مرررره غلاتي

    ومرحبا فيكي منوره

    المنتدى كله وبالاخص منتدى الشعر

    تسلم يدينك