صوت البلابل

على صوت البلابل ..
تكعد الناس ..
واني اكعد ..
على صوت القنابل ..
واذا هالناس تسمع صوت فيروز ..
انه الصبح ..
اسمع صوت داخل (*) ..
ونين من الصبح ..
حد مايجي الليل ..
ويعذبني الزمن ..
بس اني قابل ..
واذا تسألني ..
ليش الون والهموم ..
وليش ابداخلك ..
ماظل تفاؤل ..
اكلك ..
كمطتني امي بالاحزان ..
ورضعت اهموم وكتي واني جاهل ..
وين بيا مدينه الروح ترتاح ..؟
اذا بالناس ماظل كل تساهل ..
واذا صاير بريء ..
اليقتل الناس ..
كلي بيا محاكم ..
تلكي قاتل ..؟
ومتنازل ابو الحق ..
كلشي ميريد ..
فوك الحق صبح ..
ينطي التنازل !!
باكو حتى اسمك ..
وانت ممنون ..
لأن ما تلكه ..
بالباكوك عاقل ..
وبعد تسألني ..
ليش الون والهموم ..
لأن طبعي صريح .. وما اجامل ..
كبل چان اليسامح .. طيب ايكون ..
هسه اللي يسامح ..
هو عايل ..​
 
عودة
أعلى