الجزء الثاني من باص ابو علي لنقل المعلمات

اجمل نكت مضحكة - اضحك على سوالف الشباب والبنات ارسال إلى Twitter ارسال إلى facebook
  1. ودعت الفرح
    26-08-2008, 04:54 AM

    الجزء الثاني من باص ابو علي لنقل المعلمات

    الجزء الثاني من باص ابو علي لنقل المعلمات


    السلام عليكم ورحمة الله وبركاته

    تعرفون بالجزء الأول ابوعلي وصل المعلمات للمدرسة ..
    والان يبي يرجعهم عقب مادق جرس ( الطلعة )
    ××××
    عند الاشارة تكون الساعة الواحدة وثلاثون دقيقة ..
    تررررررررررررررررررررن .. طاليعة طاليعة ..
    وفي هذه الاثناء تخرج المدرسات ( ناصيات ) باص ابو علي ,.,
    وأبو علي جالس يحتريهم بالباص ..
    وقبل مايركبون .. ماشافو أم علي ..
    فقالو .. وين أم علي .. عسى ماشر ..
    لاأبد ماهنا الا العافية .. هذيك مايجيها شي .. راضعة من بسه أم سبع أرواح ..
    تصدقون اني مره سويت روحي ماشفتها .. ووطيتها بالباص ..
    وقامت ولاكأن شي صار ..
    بس عاد أبقولكم شي ..
    ابشركم .. أم علي ( ولدت )
    ماشاء الله .. وش جابت ..
    ما أدري وش جابت .. اتصلت على المستشفى .. وردت علي السستر .. وسألتها ..
    قالت ايوه .. ام علي في ولاده .. قلت لها وش جابت ..
    قالت ممكن ولد ممكن بنت ..
    قلت له : لاياشيخة والا ماجابت عنز ..
    أكيد ولد والا بنت انتي وخشمك هاللي كأنه براية ..
    وعقبه زعلت وقالت انت كلام كثير وصكت السماعة بوجهي ..

    ××××
    المهم يالله نمشي .. بس وين أبله نوره .. وراها عيت تركب ..
    يعني لازم محرم ..
    خلاص قولو لها اخر ثلاث مدرسات ينزلون مع بعض ويتصرفون
    والا بحريقة ..
    هذه جت ابله نوره يالله اركبي ..
    ××××
    ويوم ركبت قالها ابو علي مره ثانية ..
    ( ابله نوره ياعيوني ياللي لابسه الليموني )
    انثبر بس هين أوريك والله لاعلم ام علي اخليها تعلقك بالمراية ..
    علشانها مهيب معنا قعدت تهمق علينا .. أنت وسنونك هالمخرثات ..
    امش بس ولا تتكلم معنا ولا كلمة ..
    وتحرك ابوعلي ..
    ××××
    وبعد خمس دقائق .. اووووووووع ..
    ابو علي يوقف عند بيت ابله ( نوف )
    يالله يابله نق تربيع انزلي وصلنا ..
    ودخلي هالمثلث اللي انتي مطلعته مع الدريشة ..
    كل شوي صافق بعلبات واحد ..
    وشيلي عدتك هالمنقله والفرجار اللي كبر قريح ..
    اعوذ بالله انتي المفروض تروحين للمدرسة بتريله من كثرعدتك وكبرهم ..
    يالله بس مع السلامه .. اووووووووف ..
    ××××
    وبعد ثلاث دقائق .. اووووووووع ..
    ابو علي يوقف عند بيت ابله نوره الثانيه اللي توها معرسه ..
    اوووووووووع ..
    هيه أنتي .. يا ( مجنونة ابوكم )
    ترى وصلنا البيت حولي الله يرحم حالك ..
    وهي دايخة ماغير تكتب رسايل لزوجها ..
    هيه حولي .. شوفي قيس يحتريك عند الباب .. هو وسنونه اللي واصله سره ..
    ومن زين الخشه معه وردة حمراء .. اقول لاتخلينا يالرومانسي ..
    اللي يشوفك يقول اسمك اياد والا رامي .. وأنت اسمك سليمان ويعيرونك ابو نشقة ..
    لاوفاتح فمه .. والله ما ادري هو يضحك والا يتثاووب ..
    يالله مع السلامة .. وقولي لوه يصك فمه ترى شفنا المثانه من كبر فمه ..
    اووووووووووووووووووف ..
    ××××
    وفي أثناء هذه اللحظات .. يوقف ابو علي عند سيارة عسكريم ..
    وراك وقفت يابو علي ..
    ابد .. ابشتريلكم عسكريم ..
    ومن قالك اننا نبيه وش جايك اليوم انت منهبل .. يالله امش ..
    بعدين ماشاء الله عليك مامداها تغيب أم علي ..
    الا انت شايل دعاء السفر وحاط صورة نانسي عجرم ..
    يالله شلها والا لاعاد تجينا تاخذنا .. وأمش يالله ..
    ××××
    عاد تحسبهم ا ذا طلعو من المدرسة كل وحده ماسكه المرتبه وساكته من التعب عقب الشرح ..
    لا لا لا .. ماشاء الله عليهم يبتلون يهمقون ..
    ابله فطيمة تقول لأبله حصه ..
    ماشاء الله أثر أم علي هذا شهرها والله اني احسبها توها .. ماشاء الله مالها بطن ..
    تقولين حاملتن بفار ..
    ايه الا هذا شهرها .. هي واختي مريم شهرهن واحد ..
    اجل تحري لأختي مريم هاليومين ..
    هيه ياأبله حصه .. ترى وصلنا وأنتي ماغير شهري وشهرها
    <<((== شهره هذا واحد منبح حلقه ويقول ( شعره ) ==))>> جرب ستجد النتيجة ..
    يالله مع السلامه ..
    اووووووووووف ..
    ××××
    وبعد أربع دقائق .. اووووووووع ..
    ابو علي يوقف عند بيت ابله فطيمه ..
    يالله يابله فطيمة حولي ..
    طيب اصبر شوي يبي ينزلون باقي المدرسات معي ..
    ولاتروح ابجيبلك غدا ..
    الو اقول ياعايشه .. حطي شوية رز مع نص دجاجة بحافظه وارسليهم مع اخوك
    لأبو علي عند الباب زوجته والده ولا عنده غداء ..
    ويالله انزلن يابنات ..
    اقول ابو علي خذ هالغداء اللي مع الولد لك ..
    شكرا .. بس عسى فيه صنوبر .. بعدين وراه دجاج .. مافي لحم ..
    اقول ماودك اذبح لك ذبيحه بعد .. احمد ربك بس ..
    تبيه والا كبيته لبقرتنا ابرك منك ..
    يالله مع السلامه ..
    ××××
    اووووووووووووووووووووووووووف ..
    ويشلع ابو علي بالباص رايح للمستشفى يبي يشوف ام علي وش صار عليها ..
    وسلام عليكم ..
    وترقبوا الجزء الثالث
    ابوعلي يعتمر بالمعلمات بالعطلة الصيفيه


    وتحياتي للجميع
    ودعت الفرح
  2. وزير السلطان
    26-08-2008, 08:00 AM

    الجزء الثاني من باص ابو علي لنقل المعلمات


    هههههههههههههههههههه
    يعطيك العافيه على هالطرح
    يسعدك ربي
  3. حنين المشآإعر
    26-08-2008, 08:28 AM

    الجزء الثاني من باص ابو علي لنقل المعلمات


    هههههههههههههههههههههههههه
    يعطيكي العافيه
    وننتظر الجزء الثالث
  4. الساهرر
    26-08-2008, 06:00 PM

    الجزء الثاني من باص ابو علي لنقل المعلمات


    ههههههههههههههههههههههههههههه روعه
    ننتظر الجزء الثالث
  5. زهرة القرنفل
    26-08-2008, 09:58 PM

    الجزء الثاني من باص ابو علي لنقل المعلمات


    ههههههههههههههههههههههههههههههه
  6. اناغيم
    24-05-2011, 08:12 PM

    رد: الجزء الثاني من باص ابو علي لنقل المعلمات

    الجزء الثاني من باص ابو علي لنقل المعلمات


    حلوه وايد
    ههههههههههه
    ابو علي تحفة
    يسلمو .....