لبى العرب

الشعر, قصيدة , شعراء, القصايد ارسال إلى Twitter ارسال إلى facebook
  1. ودعت الفرح
    21-08-2008, 02:31 AM

    لبى العرب

    لبى العرب


    السلام عليكم ورحمة الله وبركاته

    تحيه طيبه وبععد

    انقل لكم هالقصيده وهي لعبدالرحمن بن سعد .. حزين الحرف ..

    من ابناء عمي ويشرفني نقلها لكم واتمنى انها تنال اعجابكم




    لبى العرب


    ياللي تناديني تقولين :\"دحوم \"
    ..................... لبى العرب يانور عيني ولبيك
    عيديه ثاني وأشعلي النار بخصوم
    ...............وخلي القهر يقتل عدوي وأعاديك
    توي دريت إن اسمي بجد مهضوم
    .................وأنا اللي متعقد منه قبل ألاقيك
    بعض العرب هرجه رزين ومنظوم
    ........................ودك بإنه كل لحظة يطريك
    وبعض العرب هرجه نقاصة ومشؤوم
    ..................ولو يمدحك كنه يسبك ويهجيك
    بادلعك مثلي وأناديك :\"..\"
    ..................ماني خبل حتى باسمك اناديك
    خايف يحل بنا بهاذيل وعلوم
    ..................لامن درى بعض أقرباك وعوانيك
    سبحان ربي كننا باسمنا توم
    ..................ويمكن أبوك اصلا عليه مسميك
    مايفرق إلا حرف واحد ومكتوم
    .................شكلي نكبتك وواجب أني اداريك
    وأخاف من هرجي غدى الأسم معلوم
    .................وكلن عرف اسمك ودارك وأهاليك
    يمديني أصرف وأقول إنها حلوم
    .....................وخيال شاعر هاه تبغى أنجيك ؟
    مالك لوى هي خاربة عندي اليوم
    .........................والله يحميني والله يحميك
    وحتى ولو هو حال من بيننا قوم
    ...................والله ما أجلا عنك والله ما اخليك
    وأدعي وقولي لو توفيت مرحوم
    ......................وإن قاله الله في جنانه أوافيك
    ولا أنت لا لا تعترف منت ملزوم
    ....................إن كان خايف من هذولا وهاذيك
    يشهد معي عطر من الثوب مشموم
    ...................والساعة اللي في يديني ويديك
    ويشهد معي جفن شكى قلة النوم
    ......................لاغبت أسهر لين مايذن الديك
    ويشهد معي قلب إذا غبت محروم
    ..................لا شفتك مقفي تسابق خطاويك
    ويشهد معي صدر من الضيق مهموم
    .......................لاجابوا العذال اسمك وطاريك
    ويشهد معي فكر شغلته على الدوم
    ...........صبح ومسى عايش على أطلال ماضيك
    ويشهد معي أقمار وأفلاك ونجوم
    ..................لأنهم يعرفوا اشكرث اسهر احاتيك
    ويشهد معي عاذل به النار مضروم
    .....................لانه يعرف اشكثر أحبك وأغليك
    ويشهد معي فل وكادي ويشموم
    .................لامن قطفته لجل في عيدك أهديك
    ويشهد معي يابنت صورة وألبوم
    .....................وكل القصيد اللي كتبته أنا فيك
    يالله بسرعة نادني قول \"دحوم \"
    ........................خايف يعرفونك ولا عاد يمديك



    وتحيتي لكل من قرء هالقصيده وابدا رئيه
  2. بنت زآيد
    21-08-2008, 02:41 AM

    لبى العرب


    صح لسان الشاعر

    أبيات جميلة

    يسلمووو على الطرح

    الله يعطيك العافيه

    تحيتي لكم
  3. ~~جبرني الوقت~~
    21-08-2008, 02:43 AM

    لبى العرب


    يسلمو اخوي ,,,,,
    من جد قصيده رائعه فعلا
    تسلم ايديك ويد الي كاتبها
  4. خالدي
    21-08-2008, 02:51 AM

    لبى العرب


    صح لسان قايلها وسلمت يمين ناقلها
    يعطيك الف عافية على النقل الرائع
    تحياتي لك
  5. ساحر البشر
    21-08-2008, 08:41 AM

    لبى العرب


    يسلمووووووووو

    على كلماتك الرائعة

    ننتظر ابداعك بشغف

    تحياتي الك
  6. غزل الرومانسيه
    04-08-2010, 10:49 AM

    لبى العرب


    يعطيك الف عافيه على هذا الأبداع
    في الشعر والكلمات في قمة الذوق
    تسلم أيديك على الكلمات الحلوووه

    حياتي للجميع
  7. غزل الرومانسيه
    04-08-2010, 10:50 AM

    لبى العرب


    أقصد تحياتي للجميع
  8. عآشق الدلع
    05-08-2010, 05:11 AM

    لبى العرب


    لبى العرب
    صح لسان شاعرها ولاهان ناقلها
  9. في منتهى الذوق
    05-08-2010, 06:01 AM

    لبى العرب


    صح لسانه
    ويعطيك الف عافيه