قصيدة جني سليمان

الشعر, قصيدة , شعراء, القصايد ارسال إلى Twitter ارسال إلى facebook
  1. ودعت الفرح
    20-08-2008, 03:03 PM

    قصيدة جني سليمان

    قصيدة جني سليمان


    هذي قصيده لعبدالرحمن بن سعد من ابناء عمي ولي الشرف بنقلها لكم

    وكلي امل بأنها تنال اعجابكم



    جني سليمان



    ياجني سليمان وين أنت ذلحين .. ليتك تجي وتجاوب الصوت في الحال
    أبيك بمهمة قبل ترمش العين .. وأبشر بما تامر لك الحال والمال
    أبيك تاتي عندي بشيخة الزين .. اللي سكنت في القلب والروح والبال
    أنشهد إنها غالية بنت غالين .. لو كان ماهي بنت عم ولا خال
    وإن كان تبغى أعلمك ساكنة وين .. مدري !ولكن بيننا سهول وجبال
    تدري بأوصفها بليا عناوين .. وبعده بتعرفها من أوصاف وخصال
    لكن ليامن شفتها ربك يعين .. بتصير اول جني يجيله هبال
    ولا تشتحن لاصرت ضمن المجانين .. بأحجز لك بأوتيل الإشهار منزال
    كم شافها من ورع بين الوراعين .. وأصبح تقل شايب وله كومة عيال
    من زود هيبتها تذل السلاطين .. ومن زود طيبتها تواضع للأطفال
    ومن العقل ترجح بكل الموازين .. ومن الثقل كأنها سيدة أعمال
    ومن الطهر ماحطت عيونها بعين .. ومن الستر ملبوسها دايم إسبال
    في السوق ما تظهر عيون ولا يدين .. أسود فأسود ما تسحب وتختال
    أما الوصايف حد علمي من سنين .. من قبل لا تلبس لها برقع وشال
    الطول يحسدها قصار وطويلين .. والجسم ياويلي تقل كنه تفصال
    ومن شاف عينيها سألها تنامين ..والشعر الأسود منحد كنه شلال
    ورموشها سهام تثبت بقوسين .. كم جندلت من فارس كان خيال
    وخدودها يالينها يابشر لين .. كنها سميتها اللي تنباع بريال
    والفم يجمع ثلجة بين نارين ..يخرج منه شهد شفاء وأمصال"
    وما ودي أتعمق وأنا اخاف شيئين .. شرهات غالي او تشمات عذال
    للحين وانت هناه جنبي وبعدين ..عجل جعل تاتيك حمى وسلال
    يالعنبو غيرك ترى هدني البين .. باموت لو طول جفاها بلا وصال
    لكن تسمع هرجتي زين مازين .. وأحذر يجي في قلبها منك جفال
    والله لو جت تشتكي منك ياشين ..لاذوقك تعذيبي ألوان وأشكال
    أجل تخوفها وأسكت يامسكين .. لا والله إلا الدم لين الركب سال
    وإن كان فزعاتك جميع الشياطين .. ترى الدواسر فزعتي صغار ورجال
    وكل القبايل حضر ولا بداوين .. بتفزع مع الأنسي بلا شك وجدال
    ولا يغرك أنك نار وانا من الطين .. اية ويصبح يالغبي فيك زلزال
    لكن قبل ما تحترق بأرمش العين .. وأرجوك تاتي بمنوة القلب فالحال




    وتحيه معطره بالفل لكل من قراء القصيده

    ودعت الفرح
  2. بنت زآيد
    20-08-2008, 06:23 PM

    قصيدة جني سليمان


    صح لسان الشاعر

    يسلمووو على الطرح

    الله يعطيك العافيه

    تحيتي لكم
  3. ЯξξறĄ㋡
    20-08-2008, 08:59 PM

    قصيدة جني سليمان


    يعطيك العافيه

    تسلم أناملك





    دمتي بود
  4. *مزون شمر*
    20-08-2008, 09:12 PM

    قصيدة جني سليمان


    صح السانك والسانه
    ويعطيك العافيه عالنقل الرائع
    دمت بخير
  5. °° مجنونة خالد °°
    20-08-2008, 11:50 PM

    قصيدة جني سليمان


    صح لسان الشاعر
    والله يعطيك العافيه انت وولد عمك
    ومشكوووووووووووووووور
  6. خالدي
    21-08-2008, 02:23 AM

    قصيدة جني سليمان


    صح لسان قايلها وسلمت يمين ناقلها
    يعطيك الف عافية على النقل الرائع
    تحياتي لك
  7. ساحر البشر
    21-08-2008, 08:44 AM

    قصيدة جني سليمان


    يسلمووووووووو

    على كلماتك الرائعة

    ننتظر ابداعك بشغف

    تحياتي الك