12345

ديوان الشاعر بركات الشمري

ديوان قصائد الشاعر - ديوان قصائد الشاعره ارسال إلى Twitter ارسال إلى facebook
  1. *مزون شمر*
    18-08-2008, 06:19 AM

    ديوان الشاعر بركات الشمري

    ديوان الشاعر بركات الشمري


    ديوان الشاعر بركات الشمري

    لشعر ناسه وللابداع اهله
    شاعر تميز بروعت كتاباته له اسلوب خاص يسلب القلوب
    احببت قصائدة و لهذا كان لابد من وجود ديوان له في عبير المحبه
    الشاعر هو (( بركات الشمري )) شاعر سعودي

    ديوان الشاعر بركات الشمري

    هذا الشاعر الذي انتزع من القلوب كلمات الاعجاب
    بفضل نصوصه الدافئه و الرمانسيه ...
    من ألقابه التي أطلقها عليه الجمهور , بركات الشعر / بركات الكون و صاحب السمو

    لأدعكم وبكل جمال تبحرون معي في بحر هذا الشاعر العذب




    ديوان الشاعر بركات الشمري

    حديث المساكين ..!!


    ولا كلمة !
    أبسمعها .. من عيونك !
    أبي تنطقها .. بجفونك ..!
    أبي هالليل .. من دونك يدور عن .. دفا حلمه !
    أبسمعها ..!
    وابتبعها ..!
    وابي تنثرها في روحي ..!
    عشان إن غبت عن عيني .. أروح بلهفة واجمعها ..!!
    أنا وإن غبت ( مابيني ) !!
    ولا تسأل بعد .. ( ويني ) !!؟
    لأن إن جدت بغيابك .. وربي ماأحس ( فيني ) !
    ولا كلمة !
    أبيها من كحل عينك !
    أبيها من دفا .. ايدينك !
    أبيها .. لاطغى زينك ... وهد الروح .. من ظلمه !
    أبيها لاتقابلنا ..!
    وعلى أنفاسنا ... ملنا !
    أبيها .. لابتسم قلبي .. وحنا بحب .. مازلنا ..!!
    أبيها .. إن سال لك .. دمعي !
    وصوتك .. يشربه .. سمعي ..!
    أبيها .. لين مانسكت ولانلقى ...



    ولا كلمة !!


    تعالي .. وامسحي دمعة من عيون ... بكت فرقاك ..
    ..... تعالي .. قبل ماأصبح .. ف عالم حزني ... المسجون ..!

    عجزت اضحك على قلبي واقول إني قدرت انساك !
    ..... أبي أنساك ! لكني مع نفسي ... أقول .... اشلون ..!!؟

    بعد ماضيعك قلبي ... بعد هالوقت ....../.. ماوداك
    ..... تلطم .. وجهي الباسم .. وفرع / وجهي .. المحزون ..!

    تعالي وانزعي جرح نمى ف ضلوع .. من يهواك !
    ..... أنا من ( طحت في يده ) ظلمني ظلم ! ../ هالملعون ..!!

    تعالي لملمي شتاتي .. أنا بعدك ... هنا ... وهناك !
    ..... وعمري .. ( يابعد عمري ) .. هواجيس وتعب وظنون !

    على كثر الهموم اللي تجول ف خاطري ... لرضاك !
    ..... أنا مالي جدا .. ياكود .. قولة ..... ( ماعليه اتهون ) !



    والطريق ..
    كم بكاني يوم .. جافاني الرفيق .!
    كم ندهني يوم ..
    بعيوني تضيق :
    كل هالدنيا .. الوسيعه !
    وعمري الذابل .. ربيعه ..
    وصدر من قالوا : ( صديق ) !
    والرحيل ..
    كم يلوح لي ورى .. الهم الثقيل !
    كم صرخ لي " ليلك الليلة .. طويل " !
    والشقا .. درب ومسافة !
    و( المسا ) .. مخلوق ( افه ) !
    وصبري الباقي .. قليل !
    والغياب ..
    كم أهه ... داخل ضلوعي .. أذاب !؟
    كم جرح .. ماسلم منه ..
    وطاب ..!؟
    كم يعلمني .. أحن !
    واطلق اهاتي .. واون !
    واكتب .. بدمعي .. ال عذاب !!



    بقيت لي بغياب روحك ... مساكين !
    ...... عيني .. وقلبي .. والأمل ... والأماني !!؟


    كن الثواني ... في غيابك سكاكين !
    ...... ليتك تذوق شوي .... / طعم الثواني !


    القلب ماهو قلب والعين .. مو عين !
    ...... حتى مكاني ... ماأحسه ... / مكاني !


    شفني على جال السهر أنطرك لين !
    ...... حسيت بان الجال .. / يصفق عشاني !


    مديت قلبي ! قبل لامد ...... يدين !
    ...... وطلبت كلي ! . قلت : جالك .. هذاني !



    والحين شفنا وين !؟ .. واحلامنا وين !
    ...... ضعنا اندور ... للسعادة ....../ مواني !


    وش بيننا !؟ إلا التعب واسود البين !؟
    ...... وشي لعب في حسبتي .. واحتواني !


    كل شي بكاني من غيابك إلى اللحين !
    ...... حتى عدوي ! .. من غيابك ../ بكاني !!


    ماعاد تفرق جرح واحد ! ... وجرحين !
    ...... الموت واحد .. له عذابك .... / خذاني !


    ياصاحبي .. يكفي غيابك .. وبعدين !؟
    ...... ماخفت ربك بس ... " أنت و زماني " !؟


    وكل ماأبعدت تجرح !
    بس تقرب في خيالي واخذك وياي .. واسرح !!
    واتسائل ويا نفسي !!
    " ياخي أبكي وإلا أفرح " !!؟




    ديوان الشاعر بركات الشمري
  2. *مزون شمر*
    18-08-2008, 06:21 AM

    ديوان الشاعر بركات الشمري


    دمعة مذنب ..!

    تذكر ذنبة الغافي ..وعثراته..وزلاته
    ................ تلفت مالقى ..غير الظلام ..وسكة قفرا


    تنهد مالقى ..هبة نسيم ..تريح سكاته
    ................ تعذب ..حالته حالة عدوك ..شينه وقشرا


    ينادي !! من ينادي ؟؟ والظلام يكسر اصواته
    ................ يناظر للطريق اللي ..توارى ..ويندب الحسرا


    يعرف إن الذنوب أقسى من همومه ..وأهاته
    ................ وعرف إن الممات أقرب ..من الأهداب للنظرا


    يسافر به عزا الذكرى ..على الماضي ولعناته
    ................ وجع من وين .. ماسافر ..إذا سافر ..مع الذكرا


    قصر حبل الهروب اللي يشدة ..عن ألم ذاته
    ................ تعب .. من كثر ماينفض هموم بالحشا غبرا


    يحاول يبتعد أكثر عن اللي كان ..قد فاته
    ................ يحاول يطوي الصفحة ويفتح ..صفحة عذرا


    رجف قلبة على ماراح من ذنبة ..وميلاته
    ................ بكى ..ياطيب هالدمعة ..أخيرا ..طفت الجمرا !


    ديوان الشاعر بركات الشمري
  3. *مزون شمر*
    18-08-2008, 06:22 AM

    ديوان الشاعر بركات الشمري


    بلاد التيه !


    السنين / الزرع ... والموت/ الحصاد ..
    والوجيه اشباه ! .. ماتشبه وجيه !
    من بلاد التيه ..... ياتيه البلاد !
    مات شاعر ! ( رحمة المولى عليه ) !
    كان يحكي للزهر " قصة سعاد " !
    لين ماحس المطر ... في راحتيه !
    مانقص مثقال ذره ! ........ إلا زاد !
    هالحنين .. اللي يسولفني حكيه !
    ماهمى حظي على ترابي ! .. وجاد
    ولانمى صبري على مابي ياهيه !
    شوفني لاحلم بيدي ... ! .. لاعتاد !
    بس عندي قلب ! ياخي ! ماأبيه !
    شاعرك يدري .. وتدري ! .. للنفاد
    يحتري .. موته / وقلبك .. يحتريه !
    أطلق عيونه على طرد ! ... الرقاد !
    وانكفت هي هي : تاكل مقلتيه !
    فوق كل هذا ! أمانه ! .. شاستفاد !
    غير طعنات من ايدينه.... تجيه !
    بس تبي تشوفه إذا ربك ...... أراد !
    شاعر ... تتوسد الغيمة .. يديه !!
    والسواد إن حل .. قله : .. ياسواد !
    هذي طعناته على ماهي .. عليه !



    ديوان الشاعر بركات الشمري
  4. *مزون شمر*
    18-08-2008, 06:27 AM

    ديوان الشاعر بركات الشمري


    ديوان الشاعر بركات الشمري

    المزهرية !

    لا ظميتك أشربك واظماك أكثر
    وإن فقدتك ..
    أتبعثر..
    واتبعثر ..
    واتبعثر
    تذكرين وإلا نسيتي ...
    يابعد حيي وميتي
    يوم أشرتي على قلبي وقلتي لي ...سؤال ؟؟
    ((( هذا بيتي )))....؟؟؟؟!!!
    يومها غنيت للصبح
    الأغاني
    يومها زفيت للشوق
    الأماني
    تذكرين ....
    يوم جيتي تسألين
    عن طفل يسكن ضلوعي
    كيف حاله .... ؟؟؟
    وش جراله ...؟؟؟
    وانا جاوبتك..." حزين " !
    في بعادك
    لملمه ذاك الشتات
    حي لكن أغلبه
    يابنت ..... مات
    تذكرين المزهريه !؟
    يوم جبتيها ...هديه !؟
    وأنتي قلتي :
    " ياحبيبي هذي لك ..بس أنت ليه " !
    واذكر إني بلا شعور
    قلت
    واشواقي تفور
    أعطني حريتي ..(( بس )).. لاتطلق يديه !


    ديوان الشاعر بركات الشمري
  5. *مزون شمر*
    18-08-2008, 06:29 AM

    ديوان الشاعر بركات الشمري


    ..( شف لي طريقة ) !!

    تعبت انا أنثر هم قلبي على الناس ..
    وتعبت ادور للحقيقة ....../ حقيقة !
    يلعن ابوه .. شعور .... لابوه إحساس ..
    لاجيت أسوي من جراحي / حديقة !!
    شف لي طريقة لاغدى دربنا.. ياس ..!
    تعبت انا ترديد ..( شف لي طريقة ) !!
    ماعاد ياسع للحزن أي ....... كراس .!
    وماعاد قلبي يحتمل ... أي ضيقة !
    شفني رشفت من الغرابيل كم كاس !
    والصبر مابلت أمانيه .... / .. ريقه !!
    أكبر مصيبة طيحة إنسان .. حساس !
    تسوى بعيني .. موت كل الخليقة !!
    أكذب على نفسى إذا قلت " لاباس " !
    و" الباس " أصلا من زهوري رحيقة !
    ياما تعبت أشحذ من عيوني .. انعاس !
    مامر ( ........ ) .. عيني .. دقيقة !
    صعبه تشوف بعينك الحلم / ينداس ..!
    كنك اتطفي .. من دموعك / حريقة !
    الموت ماهو لانحني .. للتعب/ راس !
    الموت نفسك ... لانحنت / للخليقة !
    كل الدروب أشوفها / ياس في ياس !
    سايق عليك الله ( شف لي طريقة ) !



    ديوان الشاعر بركات الشمري
  6. *مزون شمر*
    22-08-2008, 10:30 AM

    ديوان الشاعر بركات الشمري


    وين كانت !؟

    ياصباح اعيونها اللي يحتريني ..
    قبل هذا اليوم ... قلي وين كانت !؟


    طفلة اشوفها.... بيني وبيني !
    وين مالديت .. بالأنظار .... بانت


    طفلة ترحل معي وتحل .. فيني
    في سبيل الحب ما لحظه .. توانت !


    جيتها ماشوفها ! من دمع عيني !
    أشتكي دنيا قست مايوم ... لانت !


    قلت مدري وش أبي ! لكن عطيني !
    وامسحت دمعي وقالت : أص هانت !

    جيتها ترجف من اللهفة يديني
    ورحت ولسان الخفوق يقول زانت


    علمتني بالغياب .. انشد حنيني !
    واذكر إنه قالي : كانت .. وكانت !


    طفلة أشوفها .. بيني .. وبيني !
    وين مالديت بالأنظار ..... بانت
    ديوان الشاعر بركات الشمري
  7. *مزون شمر*
    22-08-2008, 10:37 AM

    ديوان الشاعر بركات الشمري


    يا " أحبك " !

    وين ياملح السنين !؟
    لي سنه !
    لا والله أكثر ... أنثر احساسي .. حنين !
    واكتم انفاسي أخاف الشوق يطلع !
    في رجا .. ( إنك تجين ) !
    في رجا .. إنك تعيدين الحياه ..
    للي بعدك قام يصرخ :
    اه واه واه !
    للي بعدك .. ضاع بعضه !
    وبعضه الباقي
    نساه !
    شوفي حالي !
    منطوي وحدي .. ولا لي !
    غير اقلب ذكرياتي .. ! وانتظر طيفك يبين !
    ياه .. ياهالذكريات !
    تذكرين !؟
    كم سهر " طرفي " على " طرف " يبات !
    وكم جرح مات ! ... حي !
    وكم فرح حي ..
    مات ..!
    تذكرين !؟
    كنت أنا لاغبت اجي واسأل :
    بكيتي !؟
    تسكتين ..!
    وأسمع أشواقك تقول :
    إيه ياحيي وميتي !
    وكنت أشر يم قلبك .. واسألك :
    هو .. هذا بيتي !؟
    كنت أسمع .. دمعتين !!
    تذكرين !؟
    كيف اسابق لهفتي
    لاجيت يمك !؟
    وكيف كنت اجمع حنيني وانثره ...
    من شان المك !؟
    تذكرين !؟
    يوم أنا ( أول ) ... أهمك !؟
    ماسألتي .. كيف حاله !؟
    طفلك .. النايم بصدري !؟
    وكيف لامنه تشوق ..!
    قمت احس النار .. حدري !؟
    وكيف اجاوب لاسألني .. ( ياترى بالحال تدري ) !؟
    كيف ابهرب عنه .. قولي لي أمانه !؟
    وين أودي وجه صبري ..
    لابكى فيني .. حنانه !؟
    وكيف اسليه ب غيابك !؟
    وأنا احس إنه بصدري .. مل حتى من مكانه !
    يالله عاد !
    انفضي غبار الرحيل .. وأطعني
    " صدر البعاد " !
    ياهو .. لاعبي الحنين ..
    هه ! شوفيني حزين ..
    لا الهوى هذا هواي ... ولا بلادي هي بلاد !
    ماسألتي ليه اموت الفين مره ..
    لاطريتك !
    وليه احس القلب يطلع !
    بس .. لامني بكيتك !؟
    وليه أنا .. أفنيت عمري .. فدوة لعيونك !
    وجيتك !؟
    ماسألتي .. ليه يعني !؟
    وكل طاري هم من بعد تبعني ..!؟
    يمكن إن قلبك .. نساني ..!
    أو يمكن ... ماسمعني !
    إييييييه والخالق .. " أحبك " ..!
    وحتى أوجاعي ..
    تحبك !
    حتى أسمك لابغيت أنطقه !
    يطلع لي " أحبك " !

    يا " أحبك " !



    ديوان الشاعر بركات الشمري
  8. *مزون شمر*
    22-08-2008, 10:40 AM

    ديوان الشاعر بركات الشمري


    " صه " ! ياشعب الكلام !

    " صه " ! ياشعب الكلام !
    " صه " !
    ياباغي ال سلام !
    " صه " ! ياشعب على الأنغام ..
    يسهر ! ماينام !
    " أووووف أووووف " !
    " ميجنا " !
    وإلا " عتابا " ..
    ياسلام !!
    لاجديد !
    إنشوف ذل ...
    وحضرتك ( باقي ) نعام !!
    " صه " !
    ياشعب نسى ( الدره ) على الهامش ..
    وراح ..!
    " صه " !
    ياشعب ( تمرغ ) .. بالجراح !
    " صه " !
    ياشعب قدر يمسك .. قناعه ..
    وماقدر .. يمسك " سلاح " !
    ياشعب ..
    ماهز فيه ( الذل ) ... ساكن !
    وشوف هزه ! بالمراقص !
    لاتغنوا بال أماكن !!
    ياشعب .. ( عفوا ............ ولكن ) !
    ياشعب ( نجوى ) و ( هيفا ) ..
    هي تجيك أخبار ...
    ( حيفا ) ..!؟
    ياشعب ( دن دن ) و ( طبل ) !!
    فيك هذا ( الذل ) ..
    يهبل !
    مابقى إلا شي واحد ...!
    دنق ل .!!!!!!!!!
    وقبل !!
    ياشعب ..
    يشجب كثير !
    ياشعب ..
    يبكي كثير !
    ياشعب شاف الكرامة
    ( مطلب ) ! ومره كبير !!!
    ياشعب تافه حقير ! عيش ( تهويد ) المصير !!
    ياشعب ( بلتث ) ..! ورقم !!
    ألبس ..!
    وأكشخ ..!
    وطقم !!
    ياشعب .. ( يهوى ) الفضايح ..!
    طاح ( واصلا ) .. كان طايح !
    ياشعب ..
    ( غني ... و ... اغني ) !
    و ( اسأل التاريخ .. عني ) !!
    ياشعب ..
    يربط مصيره .. دائما ..
    بيد التمني ..!
    " صه " ياشعب الكرامه !
    " صه " !
    ياشعب الإباء ..!
    " صه " ياشعب نسى لايقول في وجه الحثاله !
    1000 ( لاء )
    ياشعب ..
    ( قومي ياحلوة / وارقصي لي / والعبي )
    ياشعب ..
    جدا مفغل ...!
    ياشعب ..
    جدا غبي ...!
    وين تبغى توصل أكثر ..!؟
    يوم وصلت ل ( النبي ) .......!!؟
    " صه " ياشعب الكلام !
    أدري ماعندك ...... كلام ..!
    روح غني .. وإلا تدري ! ... الأجر / إنك تنام !

    من ال جبن إتك تصر على أكل ال جبن !


    ديوان الشاعر بركات الشمري
  9. *مزون شمر*
    22-08-2008, 10:43 AM

    ديوان الشاعر بركات الشمري


    .. (( ودك نكون )) ؟..!؟

    والله شاعر ! داخلي خافق ذاب !
    ....... أدور اللي ... يستحقه .... ويغليه !

    تعبت ادور بين الاحباب .. أحباب !
    ....... تعبت أنادي " ياترى وينهم فيه " !!

    الحظ عودني على .. قفلة الباب !
    ....... والعمر يجري بي ولاقدر أجاريه !

    قالوا : ولايسوى الأمل حفنة تراب !
    .......هو فيه أمل جاني وانا قلت : مابيه !؟

    شاعر واعرف الحرف وشلون ينساب
    ....... واعرف بعد وشلون اهذب .. معانيه !

    عاشق ولاعرف للهوى .. أيه اسباب !
    ....... معطيه قلبي قبل لاهو .... يعطيه !

    اذا عطيت اعطي ولاأحسب حساب !
    ....... واعطي بعد روحي إذا .. مايكفيه !

    ياهيه ياللي ماخذك عني .. اغياب
    ....... القلب بعدك ياترى ..... وين اوديه !؟

    اليا متى حنا مع الناس .... أغراب !؟
    ....... والحب .. يدعينا ولاحد .... يلبيه !؟

    أسألك باللي حط بك سحر الأهداب
    ....... واللي رسم في مبسمك سالفة تيه !

    ودي نكون بعالم الحب .... أحباب !
    ....... واليا سألتك ( ودك نكون ؟) قل: إيه !


    ديوان الشاعر بركات الشمري
  10. *مزون شمر*
    22-08-2008, 10:45 AM

    ديوان الشاعر بركات الشمري


    لاتاخذين الجرح !

    ياحلوتي ... مافاد حزني ../ ولابكاي !
    ...... ولافاد دمع .. لاجل عينك ../ بكيته ..!


    ليتك قتلتي أول الحزن ... / ..جواي !
    ...... ماكان قلتي : ( بسألك .. مانتهيته ) !!


    من كل عقلي أرسمك داخل الماي !!
    ...... ومن كل قلبي .. انقهر ../ لامحيته !


    جيتك وشايل في ضلوعي هداياي !!
    ...... وحلم كبير .. ومن جروحي .. بنيته !


    ياهي حزينة قصة الملح .. والناي !
    ...... والشاعر اللي .. في جنوني ابتليته !


    ماعاد تغري ضحكة الحب .. بشفاي ..
    ...... من يوم ماصك الأمل باب .... بيته !


    أواه يوم جيت لك أسبق ... خطاي ..
    ...... حتى زهورك ... / للأسف / مالقيته !


    كنى أحس إن التعب قال : انا جاي
    ...... ومن دون روحي جبت روحي .. وجيته !


    الياس يرمي .. أسود الهم .. بحشاي
    ...... والحلم بيدي .. / لليالي / .. رميته !!


    وانتي دخيلك .. لاتذكرتي .. ابكاي ..
    ...... قولي عطاني بيت ..! ياما ... قريته !!


    (( لاتاخذين الجرح ! .. خليه وياي
    ...... أذكرك ... فيه ! .. ولاذكرتك ../ نسيته ! ))


    ديوان الشاعر بركات الشمري
12345