هلووووووو ايفري بدي
.... هل أنت مرجوج ..؟
وإذا كنت كذالك .. ماهو مستوى رجتك ؟
للإجابة على هذه الأسئلة ماعليك سوى اجراء هذالاختبار
السؤال الأول
انت توك قايم من النوم وطفشان و واصلة معك .. قمت تغسل وجهك
وتفاجأت بنملة تبي تدخل خشمك .. ما هي ردة فعلك
1- تمسك النملة وتفعصها بإصبعيك وأنت تكركر ومستانس و تقول :
والله يا أنتي نملة منسمة تبين تخترقيني .. هع هع هاي ..
2- توخر النملة عن وجهك و تنتفها وانت تشتمها
3 - تخلي النملة تدخل خشمك
السؤال الثاني
راجع من المدرسة أو الكلية او العمل .. المهم وتلقى الوالدة سرحانة في الصالة
تفكر وش تصلح بكرة إذا بغت تسيير في الضحى على أم صويلح .. ماذا تفعل
1- تسوي نفسك تعبان وتصرخ وتمسك قلبك كأن ذبحة قلبية جايتك وأنت تقول :
الحقيني يمة قلبي .. قلبي .. ولما تنهبل أمك عليك وتبي تكلم أحد يجي يوديك المستشفى ..
تقول لها : قلبي تولع فيك.. حب ورثته من الجدوووود
هع هاي والله تسحيبة يمة
2- تجي بشويش من ورى أمك وهي سرحانة وتصرخ في أذنها وتقول :
مساك الله بالخير .. وطبعاهي بتنفجع وبتقول وجع الله يمسيك بعصا إن شاء الله
3- تطلع غرفتك وماتسوي شيء
السؤال الثالث
انت توك مقيل وماخذ لك قيلولة على كيف كيفك ونازل الصالة إلا
وتشوف خواتك الصغار عند سبيس تون طايرة عيونهم .. ماذا تفعل
1- تجي يعنني تكنس وتغطي عليهم التليفزيون <<< أحلى
2-تجي يعنني بتشبك شاحن الجوال وتقوم تفصل فيش التليفزيون وتقول : أوه اسف
3-تقعد تتفرج معهم
السؤال الرابع والأخير
بعد العشاء اشتهيت تويكس ونزلت تشتريه من البقالة
ولقيت سيارة خويك عند باب البقالة :
1- تنسم كفراته الأربعة
2- تسلم عليه وتلزم عليه يعزمك على العشاء
3- تشتري له تويكس معك
النتيجة:
أعط نفسك لكل اجابة رقم واحد 3 درجات
ولك اجابة رقم 2 درجتين
ولكل اجابة رقم 3 درجةوحدة
9 - 12
أنت مرجوووج جدا ..
حالتك خطيرة .. وقد تتحول رجتك إلى هبال رسمي .
الحل : خل امك تهمز راسك بزيت سيارات ثمانين مرة بالثانية وإن شاء الله ماقدامك إلا العافية .
5 -8
أنت مرجوج بس على نذالة شوي ..
مستوى رجتك معقول لكن لا تستخف دمك كثير لأنك راح تجيب العيد .
الحل : خل عنك النذالة .. ولازم تؤمن إنك تعاني من الدلاخة في مراحلها الأولى ..
و اكل عصفور قبل الغدا مرة في السنة .
4 - 5
يا أخي انت منتب في الدنيا .. ميت والناس حيين ..
انتبه على نفسك لأن أهلك احتمال ينسووووك إذا بغو يسافرون.
الحل : كورس رجة مكثف عندي
هههههههههههههههههههههههههههههههههههههههاي
لووووووووووووووووووووووووووووول
و كل واحد يقول لنا وش يطلع مستوى رجته..
ملطووش
تحياتي للدببة
