12

قصيدة الاسطوره _ حامد زيد

ديوان الشاعر حامد زيد - شاعر الجمهره
  • ارسال إلى Twitter
  • ارسال إلى facebook
  • ارسال إلى google plus
    1. Є7šaš
      12-08-2008, 08:10 PM

      قصيدة الاسطوره _ حامد زيد

      قصيدة الاسطوره _ حامد زيد


      ماتقبلت الفراق ما ليدي فيه حيله


      اه لو ان الظروف المقبله تكشف قدرها


      لو يعرف الشخص منا وش مع الغيب ابيجي له



      كان جنبنا المشاكل من قبل يوقع ضررها


      ما هقيت الليله اللي جابت الفرقا طويله


      لين صارت ليلة امس بعيني اطول من شهرها


      والعذاب اللي يذوب بعين من يفقد خليله



      عندي اكبر من عذاب العين لو تفقد نظرها


      والحبيب اللي صدوده مثل مداته جزيله


      صد عني واعرفه لو صد عن حاجه هجرها


      كن روحي يوم حست في جفاه وصعب نيله



      بشرتني بالضياع وشدة العزم لسفرها


      ما رحمها من هلاك وما تقبلها دخيله



      تحتضر قدام عينه لين ماتت من قهرها


      عاد ليت اللي ذبحها وارهب الموت بوسيله


      ما دفن وجه الضحيه والسكاكين بنحرها


      ليت قلبه يوم سوى فعلته كمل جميله



      لو غسلها من عروقه وبكفن صدره قبرها


      من حفر بضلوع قلبه حفرة تكفي قتيله


      ليه ما يدفن قتيله بالضلوع اللي حفرها؟


      اشتكيته للرفوف وللبراويز الهزيله



      وانذعرت من النياح اللي سمعته في صورها


      رحت اسولف للجبال الصم عن قصة رحيله


      ما تركت متونها الا ينحت الدمع بصخرها


      واحد حقق جماله كذب اساطير الف ليله


      يسكن السبع البحور ويحبس الحور بدررها


      الدروب بكبرياها ترتجف تحته ذليله


      والورود اللي تقبل خطوته تنبت بأثرها


      والغصون اليا بغاها تنثني له.تنثني له


      والفياض ان حب ينثر عطرها يلمس زهرها


      لو يصوت للغدير المنجرف جفف سبيله


      وان تبسم للجبال الصامته نطق حجرها


      كل حاجه تستوي له. لي بغاها تستوي له



      بالنظر واستغفر الله لو بقول : انه سحرها


      ذاك لو بس يتمنا فاكهة شجرة ضليله


      بس يفتح راحت ايده ويتساقط له ثمرها!


      كن ربي سخر له المعجزات المستحيله


      واصبح اسطوره وكل الالسنه تنقل خبرها


      هان محجر دمع عيني لين جفف سلسبيله



      والتفت لأخير دمعه قبلت يده ونثرها


      دمعة كن بشقاها يوم طاحت في شليله


      جادل جات بدوي تطلب الستر وسترها


      له علي انه ليا من طاح من عيني تشيله


      ولي عليه انه يرجع لابتساماتي ثغرها


      لو طعوني بالسكاكين بيده تشفي غليله


      لاشتريها من عذابي وادفع بدمي مهرها


      واطلبه ينهال فيني طعن لين يطيح حيله


      بس لا يترك عيوني تنحرم نعمة بصرها


      له بعيني مثل ما للطهر بالنفس الاصيله



      تقطع يدين الردا لو مس شعره من شعرها


      مابغيته غير درب شتت اقدام الدليله


      مزنة ما بللتني واستحيت اطلب مطرها


      والعطايا من يدين الخلق للطالب قليله


      والوهايب من يد الله للعباد اجل وأرها


      وان نسيت اني زرعت العشق وحظوظي بخيله



      ما نسيت ان العطايا تستحق اللي شكرها


      صعب تلقى شخص وافي يجزي الطيب بمثيله


      والعرب كد قالت ان : الناس ما تترك قشرها





      القصيدة مسموعه
      250*300 Second
    2. شجون الحب
      23-02-2009, 12:56 PM

      قصيدة الاسطوره _ حامد زيد


      انا احب هذ الشعر تسامين يالغاليه
    3. معذب قلوب البشر
      24-02-2009, 12:18 AM

      قصيدة الاسطوره _ حامد زيد


      لو ىعرف الشخص منا وش مع الغىب بىجىله
      كان جنبنا المشاكل من قبل ىوقع ضررها
      ‏{نقل راىع ىعطىك الف الف عافىه}
    4. سميا
      16-04-2009, 08:07 AM

      قصيدة الاسطوره _ حامد زيد


      ابيات رائعه جدا يسلمووو
    5. zezo
      28-09-2009, 02:20 AM

      قصيدة الاسطوره _ حامد زيد


      ابيات رقيقه كرقة ذوقك وجماله..
      صح لسانك ولسان الشاعر..
      يعطيك العافيه..
      مودتي ,,
      zezo
    6. EMMA WATSON
      28-09-2009, 03:32 AM

      قصيدة الاسطوره _ حامد زيد


      جدا الأبيات شاعريه
      ومشكووووووووووووووووره وايد ع الموووضوع
    7. شيخة قلبه
      03-11-2009, 06:26 PM

      قصيدة الاسطوره _ حامد زيد


      ابيات مره حلوه
      تشكراتي لك

      تقبلي اطلالتي

      ذات ال ع يون
    8. كثر الغلا ذباح
      08-11-2009, 04:48 AM

      قصيدة الاسطوره _ حامد زيد


      روعه صح لسانه ويعطيك العافيه
    9. انثى الجنووووون
      26-11-2009, 08:36 PM

      قصيدة الاسطوره _ حامد زيد


      ابداع يسلمووووووا لاعدمناك
    10. معشوقة
      04-11-2010, 04:12 PM

      رد: قصيدة الاسطوره _ حامد زيد

      قصيدة الاسطوره _ حامد زيد


      يسلمووووووووووووووووووو
      خطيييييييييييييرة وروعة
    12