باخر اليوم الطويل

الشعر, قصيدة , شعراء, القصايد ارسال إلى Twitter ارسال إلى facebook
  1. نايف الشمري
    31-07-2008, 08:05 PM

    باخر اليوم الطويل

    باخر اليوم الطويل


    السلام عليكم
    هذي اول مشارك لي في المنتدى



    باخر اليوم الطويل وبعد حزات المغيب
    راودتني هموم قشرا مدري شلي جابها


    ماوعيت الا ودمعي من على خدي سكيب
    وامسح دموعي بدمعي كود ينفذ مابها


    طاقتن كبدي وانا وضعي بهالليله مريب
    لعنبو حالي بلاها مدميه بغيابها


    مادريت ان المفارق يشعل اضلاع الصويب
    ومادريت ان الوصال تطفي حر الهابها


    كيف قلبك طاوعك تهجر الخل القريب
    مادريت ولا سألت ولا حسبت حسابها


    اسألك وابغى الاجابه يالحبيب يا الحبيب
    ليه ما تطري المحبه دام خلك جابها


    لو تغيب ايام عني عن وصالك ما اغيب
    تحضنك ابيات شعري لا تظن غيابها


    اسرحي بعيني وشوفي حزنها شيٍ رهيب
    يمكن انك لا قربتي تعشقين اهدابها


    ايه احبك ايه احبك هذا مو شيِ غريب
    شف دارك وسط صدري وشوف هذا اطنابها


    لو يجن كل الصبايا لم حلاهن ما استجيب
    لانك اطهر ما اشوفه وواضحه بكتابها


    ولو غيرك جا يعاتب قلت له تخسى وتخيب
    يكفي ان شعري سحرها وحايزن اعجابها


    باخر اليوم الطويل وبعد حزات المغيب
    راودتني هموم قشرها مدري شلي جابها

    منقوول
    من مواضيع نايف الشمري : (::) باخر اليوم الطويل
  2. *مزون شمر*
    09-08-2008, 11:24 PM

    باخر اليوم الطويل


    قصيدة جميله
    يعطيك العافيه عالنقل
    بس لاتنسى تكتب منقوول
  3. بنت زآيد
    09-08-2008, 11:40 PM

    باخر اليوم الطويل


    صح لسان الشاعر

    قصيدة جميلة

    يسلمووو على الطرح

    الله يعطيك الف عافيه

    تحيتي لكم
  4. وزير السلطان
    10-08-2008, 12:55 AM

    باخر اليوم الطويل


    أبيات رائعه أخوي نايف
    يعطيك العافيه على هالنقل المتميز
    يسعدك ربي
  5. خالدي
    10-08-2008, 12:25 PM

    باخر اليوم الطويل


    صح لسان قايلها وسلمت يمين ناقلها
    يعطيك الف عافية على النقل الرائع
    تحياتي لك