جفاف الدمع و ندى الذكرى

الشعر, قصيدة , شعراء, القصايد ارسال إلى Twitter ارسال إلى facebook
  1. بنوته جنان وكلها حنان
    08-08-2008, 01:15 AM

    جفاااااف الدمع و ندى الذكرى

    جفاف الدمع و ندى الذكرى


    إي والله ما بقى دمعه في عيني يالغضي تبكيك
    بكيتك لين جف الدمع ف/عيوني من غيابك

    إي والله كل ما تطري أو أسمع بالملا طاريك
    أصد بحسرتي وأقفي ولا أبكي طاري ( ن ) جابك

    وأسج بخطوتي وأرحل و لا كن الخبر يعنيك
    وأسير بدرب نسيانك ويرميني على بابك

    ووقف ! تايه وحائر وأعوّد وأرجع إل/ماضيك
    وأذكر ما مضى وأنسى ولا أنسى جرح بأسبابك

    إي والله جرحك الدامي قتلني و انقتل غاليك
    حفرت القبر بيدينك ودفنت الحب بترابك

    وأنا ما أخطيت في حقك ولا حتى هقيته فيك
    مدام إن الخطأ منك تحمل منه ما صابك

    أنا والله ما أرخصتك ولا بعّتك وأنا شاريك
    يا حيف اشلون ترضاها تبيع وترخص أحبابك

    الا وشلون من صان الموده تجرحه بيديك
    والا وشلون نفس الجرح ما أقبل بك ولا أقفا بك

    والا وشلون نجم الليل لا منه صحى داعيك
    والا وشلون يقراني ولا يقرأ من كتابك

    فمان الله ْْ ! حلْ عني خلاص اليوم أنا ما ابيك
    ترى ماني على خبرك يا طيف أموت وأحيا بك

    كتبتك ْ حسبي الله ليت ما خط القلم يمحيك
    ويمحي باقي اطيوفك ولا أشقا منك وأشقا بك

    رح بفالك رعاك الله عسى رب الملا يحميك
    ولكن قبل ما ترحل ! تعال ! ورُوح بغيابك




    منقوول
  2. بنت زآيد
    08-08-2008, 01:27 AM

    جفاف الدمع و ندى الذكرى


    هالقصيدة لك و الا منقوله ؟؟ اذا منقوله ياريت تكتبين منقول مره ثانيه

    قصيدة جميلة

    يسلمووو على الطرح

    الله يعطيج الف عافيه

    تحيتي لكم
  3. *مزون شمر*
    08-08-2008, 01:30 AM

    جفاف الدمع و ندى الذكرى


    ارجو منكِ التقيد بقوانين القسم
    تنزلين مشاركتين في اليوم الواحد
    وتكتبين اسم صاحب القصيدة اذا منقوله
    او كلمة منقول للامانه الادبيه
    تحياتي
  4. نواف دت كوم
    08-08-2008, 01:53 AM

    جفاف الدمع و ندى الذكرى


    قصيدة جميلة

    يسلمووو على الطرح

    الله يعطيج الف عافيه

    تحيتي لكم