قصيدة الأم - حامد زيد

ديوان الشاعر حامد زيد - شاعر الجمهره
  • ارسال إلى Twitter
  • ارسال إلى facebook
  • ارسال إلى google plus
    1. صدى الحب
      19-03-2006, 01:01 AM

      قصيدة الأم - حامد زيد

      قصيدة الأم - حامد زيد


      قصيدتي زاد بعيونها بجمالها..
      وأخذت انقى بالمعاني جزالها..
      واكتب معانيها من الشوق والغلا..
      لأمي وانا اصغر شاعر من عيالها..
      كتبتها في غربتي يوم رحلتي..
      لما طرا لي بالسفر ماطرالها..
      امي وانا بوصف لها زود حبها..
      وان ماحكيت لها قصيدي حكالها..
      امي لها بالقلب والجوف منزله..
      ومكانة ماكل محبوب نالها..
      اقرب من ظلالي وانا وسط غربتي..
      وانا تراي اقرب لها من ظلالها..
      ماشافت اعيوني من الناس كلهم..
      اتبع رضاها وارتجي زود قربها..
      واللي طلبته من حياتي وصالها...
      الصدق مرساها والأشواق بحرها..
      والعطف واحساس الغلا راس مالها..
      اهيم فيها وابتسم يوم قلبها..
      تسال وانا قلبي يجاوب سؤالها..
      وان طلبتني شيء فزيت مندفع..
      اموت انا واحمل تعبها بدالها..
      واصبر على الدنيا والأحزان والتعب..
      واحمل على متني فطاحل جبالها..
      واسهر واعذب راحة القلب بالشقا..
      واعيش اعاني بس يرتاح بالها..
      تربية ابوي اللي على الطيب بذكره..
      اللي وهبني للحياة ومجالها..
      نور لي ادروبي وانا طفل مبتدي..
      حتى تركتني واحد من رجالها..
      الوالدين اولى بالإحسان لجلهم..
      واولى بتكريم النفوس وعدالها..
      اقولها وانا على الله متكل..
      والله يعلم بقدرتي واحتمالها..
      ياكلمة اغلى من الناس كلهم..
      ياشمس بقلبي بعيد زوالها..
      يافرحة تملي لي الكون بالحمله..
      ياشجرة تكبر ويكبر ظلالها..
      تضحك لي الدنيا ليا شفت زولها..
      مثل السما تزها بطلة هلالها..
      والبعد عنها ياهل العرف ماقدره..
      لاشك ناري زايده بإشتعالها..
      ماعيش ببلاد ولاهيب بارضها..
      ولابي عيوني كان ماهي قبالها..
      ارض تدوس امي بالاقدام رملها..
      اموت فيها واندفن في رمالها..





      250*300 Second
    2. *مزون شمر*
      01-08-2012, 12:41 AM

      رد: قصيدة الأم - حامد زيد

      قصيدة الأم - حامد زيد


      صح السان حامد زيد
      واشكرك على النقل
    3. حبتين والحزن بعدين
      01-08-2012, 05:51 AM

      رد: قصيدة الأم - حامد زيد

      قصيدة الأم - حامد زيد


      يالبى حامد زييد صح كلامه الله يعطيك العافية خيوو
    4. المريسي
      09-09-2015, 08:40 AM

      رد: قصيدة الأم - حامد زيد

      قصيدة الأم - حامد زيد


      شكرا عالكلمات

      تحياتي
    5. ♡سلفستر♡
      18-08-2017, 12:20 AM

      رد: قصيدة الأم - حامد زيد

      قصيدة الأم - حامد زيد


      الله صح لسانه شاعر مبدع ابواسماء
    6. الرمز
      18-08-2017, 10:52 AM

      رد: قصيدة الأم - حامد زيد

      قصيدة الأم - حامد زيد


      امك ثم امك ثم امك قالها ثلاثا