تعال واسمع وش تقول الثواني

الشعر, قصيدة , شعراء, القصايد ارسال إلى Twitter ارسال إلى facebook
  1. العايد
    05-08-2008, 07:12 PM

    تعال واسمع وش تقول الثواني

    تعال واسمع وش تقول الثواني


    مساء الشعور اللي ضوى و اعتراني
    و الاّ الغياب و لهفتي لا وصلتك

    و الاّ الوله .. و الاّ الشعر .. و الأغاني
    و الاّ الحنين .. وضيقتي .. لا ذكرتك

    في مسرح .. عيونك تضج الأماني
    تعبت أنادي و يصفع الصوت صمتك

    أفز و ارجع .. و أتحسس مكاني
    و ألقاك حلم .. في عيوني رسمتك

    جيتك سحابة شعر تلهم بناني
    جيت و على خد الصحايف مطرتك

    أزرع حروفي في رياضك معاني
    بيني .. و بينك .. تنتشي لا عرفتك

    جيتك و هذا الشوق .. راسم حناني
    لوحة مشاعر.. في ضلوعي نقشتك

    تع،،،ال و اسمع وش تقول الثواني
    يا ما انتظرتك .. و انتظرتك وشفتك

    واقف و أنا اسأل حظي اللي عصاني
    وشلون تضوي دنيتي لا فقدتك ؟ ؟

    إرجع و رجّع فرحي اللي نساني
    شف كمّ يا ليت ..بمفرداتي كتبتك

    سؤال ثاير .. تحت صمت المحاني
    بالله .. قل لي حبيبي .. وحشتك ؟؟

    تضيق بغيابك .. صدور المواني
    يا ما على مرسى الليالي .. سهرتك

    جيتك .. و بأيدي ورد يا ما بكاني
    و دايم يواسي .. دمعتي لا ذكرتك

    بحر الرجاوي فوق شطّك رماني
    مدّ الكفوف ..وصب فيني عشقتك

    خذني حنين و لهفة إنسان عاني
    خذني زمن يرقد على حجر وقتك

    خذني ترى يا ما غرامك خذاني
    و يا ما على جذع انتظاري حفرتك

    نزلتني من عالم الشعر داني؟؟؟؟؟؟؟؟؟؟؟؟؟؟؟؟؟؟؟؟؟
    حسيبك الله دامني ماقتلتك

    جيتك و ما ادري كنّي إنسان ثاني
    طال الفراق و كن توّي عرفتك

    جيتك و أنا ما جيت .. واقف مكاني
    طيفك حضنّي و احسب أني وصلتك


    منقوول
  2. *مزون شمر*
    05-08-2008, 10:21 PM

    تعال واسمع وش تقول الثواني


    قصيدة رائعه
    طبت و طاب منقوولك
    تقبل مرووري
  3. بنت زآيد
    05-08-2008, 11:44 PM

    تعال واسمع وش تقول الثواني


    صح لسان الشاعر

    أبيات جميلة

    يسلمووو على الطرح

    الله يعطيك الف عافيه

    تحيتي لكم
  4. نواف دت كوم
    06-08-2008, 07:30 AM

    تعال واسمع وش تقول الثواني


    قصيدة جميله ونقله اجمل تسلم لي تقبل مروري
  5. مجنون خالد
    06-08-2008, 08:20 AM

    تعال واسمع وش تقول الثواني


    يعطيك العافية ومشكور وما قصرت وجزاك الله خير على هالنقل الطيب
    تحياتي ..
  6. العايد
    06-08-2008, 10:40 AM

    تعال واسمع وش تقول الثواني


    المشاركة الأصلية كتبت بواسطة *مزون شمر*
    قصيدة رائعه
    طبت و طاب منقوولك
    تقبل مرووري
    مزوون شمر
    يسعدني مرورك وتعديلك شكرا لك اختي مزون
  7. العايد
    06-08-2008, 10:42 AM

    تعال واسمع وش تقول الثواني


    بنت الامارت ومجنون خالد ونواف دت كوم شكرا على مروركم المشرف وتحياتي