وين احصل بالبشر خلن صدوق

الشعر, قصيدة , شعراء, القصايد ارسال إلى Twitter ارسال إلى facebook
  1. العايد
    04-08-2008, 10:52 AM

    وين احصل بالبشر خلن صدوق

    وين احصل بالبشر خلن صدوق


    وين احصّل بالبشر خلٍ(ن) صدوق
    اشتكيله ويستمع لي باهتمام
    الهِجُوس كثار والخافق يضوق
    يالله إني طالبك .. زين المنام
    وقفت بالجوف دقات الخفوق
    من سبايب مهرت(ن) ارخت لثام
    ما هقيت الزين ذباح الشفوق
    لين صاب القلب من عينه سهام
    اثرني ضعّيف وقلبي مايعوق
    كنت احْسِبه جامد شديد وما يضام
    من حلاته جف دمي بالعروق
    اشهد إن الزين يعطيها وسام
    قلت اسم الزين؟ قالت لي شروق
    قلت عز الله شروق بلا ظلام
    زانت الجلسة وزيّنْت الطروق
    جبت له أحلى القصايد والكلام
    قرّبت مني وقالت لي تذوق؟
    الفواكه .. العسل .. بيض النعام
    قلت خايف ابتدي تقولي طفوق
    يوم جاتِ منك اسقيني أوام
    قرّبت تسقيني من فمها عذوق
    وانا جالس انتظر وبل الغمام
    صاح صيّاح(ن) ينادي لا تبوق
    لا تمادى بالفعل هذا حرام
    انتبهت وقمت من نومي واروق
    قومتني ساعتي وقت الدوام
    بعض الحلوم ماودك انك به تفوق
    وهذا اخر حلم جاني بالمنام



    منقوول لعيونكم وعيووونها
  2. بنت زآيد
    04-08-2008, 03:20 PM

    وين احصل بالبشر خلن صدوق


    صح لسان الشاعر

    قصيدة جميلة

    يسلمووو على الطرح

    الله يعطيك الف عافيه

    تحيتي لكم
  3. مجنون خالد
    04-08-2008, 04:44 PM

    وين احصل بالبشر خلن صدوق


    العايد ... ياخوي هذي برشومة .. انحولت وانا اقراها ..
    الله يعطيك الف عافية على النقل الجميل مشكور وما قصرت
    تحياتي لك .
  4. العايد
    04-08-2008, 05:29 PM

    وين احصل بالبشر خلن صدوق


    المشاركة الأصلية كتبت بواسطة بنت زايد
    صح لسان الشاعر

    قصيدة جميلة

    يسلمووو على الطرح

    الله يعطيك الف عافيه

    تحيتي لكم
    بنت الإمارات مرورك الأجمل ومشكوره وزالله يعافيك
  5. العايد
    04-08-2008, 05:30 PM

    وين احصل بالبشر خلن صدوق


    [quote=مجنون خالد;2033218]العايد ... ياخوي هذي برشومة .. انحولت وانا اقراها ..
    الله يعطيك الف عافية على النقل الجميل مشكور وما قصرت
    تحياتي لك .
    [/qu

    دمك عسل مجنون خالد تحياتي لك وهذا عشان تركز مشكور وتحياتي مجنون خالد