بنت عمي المليونير

الشعر, قصيدة , شعراء, القصايد ارسال إلى Twitter ارسال إلى facebook
  1. العايد
    03-08-2008, 08:53 PM

    بنت عمي المليونير

    بنت عمي المليونير


    --------------------------------------------------------------------------------



    شاب فقير خطب بنت عمه المليونير

    وزود عمه طلباته عليه فقال القصيده:
    ================================






    سبحان من يرزق بتوع الملايين



    الرازق اللي ما يخيب الرجابه





    لي عم عنده معرض للصوالين



    أموت واعرف بس من وين جابه





    وإذا سألته قال بعت الدكاكين



    ما يدري إني ما هضمت الإجابه





    الشاهد إني رحت له قبل يومين



    في قصره العامر ودقيت بابه





    قال ارحب ارحب عد ورد البساتين



    يا مرحبا باللي لفا ياهلابه





    قلت البقا عد النفل والرياحين



    يا شيخ شمل اهل الكرم والذرابه





    قال اسلم الله يحفظك لي من العين



    وامر أوامر حضرتك مستجابه





    قلت الصراحة طالب قرب غالين



    ودي تزوجني كريمتك يابه





    ثنى وقال اهلين والله وسهلين



    والكون ترخص لجل عينك رقابه





    لكن ترا عندي شروط وقوانين



    قلت اشرط اشرط يا حيبب الغلابه





    قال أولا مهر العروسة ثمانين



    غير الرسوم وغير حق العصابه





    والثانية عمك يبي منك سبعين



    رسم الأبوة والنسب والقرابه





    وامالعروسة حقها منك ستين



    عشانها ست الحسن والمهابه





    واخوانها كلن يبي منك خمسين



    عدا ونقدا تندرج في حسابه





    وخواتها الخمس اعطهن من ثلاثين



    عشان تتوثق عروق النسابه





    وتجيب طقم عيار واحد وعشرين



    وخاتم من الماس المصفى ترابه





    واكياس متروسة كعوب وفساتين



    ألوانها واشكالها ماتشابه





    وموتر بسواقه وفيلا بدورين



    أثاثها من بطرته ينحكابه





    واحجز لنا قاعة بقصر السلاطين



    واحجز بها رقاصتين وربابه





    وامنع دخول اهل اللحى والبزارين



    واعزم أمير المنطقة بالنيابه





    هذي الشروط اللي على بالي الحين



    وذكرني اللي ما حسبنا حسابه





    قلت اذكر الله يا عدو المساكين



    واستغفره لا يبتليك بعذابه





    الظاهر إنك منت عارف أنا مين



    أنا لو ارقا فوق متن السحابه





    ماجبت حتى نص درزن مواعين



    واضحك بكيفك واعتبرها دعابه





    شروطكم هذي شروط المجانين



    شروطكم شغل ابتزاز ونهابه





    شروطكم تقصم ظهور البعارين



    شروطكم همن وغم وكابه





    شروطكم والله سيوف وسكاكين



    تذبح بنات المجتمع مع
    شبابه





    وين الرضا والعطف واليسر واللين



    اللي ذكرها الله بمحكم كتابه





    وين الصفات اللي أمرنا بها الدين



    وين اختفى نهج النبي والصحابه





    ياعم جعل اللي خلقنا من الطين



    يرد عقلك من خطاه لصوابه





    ويجعل نصيبي عند غيرك قل امين



    ويحسن عزا الصابر ويجزل ثوابه





    قال انت لو فكرت تفكير صاحين



    ما شفت في مجمل شروطي غرابه





    حنا بعصر العولمة والمزايين



    ماهوب عصر الفلسفة والخطابه





    الناس تسعى للرتب والنياشين



    وانت اهتمامك بالشعروالكتابه





    والشعر ما ينفعك لو هو دواوين



    ما دام جيبك مثل بيت الخرابه





    يابوك لا تسمع كلام المصاخين



    واسأل مجرب عاش في وسط غابه





    قلت الله اكبر يا محرر فلسطين



    من يسمعك يحسبك ذيب الذيابه





    تراك شايب راس مالك ريالين



    والبنت ما تسوى جناح الذبابه





    قال انقلع مالت على وجهك الشين



    لا عاد اشوفك عندنا يالزلابه





    قلت ابشر ابشر لكن الباب من وين



    واقفيت من عنده على صوت بابه
    __________________







    منقووول
  2. مجنون خالد
    03-08-2008, 09:09 PM

    بنت عمي المليونير


    هههه صح لسان الشاعر ...ويعطيك الف عافية اخوي العايد نقل رائع ماقصرت والله
  3. العايد
    03-08-2008, 10:43 PM

    بنت عمي المليونير


    الله يعافيك اخوي خالد وشكرا عالمرور وتحياتي لك وممنون
  4. بنت زآيد
    03-08-2008, 11:49 PM

    بنت عمي المليونير


    صح لسان الشاعر

    أبيات جميلة

    يسلمووو على الطرح

    الله يعطيك الف عافيه

    تحيتي لكم
  5. العايد
    04-08-2008, 09:05 AM

    بنت عمي المليونير


    هلافيك بنت زايد وشكرا
  6. خالدي
    04-08-2008, 10:25 AM

    بنت عمي المليونير


    صح لسان الشاعر
    الله يكون بعونه
    يعطيك الف عافية على النقل الرائع
    تحياتي لك
  7. العايد
    04-08-2008, 10:53 AM

    بنت عمي المليونير


    خالدي متألق بطلتك دائما بحضور مشرق تحياتي اخوي خالدي
  8. ЯξξறĄ㋡
    04-08-2008, 01:07 PM

    بنت عمي المليونير


    يسلم الايادي يالعايد

    على النقل الرووعه

    لاعدمنا وجودك

    دمت بود
  9. العايد
    04-08-2008, 06:16 PM

    بنت عمي المليونير


    شكرا لم اختي ريما وتحياتي لك