المفارق عنك لا يعني

الشعر, قصيدة , شعراء, القصايد ارسال إلى Twitter ارسال إلى facebook
  1. سلاف
    16-03-2006, 07:13 PM

    المفارق عنك لا يعني

    المفارق عنك لا يعني


    بصراحة قرأت هذي الخاطرة وأعجبت بها وحبيت تقرونها ....

    المفارق عنك لا يعني..ضياعي
    والمعيشه معك..لا تعني متاعي
    في كلا الحالين..ما تفرق..لأني
    واعي..لارحت..ولاجيت واعي
    أدري اني حي بك..ولا..بدونك
    وانت جزء من الحياه..ولك دواعي
    بس ما يعني وجودك في حياتي
    إمتثالي دوم لأمرك.. إنصياعي
    لي طريقي..وانت والله واختيارك
    يا ابتعادك عن طريقي..يا اتباعي
    إقتنع في كل ما اسوي.. واقوله
    عقبها..شوف انطباعك..وانطباعي؟
    ولو تحس الإختلاف..برد فعلك
    لك طباعك..ياعزيزي..ولي طباعي
    يعني لو إنت اندفاعي في شعورك
    في شعوري..ماني مثلك إندفاعي
    باقتناعي لا عشقت اعشق وطبعا
    لا كرهت اكره..بكيفي..واقتناعي
    وإنت بس ارجوك لا تزعل..وقدر
    مثل ما اراعي..لزوم إنك تراعي
    يعني لو ما كنت احبك..لا أهزك
    خلك اقوى من كلامي..وامتناعي
    كلمتين وقلتها لك..ألف مره
    بس شكلك ضقت من كثرة كلامي
    قلت:لو أقدر أحبك..كان أحبك
    والبلا ان الحب ما هو بمستطاعي
    ليتك انك تطلب اللي استطعته
    لجل تبقى دوم مسموعا..مطاعي
    فالسموحه كل شئ إلا شعوري
    مو لأي إنسان شفي..وإلتياعي
    وانت اكيد إنك بتلقى في حياتك
    من ينسيك بوصاله..إنقطاعي
    فالحياه بتستمر..وشي طبيعي
    لو تجي تسحب ذراعك من ذراعي
    ما اموت من المفارق وانت تدري
    وش باقول إن جيتني..ناوي وداعي
    بإختصار إن غبت يالغالي...تأكد
    المفارق عنك.. لا يعني.. ضياعي
    ****
    اختكم المحبة : س**لاف
  2. الرميلي
    16-03-2006, 11:54 PM

    المفارق عنك لا يعني


    الاخت العزيزة سلاف

    الله يعطيك الف عافية على هذا النقل الرائع
    فعلا خاطرة جميلة جدا

    الي الامام و انا في انتظار جديدك

    تقبلي فائق تقديري و احترامي
  3. رماد القناع
    17-03-2006, 01:38 AM

    المفارق عنك لا يعني


    خيتو سلاف ابدعتي بنقلك للخاطره فقد اعجبتني ننتظر مثيلاتها منك

    تحياتي واشواقي
  4. سلاف
    17-03-2006, 01:13 PM

    المفارق عنك لا يعني


    مشكورين عالمرور جميعا