سالفة جرحي

من اول سالفة جرحي وهذا الحال طاف الحول
تعبت ابحث عن حلول تخفف من عنا حالي

من اول سالفة جرحي وانا عن عالمي معزول
ولاحي درى باللي من المحبوب يجرا لي


بعد ماغاب عن عيني وخلاني كذا معلول
وش اللي صار يتركني بدون اسباب بلحالي

وش الحيلة وانا اللي دايم بالي معه مشغول
خياله مايفارقني طوال الوقت في بالي

انا المفتون في حبه ملك قلبي بعرض وطول
وانا اللي كنت اظن انه على هالحب يبقى لي

توهقت بغرامه لين شلت الخفوق حمول
لاني ماهقيت انه يكون اسباب غربالي

الا ياليت ماحبيت وسقت الحال للمجهول
والا ياليتني ماجيت في دربه ولاجالي

عسى ماهي نهاياتي اكون العاشق المقتول
ضحية حب من هانت عليه يموت له غالي

على الله يامعذبني الاقي للخلاص حلول
وتقضي سالفة جرحي معك يامتلف حالي


منقووله​
 
صح لسان الشاعر

قصيدة جميلة

كلمات رائعة ومؤثرة

يسلموووو على الطرح

الله يعطيج الف عافية

تحيتي لكم
 
صح لسان الشاعر ومشاء الله على النقله الجميله من الاخت اميرة روحي :a:تسلملي روحك:a:





:m: مع تحيات: نواف دت كوم
 
انا المفتون في حبه ملك قلبي بعرض وطول
وانا اللي كنت اظن انه على هالحب يبقى لي

توهقت بغرامه لين شلت الخفوق حمول
لاني ماهقيت انه يكون اسباب غربالي

،
،

قصيدة رائعه
اختيارك رائع دائما اميرة
يعطيكِ العافيه
كوني بخير
 
الا ياليت ماحبيت وسقت الحال للمجهول
والا ياليتني ماجيت في دربه ولاجالي

عسى ماهي نهاياتي اكون العاشق المقتول
ضحية حب من هانت عليه يموت له غالي

- - - - - - - -
يعطيك الف عافية على النقل الرائع
ومشكورة على الانتقاء الصائب
 
على الله يامعذبني الاقي للخلاص حلول
وتقضي سالفة جرحي معك يامتلف حالي



اميرة

احسنتي الاختيار في النقل

كلمات رائعة من قلم اروع

يعطيك ربي الف عافية

تقبلي مروري
 
عودة
أعلى