قصيدة جنون الجاهليه - حامد زيد

ديوان الشاعر حامد زيد - شاعر الجمهره
  • ارسال إلى Twitter
  • ارسال إلى facebook
  • ارسال إلى google plus
    1. Mr_NoOoOoP
      21-07-2008, 09:31 AM

      قصيدة جنون الجاهليه - حامد زيد

      قصيدة جنون الجاهليه - حامد زيد


      يوم ثارت في جنون من جنون الجاهليه
      عاتبتني لين شبت في شراييني لهبها


      واستفزتني وفزت وزعلت مني عليه
      وستضاقت من كلامي يوم زعلني عتبها


      من بعدها ما بقى لي في محانيها بقيه
      اسدلت دمع المحاجر للبكا ورخت هدبها


      والله اني مانويت ابدي معاها بالخطيه
      بس هي اللي تعدت حدها لحظة غضبها


      والله اني كنت اكابر بالعتب بحسن نيه
      بس ابدري هو صحيح اني الوحيد اللي عجبها


      يمكن اني كنت قاسي بالعتب معها شوية
      كثر ما كانت تمنى راحتي واعشق تعبها


      جرحتني بالكلام وكبرت حيل القضية
      واخسرت بي كل عرق من شراييني كسبها


      ولا هي ماكان فيها للموادع مقدرية
      والجفا كانت تعافه بس مدري وش قلبها


      ليتني مارحت اقياس قيمتي عند بدوية
      رجعت لي كل عرق حبها ولا نهبها


      وعلمتني كيف بالجفا وانتصر وابقى ضحيه
      وعلمتني كيف قلبي لو غلبها ما غلبها


      وعلمتني يوم صدت عنفوان الاجودية
      ماتلوح للمقفي لو سلبها ما سلبها


      رابية بين القبايل والعرب واهل الحمية
      عاقله ماتبذر إلا نخلة تعرف رطبها


      إن تهادت ذكرتني في خفوق العامريه
      وإن تمادت تركب ابليس الرجيم وماركبها


      جفنها لا سلهمت به ما يطليق السامرية
      تسحبه برضاه عينه وان سهت عينه سحبها


      وان حكت تعطي مكانه للحروف الابجدية
      كن كلمتها تلفت للكلام اللي عقبها


      والحروف اليا تعدت بالشفاه النرجسية
      كنها صارت قصيدة بس ربي ماكتبها


      وش بوصف من حلاها وش بخلي للبرية
      مابها بالحسن عيب واكشفته الا حجبها


      شعرها فيه الخوي اللي تبرى من خويه
      والشفا لو تشرب الما واختلط فيها شربها


      كن في ضمة شفاها جمرتين بنار حيه
      كل من حس بدفاها وحترق صد وقربها


      شفتها مثل الجريمه وابتليت ابها بليه
      غلطة جيت اتحاشى ظلمها قلت ارتكبها


      كل شي شفت فيها فيه نبره جاذبيه
      موهبة من فضل ربي واشهد ان الله وهبها


      كلها لله بلله فاتنه ها لادميه
      عاجبتني من بداية راسها لا سفل كعبها


      لو تبادلني شعوري والهدية بالهدية
      ماوفت لي لو تبيع ثيابها واغلى ذهبها


      هملتني والقلوب الجرهدية جرهدية
      وحرقتني والمحبه نارها تاكل حطبها


      ولا انا ماكنت اكابر والليالي السرمدية
      يمكن ان اللي غصبني للولع فيها غصبها


      ياخوفوقي وادري انك منت في حاجة وصية
      شف مكاني وانت تدري وين هي يمة عربها



      رح لها وان كان فيها قلب يطمح في مجيه
      شف طلبها في عروقه وان حصل تمم طلبها


      وانشده وان قال عنها من هدر دمي بريه
      قله ان اللي حصلي بالمحبة من سببها


      ولو يقول اني تعمدت الخطا لجل الأذية
      قله اني ما تحمل بالعتب قله ادبها


      ولو يقول اني انا اللي كنت بادي بالخطية
      قل هي اللي تعدت حدها لحظة غضبها





      القصيدة مسموووعه
      250*300 Second
    2. سميا
      16-04-2009, 08:25 AM

      قصيدة جنون الجاهليه - حامد زيد


      ابيات رائعه جدا يسلمووو
    3. مطعونه بملعقه
      02-07-2009, 01:40 AM

      قصيدة جنون الجاهليه - حامد زيد


      واو


      وش أقول فيه وانا بيه مجنونه ....

      صح لسانه ويحفظه ربي...


      تسلم يالغالي عالطرح الرائع ....



      لاعدمنا يمناك ...
    4. zezo
      28-09-2009, 02:09 AM

      قصيدة جنون الجاهليه - حامد زيد


      ابيات رقيقه كرقة ذوقك وجماله..
      صح لسانك ولسان الشاعر..
      يعطيك العافيه..
      مودتي ,,
      zezo
    5. شيخة قلبه
      24-10-2009, 11:28 AM

      قصيدة جنون الجاهليه - حامد زيد


      ابيات مره جونان
      تشكراتي لك

      تقبلي طلتي البهيه
    6. انثى الجنووووون
      26-11-2009, 08:37 PM

      قصيدة جنون الجاهليه - حامد زيد


      نايس يسلمووا
    7. تفآحه تحب الرآحه
      07-01-2011, 02:56 AM

      رد: قصيدة جنون الجاهليه - حامد زيد

      قصيدة جنون الجاهليه - حامد زيد


      الله عليك ياحامد !!!

      يسلمو مرا حلو !!!
    8. Dona Ahmmad
      07-01-2011, 11:54 AM

      رد: قصيدة جنون الجاهليه - حامد زيد

      قصيدة جنون الجاهليه - حامد زيد


      نايس بقوه