لقاء الأزياء مع الكويت // ضيفتنا بسكوتة

الحالة
مغلق و غير مفتوح للمزيد من الردود.

لمسة حنين

Active member
حضرنا اليوم مع عضوه مميزه جدا لنكمل موضوعنا

لقاء الأزياء العربيه

ضيفتنا من بلد جميل يمتاز بالشعب الطيب والكريم

دولة الكويت

وهي دوله عريقة واكيد لها ازيائها الشعبيه

نحب ان نتعرف على هذه الأزياء من خلال

ضيفتنا الكريمه بسكوووته والتي ستتحفنا بما لديها


ومن لديه سؤال او استفسار فاليتفضل



اهلا بك بسكوته والمجال مفتوح امامك

لكم خالص التحيا:a::a:
 
بسألك وت الموضه هالايام عند الشباب و البنات الكويتين :k:

يعتيكي العافيه لموسه

تحياتي
 
عُرفت الجلابيات الكويتيه بتصميمها الفريد
فما هي المناسبات التي ترتدي فيها المرأه الكويتيه
الجلابيه وهل ترتديها الفتيات ام خاصه بالسيدات
ويعطيكم الف عافيه..موضوع ممتع وشيق
 
التعديل الأخير:
ياهلا ومرحبا فيكم انا يسعدني ويشرفني ان تم اختياري علشان امثل دولتي الحبيبه الغاليه الكويت وعندي الاستعداد التام ان اجاوب وارد على جميع استفساراتكم واسالتكم وحياكم الله مره ثانيه
 
بسألك وت الموضه هالايام عند الشباب و البنات الكويتين :k:
يعتيكي العافيه لموسه

تحياتي

يا هلا ومرحبا فيج evil girl طبعا انا بس حابه اني اوضح شغله في بعض البلدان يعتقدون ان شباب وبنات الكويت غير مهتمين بالموضه وهذا الشي غير صحيح واذا مو مصدقين ان شاءالله نتشرف بزيارتكم لنا بدولتكم الثانيه الكويت وراح تشوفون بعيونكم ستايل بناتنا وشبابنا طبعا البعض والاكثريه منهم
والحين ارد على الاستفسار
طبعا الموضه عندنا حاليا عند البنات طبعا هي غير محدده فتشوفين كل وحده عندها الستايل الخاص فيها عندنا البنات تلاقون منهم يلبسون البنطلونات واكثر البنطلونات الرائجه في الكويت الجينز لانها عمليه وايضا لبس التنانير في حالة اذا كانت البنت محجبه تلبس التنوره الطويله مع اي توب مناسب او قميص او انها ممكن تلبس التنوره القصيره وتحتها السترتش في فصل الصيف اما في فصل الشتاء فتلبس البنت المحجبه والغير محجبه عندنا التنوره القيره وعزكم الله البوت الطويل اللي يغطي المساحه مابين التنوره والرجل
وبالنسبه للشباب فاكثر البس عندنا الحين السبورت والكاجوال طبعا ما عدا في المناسبات الساره والحزينه فيلبسون اللباس التقليدي اللي اهو الغتره والعقال وطبعا الاماكن الرسميه واللقاءات الرسميه تتطلب عندنا
اللبس الرسمي
وطبعا ما ننسى العبايه الكويتيه طبعا اختلفت عن مفهوم العبايه القديمه صارت الحين منها موديلات وحركات هم بعد بناتنا بعضهم يلبسونها لان بعضها صار موضه بالنسبه للمحجبات عندنا على حسب الموديل







x.png



48781-1.imgcache

وهاذي امثله
x.png



Picture1307-1.jpg



x.png




x.png




x.png



x.png



WwWL7eNCoM18_9_2006_12_41_15_PM-1.jpg



Picture1731-1.jpg



Picture1217-1.jpg



Picture1268-1.jpg



x.png


وما ننسىملابس الشباب
x.png





x.png



x.png



x.png


x.png

وبس ان شاء الله اكون كفيت ووفيت بالنسبه لسؤالج وسامحوني لاني طولت عليكم بس لاني كنت حابه اوضح كل شي
 
التعديل الأخير:
في الافراح الكويت تهتم بزي السهره لانو انا الي شايفتو مو الكل مهتم
يعطيكم الف عافيه
ت ح ي ا ت ي
فراشة الاتحاد
 
عُرفت الجلابيات الكويتيه بتصميمها الفريد
فما هي المناسبات التي ترتدي فيها المرأه الكويتيه
الجلابيه وهل ترتديها الفتيات ام خاصه بالسيدات
ويعطيكم الف عافيه..موضوع ممتع وشيق

هلا فيج ( اميره ومهري غالي )
بالنسبه لسؤالج طبعا اشتهرت دولتي الغاليه بالتصاميم الجميله للدراعات اللي في بعض البلدان تسمى ( الجلابيات ) طبعا في السابق كانت الدراعات او ( الجلابيات ) يلبسونها فقط النساء المتزوجات ولكن بالنسبه للموديلات الحاليه الغريبه والعجيبه وادخال بعض خطوط الموضه الاجنبيه على الجلابيات اصبح بعض البنات عندنا يلبسونها والجلابيات عندنا تلبس في بعض المناسبات مثل ( القرقيعان ) وهو اللي يكون في شهر رمضان وتكثر النساء الكويتيات من لبس الجلابيات في هذا الشهر الكريم ويزداد عندنا بالكويت بيع الدراعات وتطلع كل الموديلات الغريبه والعجيبه لان في هذا الشهر تكثر زيارات والجمعات النسائيه وايضا تلبس الجلابيات في الجمعات النسائيه وفي الاعياد والبعض يلبس الجلابيه في الاعراس طبعا علىحسب الموديلات المختلفه وهاذي تشكيله من الدراعات لمصممي كويتيين

x.png


x.png


x.png


x.png


x.png


x.png


x.png


x.png


858e47b2e5qi3-1.jpg


790813cc9bwc5-1.jpg


eb421fab63ok7-1.jpg


395b4973d3ek8-1.jpg


x.png
 
في الافراح الكويت تهتم بزي السهره لانو انا الي شايفتو مو الكل مهتم
يعطيكم الف عافيه
ت ح ي ا ت ي
فراشة الاتحاد

اهلا وسهلا فيج حبيبة قلبي فراشة الاتحاد

بس حابه اوضح لج شغله اهم شي عند البنات والنساء بشكل عام بالكويت هو الاعراس اذا كان في عرس عند بعض العوائل لاتشوفين شلون الحريم اللي بالعايله يصيرون كانهم بيدخلون مسابقة لاحسن زي والله وانا صادقه بكلامي طبعا النساء اللي انا اتكلم عنهم يكونون اهل العرس والمقربين للمعرس او العروس طبعا كل وحده منهم تروح تدور لها مصمم وعلى فكره قليل منهم اللي يشترون جاهز علشان ماتبي تشوف وحده لابسه مثلها بالعرس فيفضلون المصممين واللي تسافر لبنان وغيرها من دول الموضه وتعالي طبعا شوفي المصمم كم ياخذ على الفستان اللي يبي يسويه والله توصل ل 1000 دينار كويتي يعني ما يقارب 80000 دولار واكثر (ماخلو شي للعروس)
وطبعا غير الصالونات يختارون احسنها واغلاها سعر يعني اغلبية العروس عندنا بالكويت كلها تحدي بين العائلتين العروس والمعرس وطبعا انا ما اعم على الكل انا اقول البعض والاغلبيه
وهاذي بعض ازياء المصممين الكويتين للسهره


570ebb7d3e-1.jpg


وان شاء الله اكون قدرت اجاوب على سؤالج
 
ماشاء الله بسكوته تحدثتي كثير عن الأزياء الحديثه

بس ماخبرتينا عن الأزياء الشعبيه للمراءه والرجل الكويتي

وهل هي متنوعه وياريت تحضري لنا صور

ودي
 
أيش أكثر منتشر عندكم في الأسواق البناطيل ام التنانير..
تسلمي لمسة الحنين على الموضوع
وبسكوته تستحق.
 
ماشاء الله بسكوته تحدثتي كثير عن الأزياء الحديثه

بس ماخبرتينا عن الأزياء الشعبيه للمراءه والرجل الكويتي

وهل هي متنوعه وياريت تحضري لنا صور

ودي

ياهلا فيج حبيبة قلبي لموسه طبعا انا قلت عن الازياء الشعبيه في اول سؤال بس كانت بصوره سريعه والحين راح ارد على استفسارج
طبعا في اغلب الدول الخليجيه تتشابه الازياء الشعبيه للرجال والنساء تقريبا خلينا بالكويت
لمرأة الكويتيه وزيها الشعبي : المرأة الكويتيه تلبس الجلابيه ( الدراعه ) والعبايه طبعا تكلمنا في السابق عن اختلاف اشكال الجلابيات ( الدراعات )( والعبايات):طبعا العبايه عندنا بالكويته اهي اللي يكون لونها اسود ) لان في بعض الدول عندهم العبايه يعني مثل الجلابيه وتلبس المرأ اللبس الشعبي عادة في بعض المناسبات وخصوصا في شهر رمضان تكثر النساء الكويتيات من لبس الجلابيات ( الدراعات ) وايضا تلبسها في مناسبة القرقيعان وفي الجمعات العائليه والاستقبالات وطبعا الحين عندنا مصممين روعة وموديلات اروع وايضا النساء الكبار في السن عندنا يلبسون
(الثوب) :وهو عباره عن قطعه خام من التور مفتوحه فقط من صوب الرأس واليدين غالبا ما ترتديه النساء الكبيرات في السن وغالبا مايكون لونه اسود ويلبس فوق الدراعه ( الجلابيه) طبعا اعذروني الصوره رسمه وحجمها صغير بس هذا اللي حصلته
وهذا شكله:












طبعا هاذي العبايه والملفع الشكل التراثي القديم جدا لدولة الكويت

x.png


وهذا نموذج من الدراعات:


x.png


x.png



x.png


x.png





x.png



x.png





x.png





وهذا نموذج للعبايات:

x.png


x.png



x.png


x.png


ايضا عندنا البنات الصغار لهم زي شعبي فهم يلبسون الدراعه ( الجلابيه ) البسيطه مع البخنق :البخنق هو لباس الرأس الخاص بالفتيات الصغيرات في السن قديماً

ويتكون من قماش أسود حرير شفاف من الشيفون ويطرز البخنق عادة

بخيوط الذهب والفضة.ويتم لبس البخنق بإدخال الفتاة رأسها في

الفتحة المخصصة للرأس، والتي تكون مزينة بالتطريز الذي يأتي حول

الوجه ليمسك بالحنك .يكون البخنق قصيراً من الأمام لا يتعدى الخصر،

وأطول من الخلف حيث يمكن أن يصل إلى الأرجل، أو أقصر بقليل كي

لا يعيق حركة الفتاة في أثناء لعبها مع رفيقاتها
وطبعا هذا اللبس مازال يلبسونه البنات الصغار عندنا في القرقيعان

x.png


x.png


اما الزي الشعبي بالنسبه للرجال

فيلبس الرجل الكويتي ( الدشداشه ):ثوب واسع من القطن الأبيض بأكمام طويلة وفتحة عنق ضيقة مفتوح في وسط الصدر حتى المنتصف


BYSDH1001-2.jpg




غترة


x.png


غطاء للرأس وهي عبارة عن قطعة نسيج قطني ترتدي بعد أن تطوى على هيئة مثلث ، أو تكون من نسيج متماسك من خيوط بيضاء وحمراء تسمى (شماغ) وتكون من الصوف كشمير الأبيض تطرز أطرافها وزواياها بنقوش لزهور فنية مميزة تسمى غترة (شال)

شماغ
x.png


البشت :
البشت هو العباءة الرجالية التي يرتديها الرجل فوق ملابسه " الدشداشة" أو كما يطلق عليها الإماراتيون " الكندورة"، والبشت من الأردية المهمة بالنسبة للخليجي خصوصا فيما سبق، ويبدأ البشت من الأكتاف وحتى الرجلين وليس له أكمام ولكن له فتحتان من أجل إخراج اليدين من خلالهما، ويكون البشت مفتوحا من الأمام ولايحتوي على أي نوع من أنواع الأزرة ولكن يضاف إليه التطريز " التخوير" على جانبيه من النصف العلوي وحول الرقبة بطرق مختلفة كما أنه يوجد " زري" يبدأ من الكتف إلى فتحة اليدين، ولكن هناك نوع اخر لايحتوي على تطريز " الزري" ويستعاض عنها بوجود خيوط أخرى من الإبريسم تكون مثل لون البشت، يطلق عليها "بخية"، بل حتى هذا النوع قد يضاف إليه الزري

bisht01-1.jpg
 
التعديل الأخير:
أيش أكثر منتشر عندكم في الأسواق البناطيل ام التنانير..
تسلمي لمسة الحنين على الموضوع
وبسكوته تستحق.

ياهلا فيج joly حبيبة قلبي ومشكوره على مشاركتج الحلوه

طبعا بالنسبه لسؤالج في الوقت الحالي طبعا الاثنين موجودين ومنتشرين عندنا بالاسواق ولكن الاكثر هي البناطيل لانها مثل ما تعرفين عمليه جدا ويلبسها الشباب والبنات والصغار والكبار وايضا البنات المحجبات وغير المحجبات وهذا لا يغني عن ارتداء التنانير ولكن البناطيل اكثر وخاصة الجينز
واتمنى اني اكون جاوبتج
 
انا كان قصدي ع الحضور(المدعوين) يسلموووووو ويعطيك الف عافيه بسكوته ويسلمووو لمسه حنين
 
انا كان قصدي ع الحضور(المدعوين) يسلموووووو ويعطيك الف عافيه بسكوته ويسلمووو لمسه حنين
اهلا فيج مره ثانيه حبيبتي انا الحين فهمت سؤالك لانك ما كنتي قلتي من الاول في السؤال ان قصدج المعازيم على العموم مافي مشكله طبعا بالكويت في عائلات مختلفه( الحظر والبدو) وكل عائله لها عاداتها وتقاليدها اللي ملتزمه فيها ففي بعض الاعراس وطبعا على حسب قرابة المعرس او العروس بالنسبه للمدعوين تشوفين اللبس يختلف فاذا كانت المدعوه في العوايل البدو مثلا زوجها او اخوها او والدها صديق المعرس فماراح تلاقينها لابسه فستان سهره ومكشوف او عريان وهذا كله طبعا من تأثير العادات يعني تلاقين الناس اللي بالعرس او بالاحرى المعازيم واهل العرس ماراح يستغربون شكله يعني ماراح يكون شكلها شاذ بين الحظور اما العائلات الحظر فالبعض منهم عندهم عادي ايا كانت صلة القرابه او المعرفه مع اهل العرس فهيا تسمى انها رايحه العرس فتشوفينها في كامل زينتها واناقتها طبعا هالكلام مو يعني ذم في العوايل البدويه لا انا ما اقصد التجريح او الذم ولكن حتى اللي بالعوايل البدويه تشوفينها في كامل زينتها لكن اللبس يكون عادي او بمعنى اصح غير عن المقربين لاهل العرس .

واتمنى بجذي اكون رديت على سؤالج وفهمتي قصدي علشان مانبي احد يزعل لا من القبائل البدويه ولا القبائل الحظريه فكلهم على العين والراس واحنا نقول البعض وليس الكل
 
ارجوا عرض نماذج لفساتين الزفاف فى الكويت

هلا فيج حبيبتي وانا سعيده جدا انج شاركتي بهالموضوع طبعا اذا كان قصدج فساتين السهره اللي يلبسونها اهل العرس فانا تكلمت عن هالموضوع وفي صور اما اذا كان قصدج فساتين العرايس فراح اوضح شغله يمكن البعض ما يعرفها :
العرس الكويتي غيرمختلط الرجال بصاله مخصصه للافراح او فندق ايا كان والنساء بصاله مخصصه للافراح او فندق يعني كل مجموعه بروحها بس لمن المعرس يروح صالة النساء لاخذ العروس اهني يدخل معاه اهله المقربين جدا( اخوانه وابوه وعمامه وخواله واجداده وعيال العم وعيال الخال وعيال العمه وعيال الخاله ) هذا عند الاغلبيه والبعض منهم تلاقين ربعه يدخلون معاه طبعا بس يوصلونه لغاية الكوشه ( الكرسي اللي راح يقعد فيه ) وبعدين في بعض العوايل تلاقين الشباب يرقصون للمعرس بطلب اغاني خاصه وبعض العوايل ما يسمحون بهالشي بس طبعا وناسه اذا ارقصوا تصير الصاله هيصه وبعدين يتوكلون على الله من غير شر ويطلعون ويظل المعرس داخل مع عروسته يرقصون له اهله المقربين امه وخواته وخالاته وعماته جم رقصه ويلبس المعرس العروس الشبكه ويوكلها الكيكه ويشربون العصير وبعض العوايل يوكلها عسل ويتوكل على الله معاها ويخلص العرس
ادري طولت عليج بس كنت حابه اتكلم عن العرس الكويتي لان محد سألني عنه واهو موضوع حيل حلو وانا احبه وايد
والحين نرجع للبس العروس طبعا فستانها يكون غالبا ابيض اللون ولكن الحين طبعا طلعة الوان غير مثل الاوف وايت والسكري والبيج والسلفر وغيرها من درجات الابيض فعادي يبلسونها العرايس عندنا بالكويت كل وحده على حسب لون بشرتها وطبعا موديلات مختلفه ممكن تكون مصممين خارج او داخل دولة الكويت
طبعا العرايس عندنا يلبسون كل وحده وحسب ذوقها بس انا احب اوريكم الابداع الكويتي
وخلونا نشوف فساتين زفاف من تصامم كويتيه :




وهاذي تصاميم بدور المانع :
Bodoor_Almana_00244143549_std-2.jpg


0746122814_std-2.jpg


00146123841_std-2.jpg


00346124101_std-2.jpg


00546124335_std-2.jpg


00646124450_std-2.jpg


وان شاء الله اكون كفيت ووفيت
 
التعديل الأخير:
يسلموو بعد قلبي لمسه
ابي اسالك لو تفضلتي يابعد قلبي بسكوته العروسه تلبس ابيض كالمعتاد او لون ثاني وكيف تكون زفتها وعادة كيف يكون في صباحية زواجها لها لبس معين او اي شي هيه تبغاه تلبسه
وكمان ابغى اعرف البنت الكويتيه او الموضه اذا جت اي وحده تبي تشتري الاكسسوار لملابها كيف يكون اختيارها يعني تختار ناعم او اي شيي كبير وجذاب
وا سفه على الاطاله والاسئلة الكثيره
اختك هايدي
 
يسلموو بعد قلبي لمسه
ابي اسالك لو تفضلتي يابعد قلبي بسكوته العروسه تلبس ابيض كالمعتاد او لون ثاني وكيف تكون زفتها وعادة كيف يكون في صباحية زواجها لها لبس معين او اي شي هيه تبغاه تلبسه
وكمان ابغى اعرف البنت الكويتيه او الموضه اذا جت اي وحده تبي تشتري الاكسسوار لملابها كيف يكون اختيارها يعني تختار ناعم او اي شيي كبير وجذاب
وا سفه على الاطاله والاسئلة الكثيره
اختك هايدي

ياهلا ومرحبا فيج اختي هايدي
العروس بالكويت في الوقت الحالي تلبس اللون اللي اهي تختاره يعني من درجات الابيض مثل ( الاوف وايت _ السكري _ البيج) وغيرها وانا تكلمت عن هالشي في السؤال اللي قبلج ولكن في شي يسونه بعض العائلات في الكويت قبل العرس او في يوم العرس وهو( اليلوه ) او ( الجلوه ) واهني تكون العروس لابسه نفنوف اخضر وهذا تعريف لها :
ليلة الحنا (( اليلوة )):

x.png





وهي عاده قديمه وهي عباره عن اغاني واهازيج تقولها النساء في الاعراس احتفالا بالعروس وصفتها ان تجلس العروس على كرسي وتأتي اربع بنات غير متزوجات معهن قطعه من القماش واسعه وتكون ملونه وتمسك كل امرأه من هذه البنات الاربعه بطرف من قطعه القماش ويبدأن برفع القطعه وانزالها فوق رأس العروس ويرددن هذه الاهزوجه ويتحلق باقي النساء حول تلك البنات الاربعه والعروس والسبب في جعل بنات غير متزوجات يمسكون القماش الاخضر لجلب الحظ لهم في الزواج .
اما بالنسبه لزفة العروس ( دخولها لصالة العرس ) طبعا في الوقت الحالي صار في تفنن كل وحده على حسب رغبتها حركات دخان وزري وبالونات وبابلز ( فقاعات ) والوان وممكن تدخل العروس بمحاره كبيره او فيديو يعرض طفولتها ممكن صورها من اول ما انولدت الى عمرها الحالي او تدخل مع زفه مصريه اوهنديه او لبنانيه او على طريقة اي دوله تختارها وممكن انها تدخل على شعر مكتوب خصيصا لها وباسمها او اغنيه ألفوها خصيصا لها او على اي اغنيه من الاغاني الخاصه للعروس.
اما بالنسبه لصباحية العروس الكويتيه في الوقت الحالي ما يلتزمون فيها كل العائلات يعني مو نفس قبل لازم في صباحيه ولكنها مازالت موجوده يعني في الكويت بعض العوايل لازالوا متمسكين فيها ويكون لبس العروس فيها طبعها لازم فستان سهره فخم وعلى حسب ذوق العروس سواء كانت تبيه ناعم او فيه شغل كثير او يكون منفوش يعني فيه جيبونه او يكون عادي على حسب ذوق العروس والمكان اللي فيه الصباحيه فبعض الناس يسون الصباحيه بصالة افراح بس طبعا ماتكون الصبح تكون بالليل وطبعا الصباحيه مشابهه للعرس فيها اغاني وطقطقه ورقص ومعازيم واكل وغيرها .
اما بالنسبه لسؤالج الاخير اللي يخص الاكسسوارات طبعا كل وحده على حسب ذوقها ولكن الرائج عندنا ان اذا شفتي وحده مثلا لابسه قطعه ساده مافيها اي شي من النقشات او الرسومات تلاقينها مبدعه بالاكسسوارات يعني يكون الاكسسوار كبير علشان يبرز شكله والعكس صحيح.

واخيرا اتمنى اني اكون قدرت اجاوب على كل اسئلتج ومشكوره على مشاركتج الحلوه .
 
الحالة
مغلق و غير مفتوح للمزيد من الردود.
عودة
أعلى