البارحة ما هملج الطرف بنعاس

الشعر, قصيدة , شعراء, القصايد ارسال إلى Twitter ارسال إلى facebook
  1. الفغم
    19-07-2008, 05:34 AM

    البارحة ما هملج الطرف بنعاس

    البارحة ما هملج الطرف بنعاس


    البارحة ما هملج الطرف بنعاس = ما فاض من نجم عيوني تخيله
    لا باس يا عيني على السهر لاباس = على وليف فات ما القى مثيله
    عنا قطع شوف المواصل له ارماس = ولا في يدي من نابي الارداف حيله
    فيما مضى ياخذ جوابي من الراس = واليوم لا عاني وانا ما اعني له
    العشرة اللي ما توثق على ساس = تطيح لو صارت حصون طويلة
    يا ونتي منها المعاليق يباس = صبري قضى ما باقي الا قليله
    صبرت صبر صابني منه وسواس = صبر له النفس العزيزة ذليلة
    على وليف حال من دونه الياس = والياس طب للقلوب العليلة
    من يتبع المقفي مرده با لافلاس = مثل الذي بالقيظ يدفق صميله
    هذي دروب الحب جده ودراس = الله يمضيها بستر وجميلة
    موفق للخير يا ظبي الاطعاس = لا تحسب الدنيا باهلها طويلة
    الصاحب الغالي تحطه على الراس = واللي يودك لا تدور بديله
    صلاة ربي عد ماهب نسناس = على نبي وضح الله دليله

    الشاعر /عبدالله لويحان
  2. ЯξξறĄ㋡
    19-07-2008, 08:14 AM

    البارحة ما هملج الطرف بنعاس


    صح لسان الشاعر

    تسلم يالفغم كلمات روووعه

    دمت بود
  3. العايد
    19-07-2008, 08:29 PM

    البارحة ما هملج الطرف بنعاس


    تسلم يالافغم وذكرتني بأبيات لوالدة الشاعر الكبير بندر بن سرور
    ياونتن ونيتها واعمت العين والثانيه يابدر شقق فوادي
    النوم ماهملج على محجر العين ولاذاق نون العين حلو الرقادي
    ياطير ماعينتلي قرة العين عينت طيري ياشقر الريش غادي .....الخ
    تحياتي لك وشكرا لك وصحح لسانك
  4. بنت زآيد
    19-07-2008, 11:43 PM

    البارحة ما هملج الطرف بنعاس


    صح لسان الشاعر

    ابيات جميلة

    يسلمووو على الطرح

    الله يعطيك الف عافية

    تحيتي لكم
  5. ياونتي
    08-06-2009, 10:18 PM

    البارحة ما هملج الطرف بنعاس


    ربي يعطيك العافية

    عن جد كلمات في قمة الروعة..وكلمات سهلة
  6. سما الوجدان
    08-06-2009, 10:41 PM

    البارحة ما هملج الطرف بنعاس


    صح .. لسانك ..

    كلمات .. روووعه ..

    يسلمووو ع هيك كلمات


    تحياتي
    من مواضيع سما الوجدان : (::) قالو رجع من بعد غيبه طويله