سندريلا باللغة الفلسطينية

اجمل نكت مضحكة - اضحك على سوالف الشباب والبنات ارسال إلى Twitter ارسال إلى facebook
  1. evil girl
    08-03-2006, 11:04 PM

    سندريلا باللغة الفلسطينية

    سندريلا باللغة الفلسطينية


    لبست الفسطان وراحت جري عالكصر وشافها الأمير وحبها وركصو سوا وفجأة
    دكت الساعة طنعش وجراي وصارت ترمح و ترمح ووكعت ببوجها عالدرج ...
    سندريلا راحت عالبيت واتمنت لو انو الساعة ما دكتش على الطنعش، بس شو
    تسوي بحظها المشحر مثل حظ هاظا الشعب.
    الأمير حط فردة البابوج على مخدة يمكن لونها زركة أو نهدي، المهم صار
    ينادي بالصوت على كل البنات عشان يكسن البابوح، كسن كل البنات إلا
    سندريلا .....
    سندريلا نزلت على الساحة ومعها فردة البابوج، وحطتها على المخدة الي
    عليها الفردة الثانية، ولما كربت عشان تكيسها ضربها الأمير كف،
    وحكالها: وين جاي ياما،
    حكتلو: يقطع وجهك ما أزنخك، مش شايفني بدي أكيس البابوج
    حكالها: وحدة مثلك كيف بدها تكون فلكة الكمر هديك،
    حكتلو: هسا بفرجيك وأحط على عينك
    ولما اجت تكيسها، ما طلعت كد اجرها، لأنها كانت ورمانه من كثر الشغل،
    ويا حرام ما حدا صدكها، وانجنت المشحرة ودارت في الشوارع، والأمير
    اتزوج غيرها وحكى: لوينتا بدي أظل ادور عليها الله لا يردها هي
    الخسرانة


    منقول من الايميل فقط للقهقهة :d
  2. ســراب
    09-03-2006, 02:17 PM

    سندريلا باللغة الفلسطينية


    هههههههههههههههههه..بعض الكلمات ماعرفتها!!
  3. &&العمر شمعة&&
    09-03-2006, 09:58 PM

    سندريلا باللغة الفلسطينية


    ولك والله اللغة الفلسطينية لغة اسيادك وعيب اشكالك تحكي فيها ومش مشكور على التقليد الاعمى
    .....................................
    بكون احسن منك وبكتفي لهان
  4. evil girl
    15-06-2006, 01:02 AM

    سندريلا باللغة الفلسطينية


    المشاركة الأصلية كتبت بواسطة
    ولك والله اللغة الفلسطينية لغة اسيادك وعيب اشكالك تحكي فيها ومش مشكور على التقليد الاعمى
    .....................................
    بكون احسن منك وبكتفي لهان
    على شو كل هل الكلام انا ما سبيت ولا غلطت وبعدين اذا كان على كلمة القهقة فالقهقه مش على اللهجة على القصة الي صار فيها اختلاف عن القصة الاصلية

    وكنت متوقعة منك ومن كل الاعضاء ياخدوها بروح رياضية

    وشكرا على الكلام الحلو الي حكيتو عني ( هادا من زوئك )

    تحياتي لك

    evil girl
  5. evil girl
    15-06-2006, 01:03 AM

    سندريلا باللغة الفلسطينية


    ثانكيو خيي فدك على المرور ولو انك قلت شو الكلمات الي ما خهمتها كان محمد قلك ياها