قصيدة من بادي الوقت - خالد الفيصل

ديوان الشاعر خالد الفيصل - دايم السيف ارسال إلى Twitter ارسال إلى facebook
  1. روح مشرقة
    12-07-2008, 12:56 AM

    قصيدة من بادي الوقت - خالد الفيصل

    قصيدة من بادي الوقت - خالد الفيصل


    هذه قصيدةسمو الأمير الشاعر: خالد الفيصل

    (من بادي الوقت)



    من بادي الوقت وهذا طبع iiالايامي
    عذبات الايام ما تمدي لياليها
    حلو الليالي توارى مثل الاحلامي
    مخطور عني عجاج الوقت iiيخفيها
    أسري مع الهاجس اللي ما بعد نامي
    واصور الماضي لنفسي iiواسليها
    أخالف العمر أراجع سالف أعوامي
    وانوخ ركاب فكري عند داعيها
    تدفا على جال ضوه بارد عظامي
    والما يسوق بمعاليقي ويرويها
    إلى صفالك زمانك عل ياظامي
    اشرب قبل لايحوس الطين صافيها
    الوقت لو زان لك ياصاح ما دامي
    ياسرع ما تعترض دربك iiبلاويها
    حتى وليفك ولو هيم بك هيامي
    سيور الايام تجنح به عواديها






    وكان الرد من الشيخ / محمد بن راشد ال مكتوم في قصيدة (( يامرحبا يامعنى ))



    يا مرحبا يا معنى خط الاقلام
    مثائل شوقتني في معانيها
    حيا المثائل يا سلالة نسل الكرام
    يا من بيوته عن الزلات يحميها
    من داثر الوقت وهذا طبع الايامي
    مرات تصفى ومرات الكدر فيها
    كم واردا ضاميا صد درب الاحيامي
    وكم واردا شرب من صافي مغانيها
    لا تنظر اللي مضى وتعد الايامي
    ارعى ربيع الزمان أول لياليها
    حلو الليالي تعوض مر الايامي
    ما يحسب الوقت ويفكر في ماضيها
    لو كان ما بي تقساه جفت أقلامي
    من حرتي أبدع أنفالي واغنيها
    ردار فكري يصورلي مضن زامي
    في هندس الليل يوم أرتاح غافيها
    يوم الخلايا تنام وفكرها نامي
    حرام عيني لذيذ النوم يغفيها
    حالي كما عشب صيف صابها الضامي
    ولا كما وردة جفت نواديها
    نار الغضى والتوقد في بحر طامي
    (خالد) وعيا مولعها يطفيها
    ريم رعى في الفياض وزهر الاوسامي
    قائد خشوف الجوازي في مفاليها
    بأرض محيله ولو توطى لها أقدامي
    تزهى وتضحك لها الدنيا وتحييها
    سود الليالي مع سالفات الايامي
    نأخذ مجازمها ونترك تواليها
    نمشي على درب ما تأطأها الاقدامي
    وإن وعرت الارض يعجبني المشي فيها
    يا خوي انا ريت رويان وهو ضامي
    يا كيف عطشان في جاري سواقيها
    ريح ضميرك ولو هيم بك هيامي
    حقا على اللي جرح نفسك يداويها
    يا مفطر الوقت هذا شهر الصيامي
    وليلة القدر في أخر لياليها
    يا زين هد الوحش بعض الايامي
    في ديرة قفرت عسره مضاويها
    أشقر طويل المعنق يبري أعظامي
    صوايده من فنادي الصيد يدميها
    يا شيخ هذا زمان كله أنعامي
    الذيب جايع وشبعانه حصانيها
    لو كان يبغى يغزو نابها الدامي
    يا كيف تكسر جوارحها طواريها
    وكل مخلوق في الدنيا فلا دامي
    لابد تنهي مغازلها مطاويها
    وأخر كلامي بحرف السين واللامي
    والميم والعين تتلاها قوافيها
  2. قمرالزمانA..
    05-03-2010, 11:07 PM

    قصيدة من بادي الوقت - خالد الفيصل


    أسري مع الهاجس اللي ما بعد نامي
    واصور الماضي لنفسي iiواسليها
    أخالف العمر أراجع سالف أعوامي
    وانوخ ركاب فكري عند داعيها


    كلمات قمة

    صح لسانه وسلمت يمينك