الظن

الشعر, قصيدة , شعراء, القصايد ارسال إلى Twitter ارسال إلى facebook
  1. «₪۩ مرجوج «₪۩
    10-07-2008, 10:51 PM

    الظن

    الظن


    --------------------------------------------------------------------------------

    قصيدة الظن من مفاتيح الظلم حروفهاتعبر عن مثل يقول(لحيه تحشمها ولحيه تحشم نفسك عنها) وهي موجهه لكل ظالم ومن يطبل له غير مراعي لحدود الله




    يامن كتبت الظلم في حرف شيطان
    وين الشهامه والنقا والعروبه
    دوم السدر مايرجمه كود طمعان
    والنخل تمره عاليٍ في عسوبه
    ياللي تبي ترقى على كتف نسوان
    بدرالوفى تشرق وتنور غروبه
    لاتتهم للغير من دون برهان
    بعض الظنون اثام تبلاك حوبه
    الله وكيلي دام ماني بغلطان
    الراس مرفوع ٍ وربعي حكوبه
    قلبي وفي للعهد ماهو بخوان
    إن شفتها سهله علينا صعوبه
    راسٍ رفعه الله مايوم طمّان
    لو كان يسعرني الفراق ولهوبه
    حلفت انا بالله وعديت الايمان
    ولاني من اللي يختلف لبس ثوبه
    يامن رميت المحصنه وانت فرحان
    احذر في أهلك لا تجيك العقوبه
    تضيع بالدنيا سقيمٍ وغرقان
    يوم الحساب الكل يعرف ذنوبه
    أنا لي العفّه طبيعه ونيشان
    أعرف طريق الطهر وامشي دروبه
    ياللي على الحرمه تقول انت سلطان
    نعم الرجال اللي بدربك مشوبه
    الظلم عمّت قسوته كل ميدان
    والظالم اشوف البشر رحبوبه
    قفلت دون الرخص والذل بيبان
    أمشي طريق العز واروح صوبه
    اوقف معك يوم اللقاعند رحمان
    يومٍ عظيمٍ ٍينصف اللي دعوبه
    ماني ملاك أنا بعد مثلك إنسان
    دام الخطا فطره على من مشوبه
    لالي مشاريهٍ ولا منك زعلان
    لاني عرفت الغبن هذي حروبه
    صار الزمن ضدي وانا فيه شقيان
    أشكي على الله وحدة اللي شكوبه
    حتى الفرح من حالتي صارحزنان
    شبه المريض اللي تبلاّه نوبه
    لفوا هله جسمه مع بيض الاكفان
    راح ابوفاه ومات ماقال توبه
    هذا كلام الضيف ياصاحب الشان
    وابغى المضيّف ينصف اللي نصوبه
  2. *مزون شمر*
    11-07-2008, 12:32 AM

    الظن


    ربي يعطيك العافيه
    قصيدة في قمة الروعه و الجمال
    بس ماعرفنا منهو صاحب الرائعه
    يعني هي لك او منقوله؟؟
  3. مجنون خالد
    11-07-2008, 12:57 AM

    الظن


    يعطيك الف عافية
    ابيات جميلة ونقل مميز
    جزاك الله الف خير وما قصرت ....!!!
    بس ما قلت لنا لمين هالقصيدة ..
  4. أنثى الخيال
    11-07-2008, 10:52 AM

    الظن


    قصيدة حلوه
    يعطيك العافيه
  5. خالدي
    11-07-2008, 03:52 PM

    الظن


    قصيدة رائعة
    يعطيك الف عافية
    تحياتي لك
  6. «₪۩ مرجوج «₪۩
    11-07-2008, 09:28 PM

    الظن


    لالا لي القصيده مشكوور اين
  7. بنت زآيد
    13-07-2008, 12:44 AM

    الظن


    صح لسانك

    كلمات رائعة

    يسلمووو على الطرح

    الله يعطيك الف عافيه

    تحيتي لكم