12

الصوره الي بجوالي تعذبني !!

الشعر, قصيدة , شعراء, القصايد ارسال إلى Twitter ارسال إلى facebook
  1. اتحادي
    10-07-2008, 02:12 PM

    الصوره الي بجوالي تعذبني !!

    الصوره الي بجوالي تعذبني !!


    الصوره اللي ( بجوالي ) تعذبني . ياكثر ماجيت ابمسحها ! واخليها

    ياللي جفيت وجفاك المر .. ذابحني . عقبك وجيه البشر .. ماني بدانيها

    من يوم حبك .. غزى القلب وتملكني . قطعت كل العلاقات وطواريها

    اقرى رسايلك ودموعي تسابقني . وارد ! واقرى الرسايل .. واحتفظ فيها

    انت اخر انسان هاقي منه يصدمني . والظاهر ان هقوتي بانت مواريها


    لو الوصايا ليا احتديت ! تنفعني . ياكثر ناس على ذودي بوصيها

    الفرح ( بنك ) لاجيته يسلفني . واقاصده ( راحتي ) وحقوقه اوفيها


    من كثر ماكنت ! جارحني وظالمني . قمت اعزل جروحك بقلبي واسميها

    تدري وش اللي يبكيني ويضحكني . انك محامي قضيتنا وقاضيها


    تدري متاك ؟ تعرف قدري وتفقدني . لارخصت نفسك ,, لشخص مايراعيها

    بكره الا هملوك الناس تذكرني . وتقول عزاه : عيني من يداريها ؟

    مدام غيري ؟ على قلبك مشاركني . وش هو له ؟ اعلق الأمال وابنيها

    يكفيني انك رحلت ومنت عايفني . هذا عزا النفس من كثرة بلاويها

    اهديتك : دموع من طعنتك تحرقني . وانت اللي تستاهل الدنيا ومافيها

    واهديتني جرح .. موجعني ؟ وعاجبني ؟ . لن الهدايا على مقدار مهديها

    صحيح ! ( حنا انتهينا ) .. بس صدقني !! . والله ان تبقى ( هوى روحي ) وغاليها

    مفضوح ؟ راع الهيام .. ونظرته !! تغني . ملامحه واضحه ! , في وجهه راعيها

    لكل داء دوا .. لو هو متعبني . إلا محبتك ؟ .. أعيت من يداويها

    ان قلت : علمني انسى ؟ لاتعلمني . دنياي لامن نسيتك ويش تاليها

    فارقتني وضحكتك عيت تفارقني . والله يلعن ابو الفرقا وطاريها

    مقدر !! أفكر بغيرك ؟ .. وانت عارفني . عشان حاجه ؟ بقلبي .. مقدر !! أخفيها

    اخاف لاحبني غيرك ؟ .. وعاشرني . يشوف صورتك في عيني ويوحيها

    نشدت عنك ؟ وسمعت اللي يفرحني . وارتاح صدري من هموم يحاتيها

    تبي تعرف ! وش ؟ على الفرقا مصبرني . انك بخير .. وحياتك مهتني فيها

    من يوم ماغبت ! والوحده تعذبني . اقرى ( رسايلك ) في حرقه والاحيها

    اشوف ( صورتك ) .. ودموعي تسابقني . وياكثر ماجيت أبمسحها ؟ وأخليها


    منقول .. اعذب التحايا وانقاها تحيتي لكم اختكم اتحاديه كول
  2. شفايف توووت
    10-07-2008, 02:35 PM

    الصوره الي بجوالي تعذبني !!


    الرائعة اتحاديه كول حروف تتمارى بالخضاب والرضاب يبعثها أسطورة أشعلت همومك شموعا تجبر المتلقي على تعلم فن الإصغاء لأنك تستحق القراءة أكثر مما ينبغي هو هكذا البوح يتحول ل اوراق منثورة ذووق واختيار ولا ارووع دمتي بخير
  3. اتحادي
    10-07-2008, 02:40 PM

    الصوره الي بجوالي تعذبني !!


    كالمعتاد لا استطيع الرد عليك اختي شفايف اسعدني تواجدك الرائع بموضوعي المتواضع اتمني لكي الصحه والعافيه دمت بود ياغاليتي
  4. مدوخه خلق الله
    10-07-2008, 04:00 PM

    الصوره الي بجوالي تعذبني !!


    أإبداع × أإبداع ..الله يعطيك الف الف الف عافيه ..!! دمتي بود
  5. ][ بكيفي ][
    10-07-2008, 04:24 PM

    الصوره الي بجوالي تعذبني !!


    ابداع ما بعده ابداع وكلمات تدل على رقي وشفافية روحك اتحاديه سلمتي بود وتقبلي مروري
  6. *مزون شمر*
    11-07-2008, 12:24 AM

    الصوره الي بجوالي تعذبني !!


    قصيدة رائعه طبتي و طاب منقولك كوني بخير
  7. فارسة القلم
    12-07-2008, 12:19 AM

    الصوره الي بجوالي تعذبني !!


    تسلمين على ثصيدك....لاخلاولاعدم...
  8. اتحادي
    12-07-2008, 03:48 AM

    الصوره الي بجوالي تعذبني !!


    مدوخه خلق الله عساني مانحرم من طلتك ومن ذوقك

    بكيفي مشكوور حبي من ذوقك والله تسلملي نورتني

    مزووون شمر مشكوره ياغلاتي على دعمك لي ولمواضيعي شرفتيني ياقلبي

    فارسه القلم تسلمين لي ياغلاتي ع المرووور الحلوو دمتم بود ياحبائي
  9. اميرة روحي
    12-07-2008, 04:29 PM

    الصوره الي بجوالي تعذبني !!


    كلمات رائعه دائما مبدعة فيما نقلتي يعطيكي الف عافيه وننتظر جديدك
  10. خالدي
    12-07-2008, 08:09 PM

    الصوره الي بجوالي تعذبني !!


    قصيدة رائعة يعطيك الف عافية على النقل الرائع تحياتي لك
12