قصيدة حصاد الديرة - كريم العراقي

ديوان الشاعر كريم العراقي
  • ارسال إلى Twitter
  • ارسال إلى facebook
  • ارسال إلى google plus
    1. نزف خاطرة
      06-07-2008, 02:41 PM

      قصيدة حصاد الديرة - كريم العراقي

      قصيدة حصاد الديرة - كريم العراقي




      ألقيت في المهرجان القطري الرابع عشر للشعر الشعبي في 07/07/1972 .
      والقصيدة من ديوان "للمطر وأم الظفيرة"



      1 - بواجي أمي




      أدور عليك..
      تايه.. طايحه اجدامي
      وأصوت:
      ها طويل البال
      روحي مسايسه اعظامي
      أغص بكلمة النشده
      أومي.. وحسي طبكته
      عليك اخ
      العطش يفرات
      أنخه بنخوة الظامي
      وبيك
      احرورة التابوت
      وانه إشاه بعظامي
      موش انته الشمس والهور
      هلالي العايزه وردته
      موش سنيني فختايات
      عشهن بيك ودعته
      العمر انته
      الجرح انته
      دطني ايدك
      وأدك براحها ايامي
      وأشيم بيك
      أصيحن بيك
      أندبك..
      والحزن ليلين بعيوني
      أندبك:
      يمه يا يمه
      يسجة زود
      عشكت طينها اجدامي
      يها ينته.. تلمس دمعة الفرحة
      الفرح مخنوك بحزامي
      وشفت طيفك.. هذاك انته
      أشوفك صوت من قلبي
      شمس وتشمس بدربي
      أشوفك جبل بالموصل
      وأشوفك نخله بالبصرة
      وأشوفك دجلتي ببغداد..
      وبمد جزرتك أبره
      وأشكبنلك حزن دنيه
      أعلكه شموع إلك خضرة
      أدوفنه بتواليه
      وأكلك: طب
      مهرنالك شمسنه
      وعرسك الجيه
      وبعدهي غروب ما مرت الوعديه
      ولا مر نايل الشوباش بالزفة
      ولا ضكنه أغانيه
      وأهزك حيل
      أنشدك حيل
      أدور جيوبك بيمناي
      ما جايبلي صوغة عيد
      أرضه..
      ومستريحه.. وخوش
      ردتك ولو..
      طرك الإيد
      ردتك يا بحر بارود
      أفوجك يا بحر بارود
      أكلك زوووود..
      أكلك ز.. و.....د
      ردتك حس يسليني
      يسلي الدم
      وأنه..
      زيبق تبده بماي
      بس طرواك لمني لم
      ردتك ساقية بروحي
      ردتك كمره ترس الجف
      تقطع نزفة جروحي
      وهيبة بيرغ
      انه وياك
      وإنته البيرغ اليوحي





      كريم العراقي
      250*300 Second
    2. أروى
      26-06-2009, 11:37 PM

      قصيدة حصاد الديرة - كريم العراقي


      ثانكس
    3. MaLeK-3l -Ard
      08-08-2013, 04:06 PM

      رد: قصيدة حصاد الديرة - كريم العراقي

      قصيدة حصاد الديرة - كريم العراقي




      بيتجننننننن هلقصيده شاعر مبدع جدا

      احسنتى النقل :)
    4. المريسي
      08-09-2015, 09:41 AM

      رد: قصيدة حصاد الديرة - كريم العراقي

      قصيدة حصاد الديرة - كريم العراقي


      شكرا عالكلمات

      تحياتي