12

الكلية..ياليييييييييييييييل المصايب

اجمل نكت مضحكة - اضحك على سوالف الشباب والبنات ارسال إلى Twitter ارسال إلى facebook
  1. دمع القلم
    01-07-2008, 03:04 AM

    الكلية..ياليييييييييييييييل المصايب

    الكلية..ياليييييييييييييييل المصايب


    صباح الخير

    عجبني هالموقف وهالموضوع فحبيت اخليكم معه

    جدا اسلوب الكلام ررررررررهيب ان شاء الله يعجبكم



    ((((((((بنت الكلية))))))))))

    واللي حصل ياأعزائي انه في يوم من الايام .. ونحن نتمردح في أرجاء الكلية المبجله (وفي رواية اخرى ..المقرفه..اعزكم الله)
    <<اقول باهذر بالعامي احسن استدار راسي وانا ادور بالعربيشن

    المهم.. كنا تونا خالصين من محاضره ..وكان هذيك الفتره اختبارات الشهر الاول .. طيب!
    وكانت شلتي من ادفر الشلات بالعالم (تفو ماشالله اللهم لاحسد) وانا دايم حاسة اني جاية غلط معهم

    يذكروني بالمصريات ايام الثانويه .. وكانوا انواع الغباء بالمحاضرة ..واسئلتهم مال امها داعي .لو تقول المس اكتبوا كذا ..يسألونها وش نكتب وبأي صفحه ووين؟واي نوع من الاقلام نكتب فيه ؟وهو جاي بالاختبار او محذوف .. وكيف طريقة السؤال؟..
    وهلم جرى من الاسئله اللي تضيع وقت المحاضره ..(ولسان حالي يقول لهم :خلوها تخلص وتحضر وبعدين اسألوا اذا طلعت..لاتبلشون الضعيفات)
    ودايم والله فالتها نومة وغطسة ..ادور اخر مكان وعند الزاويه ..عشان تضبط النومه .. بس لازم رنين الجوال يصحيني ..وعلى طول علامة اكس عند اسمي <<فيس ينرحم
    والمكالمة تطلع من مييين؟؟؟ من هالمهبل اللي برى المحاضرة..يبون يتأكدون وين وصلت ..

    .بس ملاعين هالبنات(رجعت تحش) ..يسألون أي كلام عشان اذا جت المس تحط درجات تذكرت اللعلعه (او الازعاج بمعنى اخر) وتكب عليهم الدرجات عشان تتخلص منهم .. اخ بس ماهقيتها منهم ..

    وعاد شوفوا اذا طلعنا من اختبار ... اهج عنهم .. كل وحده تسأل وش اجابة سؤ ال كذا .. وكم صح حطيتي ؟
    وكم تتوقعين تاخذين ؟(عساني اخمن الصح والخطا تبيني اتوقع الدرجات ..تلايطي بس ماهنا فلاحة)

    نعود لمحور الحديث (تخيلت نفسي مذيعه برنامج الاتجاه المعاكس ..والضيوف انا ونفسي)

    وبعد ماطلعنا من المحاضرة ..كانو منزلين الدرجات ... طبعا لازم البنات يشوفون درجاتهم ويتأكدون انو مانقصهم درجه او نص ..
    قلت يله بأدفر معهم واروح اشوف درجتي بهذي المادة .. خاصة واني كم سؤال لاطشته من اللي جنبي وباشوف هي صح انقش منها دايم!! ..او غلط وانقلع مكان بعيد عنها والصق بوحده ادفر منها!!<<تأمين للمستقبل طبعا ..
    ورحت اشوف صارت الاسماء بالارقام (اتحداكم تفسروها)

    يعني بالرقم الاكاديمي .. وعاد قعدت ساعه ادور بطاقتي ..مدري وين راميتها (من زود الحرص)
    وبعد جهد جهييد وعناء مرير ..استخلصت بطاقتي من جعبة تلك الشنطة بعد معركة مريرة
    ويوم جيت اشوف درجتي ..الا

    وصديقتي المقربه .. تولول وتطنقر (وفي رواية اخرى تلعن وتشتم)

    طبعا عرفتوا السبب ليش ..المسكينه نقصتها درجتيين ((فيس مصيبه))

    بس بصراحة ماتنلام المسكينه مذاكرة وشاده حيلها ومقطعه الملزمة ..
    وقعدت اهدي الوضع ونسيت بطاقتي ودرجتي ..قلت صديقتي اهم ((ابووك يالنخوة))

    وخططت انها تروح للمس وتناقشها وتشوف وشو الخطأ في اجابتها ..
    بس كانت مترددة ..لانها هذيك المس كانت غثيييثه حييل ..يعني قبل ماندخل نحسب الف حساب للتهزئ اللي بيجينا والمناقشه اللي بتنتصر فيها ..ونظرات الخبث اللي بتجدعها علينا .. وماقد شفتها بحياتي مبتسمة
    الا مرة بوقت الاختبار النهائي لما كان النموذج صعععب والاغلبيه حملوا الماده معهم للشهر التاسع<<تسمع بالنذالة والسهل الممتنع

    ..المهم كانت المسكيينه ودها تدخل بس تبي احد يشد من عزمها .والبنت ياحرام رقييقه لو تقولها ا..صاحت

    فكيف بتتحمل التهزيء والكلام المزري .؟؟<<اتعب انا على المزري
    والحين جا دوري ..قام الشيطان يشبني على المس ..قلت للبنت لا لازم تروحين حرام تضيع درجتين وتخرب المعدل ..بعدين وشلون تعوضينه الترم الجاي؟؟ووشلون تتوظفين اذا تخرجتي ومعدلك نازل ؟؟وكيف بترضين تنزل منك درجتين بعدين يجيك تبلد لو ينقصون عشر ماقلتي شي ؟؟لا ..ضروري تروحين وتشمرين السواعد وتورينها العين الحمرا وتاخذ عنك فكرة انك مهتمة وشاطرة


    (كنها تقول ارفقي بحالك احسن..علمي نفسك اول)
    وهكزا..قمت اعبي راسها ليين قلت امين .. والبنت جزمت خلاص بتغامر وتدخل ..قالت لي طيب ادخلي هاوشيها معي.. قلت لا مستحييل مالي خلق مناقرتها ..
    قالت هماك تبيني ادخل يعني تبين الهوشه فيني بس .؟؟
    قلت حبيبتي انا من زين درجاتي ارز وجهي عندها ... لا ..نو.. سوري ..نهي..(بجميع اللغات) ..انتي خليك تكبيرين بعينها لوحدك وتشوف انك منتازة ومهتمة ...المهم ودخلت البنت

    وانا عند الباب كني عند غرفة الولادة انتظر يبشروني طبيعي او قيصريه..<<لاتطلعين برى خليك بالكلية احسن
    .بس استغربت ماطلع اصوات بس تفتيح بالاوراق..وخربشه ملفات
    .وبعد ان طال الانتظار..ومرت ساعة من الزمن ...خرجت الغنيمة ..قصدي صقيقتي


    قلت هاه بشري وش صار .... المسكيينه عيونها تلق دميعات ...تبي تبسبتس (تصيح) ..بس ماتبي تصير ضعيفة قدامها ..
    ووووهجت صقيقتي...مادري وين اختفت ...!!
    انا طار عقلي قلت بس صار شي ..هوشه او مطاقات ..بس الغريبه ماسمعت شي يعني معقوله مصارعه على الصامت ..طيب يحطونها على الهزاز عشان ترتج ارجاء الكلية <<اش بس

    واروح ادور البنت مالقيتها ..فص ملح وذاب ..ادق عليها بالجوال ماترد ..ياربيييه ويين راحت ...
    وكل بنت سألتها عنها ماحد يدري ..وكل الشلة ماغير يدورونها وانواع الاتصالات عليها
    (موب لله يبون يعرفون السالفة..تعرفون معجزة اذ1 ناقشت مس مثل خويتنا)

    وتم البحث في جمييع ارجاء الكلية .. حتى مخابئ القطاوة اندسينا فيها ندورها ونناديها

    ومالكم بالطويله (اجل القصيرة يعني؟)
    لقيتها متوزية في مكان مايخطر على البال ولا الخاطر .... اتحداكم وشو ؟؟ لا غلط موب الحمامات وانتم بكرامة.... لالا ولا القاعات ....لالا ولا الميكرويف <<اقول اخلصي

    اقول لكم وييين؟؟
    كان فيه عندنا برى الساحه حفريات تدهر ..وكانو مانعينا نطلع عشان فيه حفر كبيييرة لو تبي تنتحر طب فيها
    ...عاد البنت هذي كانت يمكن انها ناوية تنتحر بس هونت .. ردت علي بعد مية اتصال (اول مرة اصير نشبة)
    وقالت لي مكانها ..بس كانت ماتبي احد معي .. والله واطلع من بين البنات ..وقلت لهم انه عندنا محاضرة..
    عشان مايحسون اني اختفيت..واروح اطلع على الساحه ..ياربيييه وين بالقاها الحين .. واتأمل في المكان عشان القى الكنز ...ياربيه وشلون انط هالحفر تخوف ...واناظر...الا وحده من بعييد تأشر لي بيدها (تلوح بيمينها الكريمة)(لازم تشخص قبل تقولها) ..وانا طارت عنوني !!... وشلون وصلت هناك ..المكان بعيد وصعبه اطامر واناقز عشان اوصل للغار .... وبعد كم فكرة ...تذكرت حركات الافلام كرتون ...لقيت خشبه طويله ..وصرت احطها بين كل حفرة.. وحفرة..وحفرة..وحفرة.. عشان اوصل لها ..(وانا اقول بنفسي جنيه هالبنت مدري وشلون وصلت لهذاك المكان )
    ووصلت لها بالسلامة ... لقيتها المسكينه في حالتن لايرثى لها ...حالتها حاله
    كل ابو المصايح والنحيب والبكاء ..رحمتها ياوييلي
    .
    واليكم نص المحادثه التي جرت بيني وبينها

    -.قلت لها وش فيك خلاص ترى والله ماتستاهل الدنيا
    وبعدين بدل هالمس الف مس غيرها لاتخافين (فاهمة غلط)
    -قالت لا .... كل شي الا هالدرجتين ...مالها حق تضيعهم مني ..
    -قلت طيب قولي لي وش صار فهميني... هزئتك ..ضربتك ..تطاقيتوا..وش صار؟؟
    -قالت :يع يع يع (بالتلاته)اكبر يع هذي الشينه ...تصوري ياتوته..ورتني ورقتي وحاطة الاكس على الاجابات اكبر شي ..والصح مارا صغير ..
    -قلت عادي طيب اهم شي تحسب انه صح ... لايهمك
    -قالت :لا...شوفي وش صار.. يوم قلت لها ليش تنقصيني ...قالت لي المس بكل بجاحه عشان اجاباتك خطأ ..يعني وش رايك احط لك بونس على الغلط..؟؟ قلت :طيب ليش خطأ انا متأكده انها صح ..وحاسبة درجاتي زيين مازيين
    تصوري قالت ثاني مرة جاوبي صح بعدين احسبي بالحاسبة عشان تتأكدين ...ولاعاد تناقشين بأمور ماتفهمينها
    قلت طيب ممكن اشوف النموذج لأجابات قالت ممنوع قلت ليش من حقي اتأكد
    ورمته في وجهي كني عبده عندها ..وهي تقول لي وانا من حقي انقص على الاغلاط وقلة الادب ..وراحت عند اسمي بالسجل وحطت مينوس 4 _يعني ناقص اربع درجات
    انا ماتحملت المصيبه وطلعت وانا ماشفت النموذج ..لييه كذ1 لييه ...حرام عليها اتعب وهي تنقص بالساهل

    صدق اني طنقرت
    .
    .بس قلت ماينفع انا ازيد عليها وهي كذا ...فمسكت نفسي وقلت
    طيب خلاص قلبو لاتصيحين(للذرابة وقت اخر))..والله ماتسوى...في الحديد ولا في الصحه (للحين فاهمة غلط)
    احمدي ربك انها ماحطتك حرمان من الماده كل ابوها..بعدين انشالله بتعوضين فيها في النهائي
    -قالت حرام وهي تشاهق من الصياح.. وانا اهدي من الوضع مدري وش اقول
    اشيشها عليها واخليها تروح تشتكي..بس ماراح تخلص من السالفة .او اني اقولها وسعي صدرك وانسي الهم وخلك مثلي..طنش تعش تنتعش..وتقوم علي وتحط حرتها فيني ..ياربيييه مدري وش اسويوفي هذه اللحظات ..سمعنا صوت شي يتبختر..ويتمرجح فوق رؤوسنا.. حسينا انه في شي ينهال من فوقنا..
    ومامدانا نطالع... الا والتراب ينسكب من فوق الجدار ...بواسطة شيول مدري رفاعة مدري وش اسمها ..المهم هذيك اللي تشيل التراب .... احس هالموقف منقذ ومروع ...الا ونقووم طيران ومناقز بين الحفر...ا..نسينا الخشبه ...يله بس اهم شي ننحاش ..الروح وحده وربكم واحد ..وحنا مابين حفرة وحفرة ..طالعين نازلين
    طايحين ناقزين.. وماوصلنا الابعد ماكلنا تراب ليين قلنا اميين ..ويوم وصلنا ..اشكالنا تروع ..وشلون نبي ندخل للبنات ..وش ذا الفشيله بيقولون خاشين حرب فلسطين ..
    وفكرنا بفكرة ..ورحنا عند بوابة الموظفات ... قلنا يمكن مايحسون فينا..ماقلنا هالكلمة الا والامن فوق روسنا

    رفعنا روسنا شوي ..والنظرات البريئة تسبق بلع الريق ..وجاك الموت ياتارك الصلاة... انتشلونا من كتوفنا وقالوا:وش جابكم فييذا؟؟
    حنا سكتنا وبلعنا العافيه .. وعلى طوووول عند وكيلة الطالبات ... طبعا لانحسد على المظهر الجميل والشكل المهبل.. وخذ ياتهزئ منها ... طبعا حنا ماصدقنا نطلع بسلام بعد التعهد ووالكلام المليح ...
    وززززز..هجينا عند قسم البنات ...وكننا جايين من سفر..كل وحده تخمنا الحمدلله على السلامة وينكم ...
    حنا يادووب تنفسنا الصعداء ..وأجلنا هذر السوالف بعد حين .. .حتى جاء وقت الخروج ...واختكم مضيعه شنطتها ... واروح اقولب الكلية فووق تحت ... ويوم لقيتها منطولة في دورة المياه اعزكم الله ..
    وعيوني تطاير من هول المصيبه ... ومافيها الا الملازم ..وبعض الاشياء,..والبوك مشلح
    ياربيييه وش ذا المصيبه ..انا مافكرت بالفلوس فكرت بالبطاقه الي مايطلع لها بدل فاقد الابعد قرن من الكيل والويل ..والقيل والقال ... وضاقت فيني الدنيا ..قلت بس اروح للمكان اللي طلعنا مه واقعد اصييح مثل خويتي
    بس فكرت شوي ..واشتغل المخيخ بحمد الله
    وتذركت ان البطاقة ناطلتها عند مكان الدرجات ..مكان المصايب ...اررركض لهذاك المكان وانا يائسه اني القاها
    بس فكرت انها لاهي ريال ينلقط..ولاهي مية تنزرف..كلها بطاقة صفرا وصورة تخرع ماحد يفكر يلقطها..الا حاقده تبيني اتبهذل واطلع بدل

    ويوم وصلت وادور كم دورة ...والف كم لفة...والقاها بحمدالله ...كني لقيت كنز الماس ..واقعد امطخ فيها من زود الوله (بدى النصب) اكتشفت اني حدسي فقاش .. قلت بكيفها في البوك ولا في البطاقه
    وانزل للبنات وابشرهم ..

    .....
    والاخوات الكريمات مازال محفورا في ذاكرتهم المنظر القميل (عذرنا في ذلك ان كل الشعثه والانسكاب الترابي جهادا في سبيل العلم)
    ................

    مايستفاد من القوصه القوصيرة<<الله على ايام التوحيد والمطالعه


    1-عدم الاهتمام بالدرجات...عشان مايجيك انهيار مصاريني..وتخلف عصاقيلي من شدة التأثر والحرص

    2-تنطق وترضى بمعدلك لو كان زيرو..اهم شي تتخرج منها بسلام وبدون حقد اوضغينه مع هيئة المطاريس

    3-اذا تضايقت يوما ما من المحاضرة..خذ لك اقرب زاوية..وفلها ابو النوومة...شرط تتبرمج المحاضرة بالمخ بعد عاشر تهديد..

    4-اذا بغيت تصيح وماودك احد يشوفك...لاتغامر وتروح خارج التغطية.. ترى الجن بكل سرداب

    5-لا تظن انك بيوم بتسلم من الحقد والحسد..حتى لو على الاهمال...وذلك لان التطنيش بظنهم سر سعادة الروح..ولكن للأسف يظهر ذلك عندما تريد من احدهم ملزمة المنهج وقت الحاجه الملحه

    " انشالله الجميع مايطيح بموقف مرير ..ولاياكل تراب مثل ماكلو الشعب الدافوري

    والعذر يالربع على الكلام المنمق والمنسق<<ايه بالحيل..يعني استروا ماواجهتوا

    ولكم مني احلى تحية وسلام
    واتمنى ان تتقبلوا الاطالة بصدر رحب
    ولاهانت تعليقاتكم الحلوة
  2. الدلوعه المجروحه
    01-07-2008, 03:54 AM

    الكلية..ياليييييييييييييييل المصايب


    هههههههههههههههههههههههههههههههههههههههههه..........

    جنان عليكم مغامرات ولا احلى..

    ومشكوره عالنصائح المفيده هذي...<<<<< على قولتي فلها وربك يحلها...وووووو....مايحتاج على الشعارات الحلوه هذي..

    وتسلمين على هالموضوع الرووووووووووووووعه
  3. تاج القصيم
    01-07-2008, 05:31 AM

    الكلية..ياليييييييييييييييل المصايب


    ههههههههههههههههههههههههههههه
    ياحبيل قلبك كنت مفكره أقرأ بس بداية موضوعك<العجز يلعب دور<
    وأبشرك قريته كامل مرتين وجاري المره الثالثه
    ذكرتين بأيام الكليه مصدر الظلم
    في إنتظار المزيد<طماعه<
    ودمتي بود
  4. ×× Al_7SsAsH ‏××
    01-07-2008, 05:45 AM

    الكلية..ياليييييييييييييييل المصايب


    هههههههههههههههههههههههه عليك بلاوي
    تقبل مروري مع تحياتي الاحساس كله
  5. غرورك حطم امالى
    01-07-2008, 08:25 AM

    الكلية..ياليييييييييييييييل المصايب


    ذكرتيني بالداوفير اللى معاي وانا بالغلط والعرض داخله فيهم....
    موقف لا تحسدين عليه بالذات التراب الحلو المنسكب فوق يور فيس...
    تسلمين..
  6. الساندريلا
    01-07-2008, 10:56 PM

    الكلية..ياليييييييييييييييل المصايب


    ههههههههههههههههههه..
    ثانكس..
  7. دمع القلم
    02-07-2008, 01:48 AM

    الكلية..ياليييييييييييييييل المصايب


    الدلوعة المجروحة,,

    شاكرة لك مرورك وتعليقك


    ههههههههههههههههههه

    الكلية كلها مواقف,,,,,,,,,,,,,,, ومشاكل
  8. m hrt bü
    02-07-2008, 03:37 PM

    الكلية..ياليييييييييييييييل المصايب


    تحفه بس مرره طويل
    لو قل كان احلى يعني من غير التفاصيل
    عشان لايصير ممل بس
    يسلموووووووووووووو
  9. دمع القلم
    04-07-2008, 08:42 PM

    الكلية..ياليييييييييييييييل المصايب


    المشاركة الأصلية كتبت بواسطة تاج القصيم
    ههههههههههههههههههههههههههههه
    ياحبيل قلبك كنت مفكره أقرأ بس بداية موضوعك<العجز يلعب دور<
    وأبشرك قريته كامل مرتين وجاري المره الثالثه
    ذكرتين بأيام الكليه مصدر الظلم
    في إنتظار المزيد<طماعه<
    ودمتي بود

    هههههههههههه ياكسولة
    حبيبتي تشريفك ومرورك اسعدني جدا
    واسعدني تعليقك
  10. دمع القلم
    13-07-2008, 01:55 AM

    الكلية..ياليييييييييييييييل المصايب


    المشاركة الأصلية كتبت بواسطة الحساسة
    هههههههههههههههههههههههه عليك بلاوي
    تقبل مروري مع تحياتي الاحساس كله
    مشكووووووووووووووورة على المرور
12