الشعر لو ماكتبته بصادق احساسي هجرني !!

الشعر, قصيدة , شعراء, القصايد ارسال إلى Twitter ارسال إلى facebook
  1. اتحادي
    30-06-2008, 05:36 PM

    الشعر لو ماكتبته بصادق احساسي هجرني !!

    الشعر لو ماكتبته بصادق احساسي هجرني !!


    الشعر لو ماكتبته بصادق إحساسي هجرني
    والله لو للصدق ديرة أنا أول من عنيت

    ياقصيد الحب قله غير قيده ماأسرني
    غير وصله غير قلبه مارجيت وماهويت

    قله طيفه في غيابه بعاطر انفاسه يمرني
    مارحمني من عذابي ماعتقني ماهتنيت

    إشتكيته لليالي والحنان إللي قصرني
    عاشقه والعشق بلوى ليتني به مابتليت

    اه لو يدري زماني عن حنيني ماقهرني
    قله إني فيه اراهن بالمشاعر مابقيت

    لو هديته كل عمري والخفوق اللي كسرني
    ماوفيته بعض قدره لو عطيته ماعطيت

    كامل والكامل الله بأجمل خصاله سحرني
    مثل قلبه مثل عطفه لاسمعت ولا رأيت

    بحفظ بقلبي هيامي للوليف إللي غمرني
    للهوى أسمى صفات وللوفا عز وصيت

    لأنه أغلى من عيوني والوحيد إللي قدرني
    إمتلك حبه شعوري والغلا له ماحييت

    سيدي لولا الملامه والزمان إللي جبرني
    كان ماتغفي عيوني لين ماأشوفك غفيت

    إنت نبض القلب عندي والوريد إللي سترني
    وش بقيت امر تدلل قول واطلب ماشتهيت

    لاتظنه ضعف مني لكن إحساسي أمرني
    أن زعلت أرضيك وأطوي كل همي لارضيت

    ودي اجمع لك شتاتي بعدما حظي نثرني
    لو يقاسمني فؤادك نصف حبي ماشقيت

    ولو خفوقك صار ينبض نفس نبضاتي عذرني
    كان ترحمني وتعطي قدر ماروحي خذيت

    ياضمير الحب قله كان قلبه مانصرني
    مات كل إحساس عندي وانتهى الأمر وقضيت


    منقووول

    اختكم دوما

    ((اتحاديه كوووول))

  2. خالدي
    30-06-2008, 05:48 PM

    الشعر لو ماكتبته بصادق احساسي هجرني !!


    صح لسان الشاعر
    ويعطيك الف عافية على هالنقل الرائع
    تحياتي لك
  3. *مزون شمر*
    30-06-2008, 06:56 PM

    الشعر لو ماكتبته بصادق احساسي هجرني !!


    صح السان الشاعره ذكرى الغالي
    ويعطيكِ العافيه عالنقل الرائع
    تحيتي
  4. اتحادي
    08-07-2008, 03:24 PM

    الشعر لو ماكتبته بصادق احساسي هجرني !!


    خالدي تسلم يلغالي ع المروور والاطراء الرائع

    مزووون نورتيني بهالصفحه المتواضعه
  5. بنت زآيد
    13-07-2008, 12:52 AM

    الشعر لو ماكتبته بصادق احساسي هجرني !!


    صح لسان الشاعرة

    كلمات رائعة واحساس اروع

    يسلمووو على الطرح

    الله يعطيج الف عافيه

    تحيتي لكم
  6. اتحادي
    13-07-2008, 01:51 AM

    الشعر لو ماكتبته بصادق احساسي هجرني !!


    يسلمك ربي ويحفظك من كل شر

    مشكووره يابنت زايد ع المروور الرائع

    دمتِ بود