ديوان الشاعر فهد معتوق - ساقي الشوق

Є7šaš

Member
نبذه عن الشاعر:
هو فهد معتوق عبدالرحمن صقر المعروف ب ( ساقي الشوق ) ..
شاعر اماراتي شاب من مواليد مدينة ابوظبي 2 / 8 / 1977 ..
خريج جامعة نورث بروك للطيران في الولايات المتحدة ( انجلترا) ..
بدأ يكتابة الشعر في المرحلة الاعدادية ..
بدأ بالخواطر و الكلمات ثم نمت موهبته .. بكتابته بعض الاناشيد في المدرسة ..

و كان اول من عرف موهبة هذا الطفل المبدع هو مدرس التربية الاسلامية ..

حيث اهتم به و بدأ بكتابة الاناشيد و كان اولها ( اسراء خير الانبياء ) ..
لكنه بدأ فعليا في كتابة الشعر 1997 و هي السنة التي بدات فيها غربته عن اهله و وطنه ..
اول امسية شعرية حقيقية لشاعرنا كانت 22 / 7 / 2004 في مركز ابوظبي للتأهيل الطبي ..
بدأ فهد معتوق بنشر اشعاره و قصائده على شبكة الانترنت .. و لقت اقبالا جميلا و كبيرا ..
و انتقل بعد ذلك الى القصائد المسموعة فكانت اول قصيده مسموعة له
هي ابنته البكر كما يسميها ( يبه وينك ؟ ) ..
مضى على مسيرته الشعرية حتى الان 19 سنة .. ولكنه بعيد عن الاضواء تماما ..
لعدم رغبته في الظهور ..
كان لشاعرنا امسيتين شعريتين فقط .. << و ما يفكر يسوي غيرهن بعد ..
الاولى كانت في مركز ابوظبي للتأهيل و الثانية في جامعة زايد ..

خارج النص : ترى من يمدح اخلاقه يسمونه العرب ناقص ..
خص الي يذم غيره و هو كتلة من النقصان ..
<< هذا بيت من قصائد فهد معتوق .. يقول اكثر بيت يردده ..




أربعه ف سته

ثلاث سنين انا اخطط لهذا اليوم يا بو سعود
تيسر حالي و جاهز اوفي وعدي بوقته


و فجأه جتني تتعذر .. تقول تأخرت لوعود
و انا مستغرب و اسمع كأني وعدها خنته !!


حسبت انها تمازحني و تتصنع جفا و صدود
ضحكت بوجهها من قلب.. مع انها بايخه النكته


و قالت ارضى بالواقع .. قلبي ماهو المعهود
تغير كل شي صوبك .. نصيبي ما اظن انته !!


كنت ف يوم محبوبي و لكن ما اظن نعود
وصل من قبل ما توصل .. و انا ذاك الصبر عفته


و لكن تكفى صدقني و يشهد ربي المعبود
ترى ما خنتك بغفله .. ولا كلمته و شفته


صراحه اهلي قالوا لي بأنه ولد اصل و جود
و جتني امه بالصوره .. و بكلمات المدح اخته


سكت و قلت هي فرصه مدام الجود في الموجود
و قالوا كل من حولي علامات الرضا سكته


و انا فكرت دام امه و اخته ما عليهم زود
اكيد اني براضيهم اذا وافقت و اخترته


و اراضي اهلي و اخواني مدام ان الفرح مقصود
عطيت الناس انا كلمه ومعاهم وقتي حددته


و لا اقدر اغيرها .. ترى عند العرب منقود
اوافق و اعتذر باجر و اقول الراي غيرته !


تبي تشرح لي المنقود .. تصدق عاد يا بو سعود؟
تبيني اقتنع و ارضى بحال عمري ما عشته


انا ماني بقايلها .. عسى يفرش ثراها ورود
بعد ما حطمت قلبي و طعم الموت جربته


عسى بفستانها اشواك .. و في ثوبه عقارب سود
و نار تحرق الكوشه و تحرق بيتهم حتى


و موت بليلة الدخله يبرد حرتي يا كود
ولا احس انها بحضنه يلامس خد لامسته


علي اهون اذا ماتوا ولا بنفس السرير رقود
ترى صعب علي اتخيل اللي ما تخيلته


عسى قاع الثرى يقسى و يتحول صخر جلمود
و حفار القبر يرفض يسوي فوق مقدرته


ترى دفنة عديم الذات تلوع حتى كبد الدود
و من خان العهود و مات تعافه حتى مقبرته


عسى ربي يجازيهم بحبل من مسد ممدود
يعلقهم من اطرافه و فوقه نار و تحته


انا ماني حقود و شين ولاني من نسل نمرود
ومن حط نفسه بوضعي بيقول اللي انا قلته


مدام الفعل له ردة فعل والله ابشري بردود
بدعي دامني حي و بغرس للدعا نبته


و بسقيها نزيف القلب و دمع ما رحم لخدود
و تكبر و الثمر ثاري من اللي خانني و صنته


انا نذر علي اكتب و افجر هالقصيد رعود
و اسمع كل بشر صوتي عجبته ولا زعلته


و اردد للي يسمعني .. اذا حبيت ( حط حدود )
انا حبيت دون حدود و شوف اللي تكبدته


ثلاث سنين انا ابني و جت ( صوره ) بكل برود
خذت مني شقى عمري و حلم ( قلت ) حققته !!!


ثلاث سنين انا اخطط لهذا اليوم يا بو سعود
وتوافق من كلام اخته .. و صوره ( 4 ف 6 )
 
التعديل الأخير:
زبّال

يا من تجيني مثل طاووس تختال
و تقول عن نفسك رهيب و خرافه


أسعدني قولك يوم قلت اني ( زبّال )
يعني نظيف و كل حياتي نظافه


الفرق شاسع بين شاعر و طبّال
و صحيح بيني و بين مثلك مسافه


وقت الشدايد أصبر .. و وقت الأهوال
دوم احمد الله .. ما اغني ( حسافه )


ما اقول ماما و اشتكي مثل الأطفال
و ان جاه برد الليل .. بلل لحافه


فاهم غلط يا صغيّر ٍ معنى رجّال
خل عنّك الطاري .. و خل اللقافه


مستخسر ازعل و اتْفل بوجه الأنذال
لان الزعل لجل السخافه .. سخافه


دامك تقيس القوه بقصار و طوال
شوف الأسد لي لاعب اطول زرافه


يمناي قوس و يسْرتي حزمة نْبال
لا تستهين بصحتي و النحافه !


السيف انحف .. و ملمسه ملمس الشال
لكن اذا سلّيته من ما يخافه ؟


ما اقول كان و كان لي عم ٍ و خال
و ما اطري شي ٍ ما حد بيوم شافه


أقول انا .. و ان قلت انا .. تشهد رجال
و واقعي ملموس .. ماهو خرافه


 
دكتور

دكتور يكفيني انا عفت لحبوب
و جسمي من الإبره غدا اليوم مشخال



قطّعْت مصراني من دْواك مشروب
للناس في غرشه و انا دْواي بدْلال !!


لا فادني وصف ٍ بقرطاس مكتوب
و لا ياني من شوفتْك يا غير غربال


وش لك تشوف الكبد و العوق هالصوب
ما هو يمين ٍ سيّدي عوقي ْشمال !


غرب الصدر .. شوف الجمر وين مشبوب
بين الضلوع المايله ميلة هلال


قبل الجمر.. سكناه من كان محبوب
و اليوم ما ينبض سوا لحن الأطلال


الله يا وقت ٍ قضيناه ف دروب
اطهر من الدمع البري ف عين اطفال


يا من لقلب ٍ ما نوى عنّه يتوب
مليون غيره .. بس ما منّه امثال


هذا الدوا دكتور في الحال مطلوب
ان ما لقيته ياني الموت في الحال !
 
غيابك

يا صوتك اللي لا سمعته تعافيت
من علة ٍ في القلب سبة غيابك


كل ما تغيب اكثر .. ف حبك تماديت
لين الذي ما قد سمع بك.. درى بك !


لامن طريتك دون مشْعر .. تفدّيت
بان الألم فيني .. و لذة عذابك


و ان جيتني في النوم .. دندنت و غنيت
( ليت الذي ودّاك يازين جابك )


لا تحسب اني بعد فرقاك حبيت
قلبي الوفي لازال حاسب حسابك


الليل .. و شموعك .. و اغانيك .. و البيت
ما فارقوا بالي .. و لا الهجر عابك !!


جيت المسا زاير .. و يا ليت ما جيت
لكن مصيبه لا غدا الباب بابك !


حسيت بوجودك .. ولا كنّي حسيت
حتى ف حضورك .. صرت احس بغيابك !
 
كذاب ابن كذاب

و قالت لي متى تترك طباع ٍ عاطله و شينه؟
ما بين العصر و المغرب اشوفك واقف ٍ بالباب !


تناظر كل من مرّت .. تركز بس ع الزينه
تحب الحسن من يومك .. و انا منّك خفوقي شاب


قلت استغفري ربك .. كلامك لا تكملينه
في عيني حسنهم صفحه و في قلبي غلاك كتاب


تشكّين ف غرامي كيف بعد ما طالت سنينه ؟
انا واقف مثل غيري .. و هذي حالة العزّاب


ترى معشر رجال الكون جنس ٍ زايغه عينه
ولا يقدر يغض الطرف و حتى لو بقلبه احباب


و لكنه وفي بحبه .. دخيلك لا تلومينه
اذا حسن العذارى كان.. ملفت .. طاغي .. و خلاب


روحي و اسألي جدك و ابوك و من تعرفينه
و قولي من قدر منكم يباري الحسن و ما قد ذاب ؟


و اذا واحد رفع ايده .. نصيحه لا تصدقينه
ترى كذاب ابن كذاب ابن كذاب ابن كذاب

 
عالمنا


اول يوم : تلاقينا .. قال اوعدني ما تهجر
و انا بوعدْك ما اهجر .. حتى لو تخاصمنا


اذا أخطيت تعذرني .. و اذا أخطيت انا أعذر
مدام انّا من اول يوم على هالشي تفاهمنا


ثاني يوم : رحت القاه .. بس فاجأني المنظر
لقيته في حضن غيري .. ولا كَنّا تنادمنا !


سألته .. قال ( اعذرني ).. نسيت اوعدْك ( ما اغدر ) !
أول يوم .. اصبح امس .. يضحّك حيييل .. عالمنا !




 
الاعتزال




حبيت اشوفك قبل ما اشد الرحال
كيف الوسيله و انت معْ غيري لهيت


يا قو قلبي من بعد غدر الليال
اسأل و اجي ما كني من غدرك شكيت !!


راحل و اردد اغنية ( صعب السؤال )
وش لي بزرع ٍ من ثماره ما جنيت !!


تبكي عيوني من حزن نبرة ( طلال )
كنه يغنيني و يدري بما خفيت


لا قالها ( انتي الجنوب و انا الشمال )
والله ثم والله احس اني انتهيت


محتار انا في قلبي اللي لا يزال
يهوى الذي ساكن مع غيري في بيت


ادري نصيب ٍ قد جمعهم بالحلال
و ادري خطاي اني مع وقتي وفيت


و ادري اللقا اقرب صديق ٍ للمحال
و ادري الدموع بلا رجا مهما بكيت


بس اعذروني لا تعلقت بخيال
فيني طفل ما مل من كلمة ( ياليت )


كل ما نهرته غمض عيونه و قال
وش للزمن يقسى و يهدم ما بنيت ؟


محتار اجاوب ولا امسح دمع سال
يا من يبيع الصبر .. في الحال اشتريت


الناس تحسب فيني القسوه خصال
بعض القصايد في زواياها قسيت


من لام شخص ٍ فوق طاقة قلبه شال
ربي يلومه .. و انا من قلبي دعيت


لا تحسبوني مهتني بعطف و دلال
ولا اقضّي الليل ويا اللي هويت


ميت و ارتب قافي من تحت الرمال
من يوم راح اللي نكر كل ما عطيت


لكن بقى مني بعد موتي ظلال
للي قتلني يوم انا بحبه ابتليت


يمكن يتعبه الزمن لا حظه مال
يرجع يدورني بعد ما انا قفيت


يلقى وفاي و طيبتي وكلمة تعال
قبل العذر يسمع صدى كلمة ( رضيت )


يمكن اقول انها ( قصيدة الإعتزال )
و يمكن ارد اكتب اذا لنفسي قريت


دمع الشعر يمطر من عيوني همال
و هذي القصيده قبل ابكيها بكيت


لا شافكم قولوا له شديت الرحال
حبيت اشوفه لكن اني ما قويت


و اذا سأل قولوا ترى ( صعب السؤال )
ودك بزرع ٍ من ثماره ما جنيت ؟؟!!

 
لاتقولوا كان زايد
عظّم الله اجر عالم من جنوبه للشمال
في وفاة اللي تربّع في القلوب اغلى حبيب

والله اني في حياتي ما فتحت ايّة مجال
للدموع و للهموم و للجروح و للنحيب

ياما مرتني بلاوي و كنت ثابت كالجبال
ما بكيت ولا شكيت و كل جرح ٍ بي يطيب

لكن اني يوم قالوا مات صار الحال حال
هزني زلزال حزني و الشعر غطاه شيب

ابكي كل ما مر اسمه ..دمعي من عيني همال
من بعد ما كنت اقول الدمع
للرجّال عيب

خايف اكفر لو اقول الموت هو رابع محال
حق
من رب البريه و كل بيومه يغيب

لكن اني كيف اصدق شي ما يخطر في بال
من كثر ما كنت احبه كنت متناسي النصيب

الحزن كان بحياتي بس مجرد احتمال
ما هقيت انه يجيني و ينقلب ليلي كئيب

اه يا مصعبها جمله ( شيخنا شد الرحال )
اه يا
مقواها صدمه سهمها عيا يخيب

صابني و اختار يبقى بقلبي لو طال المطال
منهو منا بعد موته ما شكى قلب ٍ صويب ؟

كان زايد .. لأ لحظه .. قصدي زاي
د لا يزال
شمس ما تعرف غروب و لا تدل درب المغيب

نخله ما وقّف عطاها من ثمر ولا ظلال
غيمه في كل الفصول و دونها سهل ٍ رطيب

حكمة ٍ نمشي عليها تصد عن درب الظلال
نعمةٍ من
رب عالي للقريب و للغريب

نسألك يا رب رحمه يوم ناديته تعال
يوم خذته في جوارك يا سميع و يا مجيب

بالبرَد و الثلج و الما تغسله يا ذو الجلال
كلنا ندعي
ك يالله و لدعانا تستجيب

تسكنه جنات عدن ٍ يرتوي شهد
و زلال
يهنى في رحابك و فرشه مسك ٍ وعنبر و طيب

لأنْ زايد شخص غالي و الغلا مابه سؤال
و كلنا راضين عنه و في القلوب اغلى حبيب

عاش كل عمره مْتواضع .. حط معنى الإعتدال
كم عطانا من يمينه ما مسك عن شعبه جيب

شيخ ٍ بكل المعاني للعروبه و الرجال

ضايع ٍ وصفي و مقصر و ما بهالتقصير ريب

و القصيده اللي
توفّي حقه( هي رابع محال)
و الشعر بعد الله يشهد وصف من مثله صعيب

راس مالي دمع غالي هل من عيني همال
اعترف غيرت رايي دمعتي ما هيب عيب

دامها جت من فراقه ببكي سنين ٍ ط
وال
و ادعي بركعات فرضي جهر كانت ولا غيب

و انتوا ياللي تسمعوني رددوا صبح و ليال
يرحم الله بو خليفه و يشفي الجرح العطيب

و لا تقولوا كان زايد .. قولوا زايد لا يزال
شمس ما تعرف غروب و لا تدل درب المغيب
 
ودي أصرخ ودي أشكي ودي أبكي

ودي لامن جيت أبحكي

تلقى دمعي في كلامي

تلقى حزني في ملامي

تلقى جرحي في غرامي

ودي لامن جيت تصرخ

تلقى حزنك قد حملته

تلقى دمعك قد حضته
تلقى جرحك قد منعته

.................

هاأنا سوف أخط كلماتي

وسوف أخطها يوما بعد يوما

أنتظروا حزني وسعادتي

وحبي وشوقي

وعشقي وغرامي
...................................................
تقبلو مروري
مع تحيات:Mr_NoOoOoP
 
عودة
أعلى