12

مختارات شعريه

الشعر, قصيدة , شعراء, القصايد ارسال إلى Twitter ارسال إلى facebook
  1. اميرة روحي
    14-11-2007, 04:33 PM

    مختارات شعريه

    مختارات شعريه


    الناس تفنى والمباني والاملاك والقول يبقى والخبر للتوالي
    الشعر معنى حكمته بعد الادراك وماكل يلمع على النور غالي
    والشعر صورة شاعر فيه تلقاك اما لبس جوخ ولا سمالي
    ( للامير خالد الفيصل)


    ياقمر ليل حايل شق ستر السحاب لجل نسمر بنورك لين وقت السحر
    غط رمل النفود بفضتك والهضاب واسكب الضي يجري فالأديرع نهر
    غرد الصوت وغنى بالقوافي العذاب كن بقعا قصيد وكن جبه وتر
    (للامير بدر بن عبدالمحسن)


    كلامها مثل المطر لانزل عل عقب العطش روحي وكبدي بردها
    تفرق عن الغزلان بالزين والدل اوصافها تفرق 00 ويغرق عددها

    (محمد البراهيم)


    لامتى وانت ناوي في جورك وغيك وين ناوي بمجنونك تروح
    ويش سويت بي لارحم حيك اكتفى القلب 00بس من الجروح

    (مساعد الرشيدي)



    امس اشتكى حر اللواهيب بالقيظ واليوم من برد الشتا جيت شاكي

    تمضي بي الايام من غيظ في غيظ بردان باكي موجس الحر باكي


    (ساجي الحربي)
  2. اميرة روحي
    08-12-2007, 04:54 PM

    مختارات شعريه

    مختارات شعريه


    اماني القلب
    تصورت فالقلب طلعة محياك لو رحت عنك بعيد ماغبت عني
    لو المنى ينفع تمنيت لاماك مير المطالب ماتجي بالتمني
    (سعود بن محمد)

    طيفك وصل
    مرحبا ياضيفي اللي جيت وجروحك عرايا زارني طيفك حبيبي والليالي سرمديه
    يابعد عمر القصيد ويابعد نبض الحنايا ماخطر في بالك البارح خطر قبلك عليه
    (الوجود)

    كثر السهر
    هونيها ياعيوني وارقدي ماورا كثر السهر غير العذاب
    يوم خان الخل والوقت الردي استوى عندي خطاهم والصواب

    (حمود البغيلي)
  3. اميرة روحي
    31-12-2007, 04:38 PM

    مختارات شعريه

    مختارات شعريه


    لوعة!!
    بين لوعات وجد كثرت دروبه فيه درب بكيته كنه اشواها
    قلت:بنسى غلاك وراحت عقوبه قلت:اشاور عيوني00وانتثر ماها
    ل هلال المطيري


    تراجع!!
    ياصاحبي ماللهوى شرط وحساب اما قطعنا الوقت والاقطعنا
    قلب الشجاع ان ماتصدى للاسباب يرجع عن احلامه مثل مارجعنا
    ل عبير نجد

    بكاء00!!
    ببكي على زولن عشقته عشاقه وترى البكى للأقوياء00زود قوه
    فن شفت ابن علوش يبكي فراقه ترى انحدارات الجبل من علوه

    ل سعد علوش
  4. اميرة روحي
    31-01-2008, 04:58 PM

    مختارات شعريه

    مختارات شعريه


    قرب ونسيان

    يابارد القلب يكفي منك ماجاني لاتلمس الجرح بالروحه وبالجيه

    قد قلت لك:لاتقربني وتنساني لكن تجاهلتني00وتقول عاديه

    فلاح السبيعي


    ضاعت الحيلة


    خلاص يكفيني ملا القلب حقران ماعادلي حيله ولا في يديني

    عذبتني ياشوق والقلب حيران متعذبه والبعد بيني وبينك


    هبايب نجد


    حب نادر


    الحب سمه باسم فعليك سمه وانا بعد باسمك هوانا باسميه

    دام الهوا راس المولع يشمه ابشر بحب كل الاجيال ترويه


    محمد البراهيم
  5. اميرة روحي
    03-02-2008, 06:30 PM

    مختارات شعريه

    مختارات شعريه


    غيبة ضمير

    كنت الرجا واليوم خاب الرجا فيك ارخصت ماضينا وغيرت مبداك

    وين الحنان اللي مقره محانيك وين الضمير اللي عن القدر ينهاك


    عبدالله العليوي



    ورا الخطوة

    ليتك تحن لحالتي من صدودك وامشي ورا خطوتك واتبع اثرها

    متصبره لكن ذبحني برودك قرب ترى بعدك حياتي دمرها



    مهره



    اهل العطاء

    من رحيق الحب شربوا ونهلوا كل مافي خافقي واصبح نشاش

    والمصيبه ليتهم يوم اسألوا نشفوا قلبي ولاكنه جر


    سعود بن بندر



    نبرة شجن

    المقفي اقفي عنه لو كان مملوح والمقبل ارفع له شراع السفينه

    عبدالله بن سبيل
  6. اميرة روحي
    09-03-2008, 04:43 PM

    مختارات شعريه

    مختارات شعريه


    الحب!!
    الحب له قلب يحب ومظانين
    ياقلب حبي ياحبيبي ظنيني

    لو فالصدر ياساكن الصدر قلبين
    تخاصمت والا ملكت الثنيني


    (سعود بن عبدالله)



    هموم


    احبك كثر مايذبح هدبك العاشق القتال
    وبعد كثر الهموم اللي تجيني منك واوجاعي

    مثل ماللهوى واعي00مثل ماللقصيد عيال
    انا لك وين ماودك حبيبي وجه شراعي

    (الماسه)


    كتابه


    قلت اكتب الحب واقطع حيرتي واسري
    لين اصل الصبح واشرف على غيابي

    حبيبتي مابعدك احباب في صدري
    واللي قبل لاعرفك خليهم احبابي


    (نايف صقر)
  7. اميرة روحي
    24-04-2008, 06:04 PM

    مختارات شعريه

    مختارات شعريه


    عطش قلب

    لاصار مابالبعد راحه لملتاع
    بالله وش نفع التعب والكلافه


    من الجفا والصد يكفيني ذراع
    لاجف نهر الحب ماتت ضفافه

    بدر بن عبدالمحسن


    مكانة قلب


    والله مهما قالوا الناس عنك
    ومهما قسا وقتي وشحت سنينك

    تبقى محلك داخل الروح كنك
    نبضة خفوق احيت زوايا سجينك
    مواجع




    جمر بارد

    العشير اللي بعد راح معه القلب راح
    وافترق شمل الاحبه بدون اخيارها


    لو شوتني نارها لين تنجحني نجاح
    ابرك الحزات يوم احترق في نارها

    عبدالله بن عون
  8. اميرة روحي
    06-05-2008, 06:51 PM

    مختارات شعريه

    مختارات شعريه


    شعل العيون



    وأم العيون الشعل ريانة العود
    بنت الحرير اللي فتنها جسدها


    نجديةالفرعين عمهوجة الخود
    ياما رحمت المنظرة من حسدها
    ل خالد العتيبي
    اللي نبي


    قلبي عليك وقلب غيرك عليه 000
    خليتني تشفق على حالي أحوال

    أمشي دروب الشوق روحه وجيه
    لارحت تكفى خل لي راحة البال
    ل وله


    مكان القلب

    مايعرف الجمر مثل الذي يكتويه
    أحد يدفا بناره واحد فيه يتصلى

    يامن القلب حطيته براحته يديه
    مارضى له مكان غير كفك محلا
    ل خالد الفيصل
  9. اميرة روحي
    13-05-2008, 05:29 PM

    مختارات شعريه

    مختارات شعريه


    حرايق زين


    مرت وشبت بالقلوب الحرايق
    بنت حلاها الغض موت وحريقه

    طرقاً عليها الزين رايق ولايق
    من شافها مخطور يشرق بريقه




    ل خالد بن سعود الكبير



    موت وحياة


    مدام هذا اولك ينعاف تاليك
    تراك ميت قلب لاتحسبك حي

    متأسفه ماودي ازعج معاليك
    حبيت اقول انك بعيني ولاشي
    لبنت هوازن


    حب وحنين


    ياعيد رمح الهوى بالقلب طاعني
    والحب يمضي ورمحه بالهوى ماضي


    ياعيد حدب الضلوع تصيح وتحنى
    من عام الاول وانا صابر ومتغاضي
    لخلف بن هذال
  10. اميرة روحي
    11-06-2008, 06:17 PM

    مختارات شعريه

    مختارات شعريه


    بهجة دبي

    بوجهك تنير دبي يابهجة دبي

    وروحك تنور بالبشاشه وطنها

    بيني وبينك عهد انه اذا شي

    كدرك تشكي لي الهموم وحزنها


    ]الشيخ محمد بن راشد ال مكتوم



    ريفي مراعاتك

    حبك حرم عن لذة النوم عيني

    ريفي مراعاتك وشفي بطرياك

    لاعاد عرف صار بيني وبينك

    اخاف حبك يوردن حبل الادراك


    هله الهتيميه



    لولا الغلا

    لولا الغلا ماجيتك اركض من اقصاي

    تتلني تل اشقر الريش لسبوق

    اغليك والشاهد بعقلي ورؤياي

    تنوف في عيني على كل مخلوق


    فرحان المطرفي
12