قلت الغلا؟؟

الشعر, قصيدة , شعراء, القصايد ارسال إلى Twitter ارسال إلى facebook
  1. لعيونهامجنونها
    21-06-2008, 10:12 PM

    قلت الغلا؟؟

    قلت الغلا؟؟


    يانفس سجي وادلهي لاتحرين
    ماعادباقي شي يسوى الندامه
    ادري غلاهاطاغين بالشرايين
    ومافيك عرقن مايضخ بغرامه
    كانت غناة الروح ولي قرة العين
    كانت ولازالت ليوم القيامه
    وذاك المكان اللي جمعنا وحيدين
    يمناه بكفي واليسار بلثامه
    وذيك العيون اللي تضيع ملايين
    من حسن حظي صرت غاية مرامه
    كانت ترحب بي هلايردف اهلين
    ومن الخجل دايم يخونه كلامه
    مع ان مابه عيب بين المحبين
    غصبن علي يفرض علي احترامه
    قلت الغلا قالت تبي ردي الحين
    اغضى ودنق في عيونه ملامه
    قالت اخاف ان كلمتي تجرح الدين
    يا..فلان ...قدرك صعب يوصف مقامه
    واستغرقت تبكي وان اصيح تكفين
    ترى دموعك عندي اصدق علامه
    قالت تفرقنا سلوم وقوانين
    وماعمر نسل الصقر عاشر حمامه
    قلت اسكتي ارجوك لالاتزيدين
    همي ذبحني لاتزيدي سقامه
    كانت وراحت وانتهت قصة اثنين
    شربوا قراح الحب وخلوا حرامه
    كنه كسوف الشمس بين الصلاتين
    ماعدت اميز ضوهامن ظلامه
    الشاعر...لعيونهامجنونها
  2. بنت زآيد
    21-06-2008, 11:58 PM

    قلت الغلا؟؟


    صح لسانك

    كلمات رائعة

    يسلمووو على الطرح

    الله يعطيك العافيه

    تحيتي لكم
  3. لعيونهامجنونها
    22-06-2008, 09:27 AM

    قلت الغلا؟؟


    صح بدنك يابنت زايدواسعدني جدا مرورك وشكرا لك يابنت الامارات
  4. مجنون خالد
    22-06-2008, 11:07 AM

    قلت الغلا؟؟


    لعيونها مجنونها ......... صح لسانك .
    اه ذكرتني اللي على بالي وناسيني---- اللي معه نظرة احساسي معنيها
    .. قصيدة قويييييييييييييية وجزلة وغنية ومعبرة واعجبتني كثير

    لدرجة اني حفضتها عندي .. بس اسمح لي الحنها على العود ...

    ومشكور اخوي
  5. خالدي
    22-06-2008, 03:05 PM

    قلت الغلا؟؟


    صح لسانك
    قصيدة رائعة
    يعطيك الف عافية
    تحياتي لك