يابوعقل ...

الشعر, قصيدة , شعراء, القصايد ارسال إلى Twitter ارسال إلى facebook
  1. شهاب الروح
    20-06-2008, 12:10 AM

    يابوعقل ...

    يابوعقل ...


    يابوعقل نشكيلك ابدايا ... بالك راه تلقالي دوا

    أبليت بجرح طبايا احذايا ... مغير بخيل مابي اعتنا

    قهرني قهر قلل في هنايا ... خذيت الليل ساهر في الخلا

    يوم انقول ما يبي غلايا ... ويوم انقول راضي بالغلا

    او يوم ايهم يحكيلي حكاية ... او يقعد يوم ما كلمة حكا

    ويوم حنون يسعى في ارضايا ... او يوم السو يشريلا شرا

    ويابوعقل حيرني منايا ... ونا ولهان دايربي كدا

    بالك راه في قلبه خفايا ... من يالاي لكن ما بدا

    بديت امعاه حاكيته ابدايا ... ارضي بالقول دنقر في الوطا

    او رد علي همدهن امعايا .... عيون اوساع مامنهن نجا

    ابلطف اسلوب فيا قال رايا ... مغير عزيز يحسب في اشيا

    عنده حق خايف من النهاية ... انه في الصوب ما ياجد زها

    اوقال قريب تبقو م الغنايا ... غلا مرهون ماعمرا نما

    ابقيت احذاه لمواقي روايا ... اتقول امطار تهذل م السما

    امقوصر قيد و محودد هوايا ... و عارف قسم في غيره جرا

    ويا بوعقل تشرح ف القضايا ... علي لصحاب ماعندك بطا

    وهظا كل مو ساير معايا ... كيف أدير خايف م الخطا

    بى قلم شهاب الروح .....
  2. *مزون شمر*
    20-06-2008, 12:15 AM

    يابوعقل ...


    الكلمات صعبه في اللي فهمته و في اللي مافهمت معناه
    ومع هذا صح السانك
    وتسلم يمينك
    ويعطيك العافيه
    تحياتي
  3. بنت زآيد
    20-06-2008, 01:32 AM

    يابوعقل ...


    صح لسانك

    يسلمووو على الطرح

    الله يعطيك العافيه

    تحيتي لكم
  4. شهاب الروح
    20-06-2008, 08:14 PM

    يابوعقل ...


    مشكورين ماقصرتوا وبارك الله فيكم .... الكلمات صعبة شوى لانها باللهجة الليبية ... وليا الشرف انى مشترك فى المنتدى الغالى
    ويشرفنى اكثر انى انزل اشعارى فى المنتدى ..... لكم منى كامل الحب والوفاء والاحترام ..... شهاب الروح