قسمت الأرزاق....

الشعر, قصيدة , شعراء, القصايد ارسال إلى Twitter ارسال إلى facebook
  1. ][ الملاك الأجمل ][
    18-06-2008, 01:02 PM

    قسمت الأرزااااق....

    قسمت الأرزاق....


    اكذب عليك ان قلت ماني مشتاق
    و اكذب عليك ان قلت حبك نسيته


    خل الكلام اللي طعن صمت الأوراق
    يحكي لك اللي ما نطقت او حكيته


    ناظر عيوني شوف تأثير الأشواق
    شوف الفرح و شلون بعدك جفيته


    كتفي يشيل من الزمن فوق ما طاق
    والضيق يرضى بي و انا ما رضيته


    الى متى وانا انتظر لحظة اشراق
    الى متى والحزن هالقلب بيته


    الى متى و الهم ينحت بالأعماق
    و اسقيه من فراقك دمع بكيته


    يا صاحبي شف خاطري ما بعد راق
    بنفس الطريق اللي انتهى ابتديته


    ضاق الزمان وكل شي بعدك ضاق
    حتى القصيد اللي بقلبي احتويته


    عمر الشعر ما ضيق صدور الأوراق
    الضيق ضيقي لا كتبت و قريته


    تعبت اجمع ما بقى لي من اشواق
    و اقول ليت الوقت يفهم ياليته


    يا قو قلبك و انت محرقني احراق
    ارفق بحال اللي ذكرك و نسيته


    تدري عزاي ان حدك القلب تشتاق
    دور علي بكل درب مشيته


    يمكن تلاقي درب بدروب الفراق
    يجوز ربي كاتبه و اهديته


    و مدام ربي في يده قسمت الأرزاق
    انا اقتنعت بما كتبته و رضيته


    منقوووول
  2. بعدهم كلهم
    18-06-2008, 01:39 PM

    قسمت الأرزاق....


    الله يعطيج العافيه
  3. مجنون خالد
    18-06-2008, 01:47 PM

    قسمت الأرزاق....


    الملاك الاجمل

    الله عليك ابداع يجعل القارئ يبوح عن مكنونة
    ابداع واختيار وذووق فوق الخيال
    يعطيك الف عافية وماقصرتي
  4. بنت زآيد
    18-06-2008, 08:18 PM

    قسمت الأرزاق....


    صح لسانك اذا لك وصح لسان الشاعر اذا منقوله

    ابيات جميلة

    يسلمووو على الطرح

    الله يعطيك الف عافيه

    تحيتي لكم
  5. *مزون شمر*
    18-06-2008, 08:22 PM

    قسمت الأرزاق....


    نقل راقي
    يسلموو
    بس ياليت نتقيد بقوانين القسم
    ونكتب اسم صاحبها او كلمة منقوول
    تحيتي
  6. ][ الملاك الأجمل ][
    19-06-2008, 02:54 AM

    قسمت الأرزاق....


    بعدهم

    الله يعافيك،، شاكره لك مرورك...
  7. ][ الملاك الأجمل ][
    19-06-2008, 02:58 AM

    قسمت الأرزاق....


    مجنون خالد

    دائما تبهريني بجمال مرورك

    يعطيك العافيه على هذا الجمال

    وسلم لي قلمك المبدع



    دمتي بود
  8. ][ الملاك الأجمل ][
    19-06-2008, 03:00 AM

    قسمت الأرزاق....


    بنت زايد

    صح بدنك غاليتي..

    شاكره لك مرورك..
  9. ][ الملاك الأجمل ][
    19-06-2008, 03:02 AM

    قسمت الأرزاق....


    مزون شمر

    أسعدني مرورك..اسفه ماكنت نسيت أكتب منقووووووووووووووول