سامحيني ولو مالي امل بالرجوع

سامحيني ولو مالي امل بالرجوع

سامحيني ولو مالي امل بالرجوع اعترف في خطاي اللي جنيته معاك
لو عيون ( الجريح ) تعرف ! وقت الدموع كان عيني بهل دموعها من وراك !!
ليت دمعي ليامن طاح بيدك .. شفوع يمكن ايدك تحس بحرقته .. من جفاك
اه ياكبر جرحك ,, يارزين الطبوع واه يا مابعد ارضي .. عن سحايب سماك
اه من شمسك وحزن الفجر بالطلوع واه ما حر صيفك .. واه ما اقسى شتاك
ليت موتي .. يخيرني المنايا بنوع لجل .. اعيشك غلا ( واموت ) عايش غلاك
ماكرهت المفارق .. كثر كره الخضوع وماحسبت العبور .. الا ؟؟ واعرف الهلاك
كنت ؟ اشتت ظروف وكنت اعدي جموع وبعثرتني ظروفي في مجرة مداك
لين طعت الزمان اللي رفض لا يطوع عقب ! ماكنت ! اطوع !! .. صار مالي حراك
يوم شفت (( النهايه )) في صميمي تروع رحت .. احاول ابي ارجع على (( مبتداك ))
رحت اشوفك هناك .. وفي دروبي فروع ؟ضعت بين الفروع ! ومالقيتك هناك ؟؟
ادمحي زلتي .. ما دام باقي شموع يمكن تكون .. هي اخر بقايا هواك
يوم راحت معك ( لحظات ) عمري تبوع جيت ادور على ( لحظه ) مضت لي معاك
ماتذكرت !! غير اللحظه اللي تلوع يوم قلتي الوداع .. وسمح الله خطاك
اه ما اقسى الفراق اللي بليا رجوع ليت ربي خذاني قبل مني خذاك
كل ما اضحك واسج القى بخدي دموع وانتي ! مايوم شفتي .. دمعتي من وراك !!
كل ما اذكر مساء الفرقا بيوم الربوع زادت النار في قلب شقي مانساك


لعذوبه القصيدة وجمالها اتمني ان تنال على الاستحسان ...منقوله​
 
عودة
أعلى