مجموعة من المقطوعات الشعريه في حق الوطن

الشعر, قصيدة , شعراء, القصايد ارسال إلى Twitter ارسال إلى facebook
  1. حٌمودي الموسوي
    11-06-2008, 07:53 PM

    مجموعة من المقطوعات الشعريه في حق الوطن

    مجموعة من المقطوعات الشعريه في حق الوطن


    اترككم مع القصائد
    ************************************************** ***********************

    الوطن منحر صفه والعرب كلهه اسيوف
    منهه التكص بالكفه ومنهه التدك بدفوف

    غافي اعله حظن القلب ومتبسم وحلمان
    لن ريح غفله ويهب كشف بياضه وبان
    لحظه وسهم بي يطب وخله النحر طوفان
    واجملهم اعليه كتب ياسين ابن حردان
    شاغ ولواهه وغفه وطاحت ابكتره اجفوف
    وبيه الرذيل اشتفه والمايشوف ايشوف
    الوطن منحر صفه والعرب كلهه اسيوف

    **************************************************

    جوع ودمار وسلب عايش وطنه احزان
    اشبدر مّنه ذنب ياهل ياخوان
    يندب فرات العذب دجله صفه حيران
    ويحشم الّي شرب العرب والجيران
    لاماي نهري طمه وجروفي صاحن اوف
    على الدم وطنه غفه حركه وعذاب وخوف
    او ايا وسفه بعض العرب

    عاشت جفه ماقدمت معروف



    ************************************************** ***


    الوطن اصبح لعب وحيف الجره والصار
    والناس مصطوره صطر بين الجره والجار
    ماتدري منهو العدل وماتدري منهو العار
    كل همها جان النذل والنذل راح وطار
    ومحتاره ظلت تون مابين ذيب ونار
    الله ياموطني شنو عليك اشصار
    تبقئ تنادي علي والواحد القهار
    يصفيها من كل نذل ويطفي هاي النار

    []************************************************** *

    [الوطن ساحة قدم بيه لعبت الا نذال
    الهدف صار الشعب الطوبه عد حيال
    لاحامي ضل للهدف الهدف صار هدال
    هذا الوضع بالبلد والوضع كلش طال

    عصفور بيد الطفل
    هم يعلم بحاله
    العصفور شايغ الم
    والطفل يحلا له
    بهل الحاله صارالوطن
    بيدين نشاله
    مجروح ينزف د مه
    منهوش با لفاله
    باسم الديانه انذبح
    والقاده حياله
    تفرهد زكاة وخمس
    منهوبه امواله
    واهل الديانه الصدك
    سكتت على افعاله
    واهل السياسيه العنب
    باكوه بسلا لّلّه
    منبوذ كلمن رفض
    وا لباك هنياله
    حْفايّ اهل الوطن
    والحم خياله
    مابين حلك السبع
    صرنه باخس كل حال
    الوطن ساحة قدم بيه لعبت الانذال
    الهدف صار الشعب الطوبه عد حيال
    لاحامي ضل للهد ف الهدف صار هدال
    هذا الوضع بالبلد والوضع كلش طال

    تحياتي للجميع ان شالله يعجبكم
  2. *مزون شمر*
    13-06-2008, 12:07 PM

    مجموعة من المقطوعات الشعريه في حق الوطن


    قصائد جميله
    صح السانك اذا هي لك
    و يعطيك العافيه ولا هنت
    دمت بخير
  3. حٌمودي الموسوي
    13-06-2008, 12:09 PM

    مجموعة من المقطوعات الشعريه في حق الوطن


    شكرا مزون الشمر على المرور الجميل
    تحياتي
  4. *~ عشق وردة ~*
    18-06-2008, 08:22 PM

    مجموعة من المقطوعات الشعريه في حق الوطن


    ماشاءالله

    كلام في قمة الرووعة

    تسلم والله يعطيك الف عافية

    تقبل مروري

    واحر تحياتي

    وردة البحرين
  5. حٌمودي الموسوي
    19-06-2008, 09:03 PM

    مجموعة من المقطوعات الشعريه في حق الوطن


    شكرا وردة البحرين على طلتج الرائعه على الموضوع
    تحياتي الك