ضيقو صدر العبايه ووسعو طرف الكموم

الشعر, قصيدة , شعراء, القصايد ارسال إلى Twitter ارسال إلى facebook
  1. وزير السلطان
    07-06-2008, 09:52 PM

    ضيقو صدر العبايه ووسعو طرف الكموم

    ضيقو صدر العبايه ووسعو طرف الكموم


    السلام عليكم ورحمة الله وبركاته:

    اسعد الله أوقاتكم بكل خير وعافيه.... اليوم جايبن لكم قصيده للأسف مدري مين شاعرها...
    بس أعجبتني وحبيت إنكم تشاركوني الإعجاب...فمضمون القصيده تتكلم عن العباءه
    وماوصلت إليه .....أترككم مع القصيده...ولكم مني خالص التحيه والتقدير,,,,

    العبايه عولموها وانفثو فيها السموم
    من ملاهي الرقص جابوا فكر تخصير العباة

    ضيقوا صدر العباة ووسعوا طرف الكموم
    ونزلوها لين وصلت اخر أكتاف الفتاة

    بانت نحور الصبايا وانكشف شكل الهدوم
    والغبية تحسبنها زايده زين وحلاة

    والبراقع دلعوها لين عام الخد عوم
    لازم القرضه توسع والكحل يلقى الحياة

    طوروا شكل النقاب وصارت الدعوه علوم
    صار شفاف(ن)يوضح خدها ويا الشفاة

    واخر الصرعه لثام(ن)يفتن الرجل العزوم
    والفتن قالوا ضلاله للقلوب المؤمنات

    وش علامك بنت حوى تستبيحين السلوم
    أو مع خيلك ياشقراء بعضكم جنس البنات

    قاهرتهم هالعبايه مايبون الستر دوم
    جدهم علمان يعني لاصيام ولاصلاة

    حطوا إن البنت سلعه وغلفوها بالهموم
    وارفعوا شعار(ن) ينادي للحقوق الضايعات

    من ظلمها والبدو لاصاحت الحرمه تقوم
    قايمه تحت المعادي لجل عين الشامخات

    من ظلمها يوم قام المعتصم من عز نوم
    قال وين الكافر اللي يستبيح المسلمات

    ثم ذبح لجل شعرتها من العدو كثر النجوم
    قال هذا حق منهو يستذل الطاهرات

    نكسوا ذاك الشعار ولملموا باقي السهوم
    يكسر الخاطر سهمكم لاضرب في مدرعات

    بيتكم لاصار مبني داخل البيت مهدوم
    وبيتنا صوم وصلاة وحج وأشهد والزكاة

    إتركيهم يابدويه وخلي اللايم يلوم
    وسعي خصر العبايه واكرمي بالمكرمات

    وإن رفعتيها لراسك أصبح الراس محشوم
    العبايه فوق راسك حشمه وطيب وثبات

    وماعليك من اللئيمه تحاول تقلدك يوم
    لبست البرقع ولكن حن عرق الماجدات

    بحنكها ألفين دقه مدري ألف من الوشوم
    أو تراه ألفين خكري يكتبون الذكريات

    ولابغت تكتب قصيده قافها هو قاف يوم
    (يوم يابا)(يوم يابا)جاك عرق الراقصات

    جت تقول إني بدويه قلت أنتي وجه بوم
    إعقبي منتي بدويه أنتي جزء من الحصاة

    يابدويه لايغرك بعض غربان(ن) تحوم
    أنتي فوق الكل أنتي فوق روس النايفات

    أنتي يوم الحرب دارت والمعارك (قوم)(قوم)
    عانقت عزوات أخوك صوت ضرب المرهفات

    إن حدوا من بيننا أو طولوا حد العقوم
    يابدويه طبعي أرقى فوق كل الطايلات

    إحذري يابنت منهم طبعهم نفث السموم
    عولمتهم لو أعرفها طلع معنى الشتات

    ضيقوا صدر العباة ووسعوا طرف الكموم
    وبيجي يوم نشوف فيه شقوق في وسط العباة

    ((م ن ق و ل ه ))
  2. بنت زآيد
    08-06-2008, 01:00 AM

    ضيقو صدر العبايه ووسعو طرف الكموم


    صح لسان الشاعر

    قصيدة جميلة

    يسلمووو على الطرح

    الله يعطيك الف عافيه

    تحيتي لكم
  3. قمر الشماااااال
    08-06-2008, 02:25 AM

    ألف شكر

    ضيقو صدر العبايه ووسعو طرف الكموم


    ايه والله صدق الشاعر
    نسأل الله السلامه والعافيه
    تسلم أخوي وصح لسان الشاعر المبدع
  4. الأصيل
    08-06-2008, 02:52 AM

    ضيقو صدر العبايه ووسعو طرف الكموم


    للأسف هذا هو حال البعض
    صح السان الشاعر
    وسلمت يدينك اخوي وله
    على النقل الرائع والذووق الراقي
    كل الحب
  5. ميلاس محمد
    14-06-2008, 12:04 AM

    ضيقو صدر العبايه ووسعو طرف الكموم


    وله وشوق...

    شعرا جميل

    وذوق راقي....

    سلمت يمناك...

    وسلم ذوقك......

    ننتظر المزيد

    كن بخير

    ميلاس
  6. المحامية الصغيرة
    14-06-2008, 04:31 PM

    ضيقو صدر العبايه ووسعو طرف الكموم


    وله وشوق..

    أحسنت في اختيارك..

    عن جد رائعة..

    صح لسان شاعرها..

    و سلمت أياديك الناقلة عزيزي..

    أرق تحياتي لك..
  7. °° مجنونة خالد °°
    11-07-2009, 05:14 AM

    ضيقو صدر العبايه ووسعو طرف الكموم


    لها قيمة أدبية عالية ,,
    \
    /
    \
    أوصلتنا معانيها لهدف معين
    وفكرة محددة ..
    \
    /
    \
    حقا لهكذا الشعر ولهكذا يكتب !!

    أبدع الشاعر في نسج القصيدة كما أبدعت
    أنت في هذا النقل المميز لموضوع مهم ..
    \
    /
    \

    لك الشكر والتحية العطرة ,,
  8. بنت أبوها
    11-07-2009, 06:24 AM

    ضيقو صدر العبايه ووسعو طرف الكموم


    يسلمووووووووووو

    عن جد قصيده جميله

    أهنئك على النقل الرائع





    الشقاويه
    ...
  9. مورينيو
    11-07-2009, 09:26 PM

    ضيقو صدر العبايه ووسعو طرف الكموم


    مشكور بصرحه دوق