قصيدة الحب مثل النوم - محمد بن فطيس

ديوان الشاعر محمد بن فطيس - شاعر المليون ارسال إلى Twitter ارسال إلى facebook
  1. *مزون شمر*
    04-06-2008, 10:59 PM

    قصيدة الحب مثل النوم - محمد بن فطيس

    قصيدة الحب مثل النوم - محمد بن فطيس


    الحب مثل النوم .. والوصل .. الاحلام..
    .. والشيين من الاحلام..صد المحبيين

    نوم طويل عمره اشهوور واعوام ..
    .. وان قمت.. ففهمها فراق وسهر عين

    وانا رقدت وعمري اربع عشر عام ..
    .. وصحيت في شهر اربعه عام الالفين

    نوم ثقيل كله احلام واوهام ..
    .. ونصيبي من احلامه الجانب الشين

    صحى الفراق اقلوب في عكسه..نيام ..
    .. وغاب الفرح وانا بعكسه الى اللحين

    ياحزن كبدي حزن من ضاق ثم حام ..
    .. اخذت فروخه مادرى ليه ولوين؟

    بعد ما شاف العش عيدان وعظام ..
    .. خالي..تفكر فووق ويسار.. ويمين

    خلا عشاها فيه ومن الوطى شام ..
    .. زبن على روحه وفل الجناحين

    وياوجد حالي وجد من نام ثم قام ..
    .. على صياح امه وهو دون رجلين

    عويق وامه تنعته والنعت سام ..
    .. وهو خابر انه يقسم الصف صفين

    حبا وصاح بصيحة تاصل الشام ..
    .. منها تقطع في خفوقه شرايين

    على وليف قسم اظنوني اقسام ..
    .. واقفى وانا ما اعرف طرد المقفين

    راح وترك في صدري ووسووم واعلام ..
    .. وصى علي طيفه وقفى بقلبين

    ليته تعذر كان ماهو بملام ..
    .. بعد ماشاف الدرب بيسير دربين

    اشوى عليه شوي..من عظ الابهام ..
    .. واشوى علي شوي..من دمعة البين

    تمشي بنا الاقدام والموت قدام ..
    .. وميعادنا يمفرق اثنين بعدين

    ياعين لا تبكين وعيونه تنام ..
    .. عادش الى ما خاب ظني بترضين

    لو الدموع اتفيد فادن الايتام ..
    .. ولو الكلام يفيد عادت فلسطين

    ولو النبات يطلعه دمعة هيام؟..
    .. شفتوا على وجهي ورود وبساتين

    الحب سجن..وبعد الاحباب الاعدام ..
    .. وقلوبنا السجان مدري مساجين

    الحب نوم عمره اشهوور واعوام ..
    .. وان قمت ففهمها فراق وسهر عين
  2. أروى
    29-06-2009, 07:27 PM

    قصيدة الحب مثل النوم - محمد بن فطيس


    قصيده روووووووعه
  3. طير القوافي
    15-07-2009, 05:11 AM

    قصيدة الحب مثل النوم - محمد بن فطيس


    احزن كبدي حزن من ضاق ثم حام ..
    .. اخذت فروخه مادرى ليه ولوين؟

    صح لسان المري
  4. قلبي اسيرك
    20-08-2009, 11:35 PM

    قصيدة الحب مثل النوم - محمد بن فطيس


    الحب نوم عمره اشهوور واعوام ..
    .. وان قمت ففهمها فراق وسهر عين ))A((

    <<ايه انا اشهد صدق بن فطيس!!

    صح لسانه ..


    وتسلم ايدين ناقلها..
  5. Loli.
    01-11-2009, 09:34 PM

    قصيدة الحب مثل النوم - محمد بن فطيس


    ابيات مره حلوه
    تشكراتي لك
    تقبلو اطلالتي
    ((ذات العيون المتلالئه
  6. شموخ انثى
    16-04-2010, 08:32 PM

    قصيدة الحب مثل النوم - محمد بن فطيس


    يسلمو يسلمو مزون وصح السان ابن افطيس انشهد انه شاعر ماشالله وصح السان ناقلها

    تقبلي مروري


    إختج / شموخ أنثى