قصيدة طالت القامات – خالد الفيصل


هل خير و حل خير و عم خير
ويسر الله كل امر ياعسير


وأمطرت سحابة الحب العظيم
والهوى في كل قلب له غدير


وغنت الأطيار و هتز الشجر
والزهر يفوح من عطره عبير


وكل وادي سال بجموع البشر
حادي الأشواق داعيها تسير


تضحك الفرحه على وجه البلاد
وكل قلب كاد من الفرحه يطير


وارتفع في كل كف سيف عز
وطالت القامات باليوم الكبير


ياولي العد شرفت الجنوب
والرجال اللي تسابق بالمسير


من تهايمها ومن كل السراة
ومن سهلها جاك سيل له هدير


يهتفون بإسمكم حب و ولا
وينذرون عداك بالسيف الشطير


قادهم عهد لكم منهم قديم
يرخصون الروح لى صاح النذير


التلاحم والثقة والإنسجام
بين شعب و قادته ماله نظير


بين بارود البنادق و السيوف
بالمحبه عانق الشعب الأمير


عرضة فيها الوطن لحن وقصيد
إنتشى الشايب لها قبل الصغير



كل ناس يفرقون بميزه
والسعودي فرق ميزاته كثير


الشهامه... و الشجاعه ...والكرم
والوفا.. والحب .. ووالدين الغزيز