قصيدة هني من كان سلطان عمه _ خالد الفيصل


أفل محفوظ الحصيله و المه
وأستبعد التافه أضم المهمه

وإن ضاقت الدنيا تذكرت سلطان
لاواهني من كان سلطان عمه


حر قنص به فرخ .. صقر الجزيره
وأخوه فيصل قدمه بالمسيره


له خبر فيكل درب غزيره
يجلي سماها لى اظلمت فيه غيمه


مايقبل الهزله ولا يقبل الهون
ممشاه عجل للمعالي وبالهون


له نظرة بالقلب و بالعقل وعيون
لاتقصر الشوفه ولاهي تزمه


هو شمسها لى غاب نور الكواكب
وذعارها لى صاح بالخيل راكب

وهو جودها لى شح بالغيم ساكب
خيرة على الادنى والاقصى يعمه


له فوق خمسين السنه ماترجل
سرجه على صهوة أصيل محجل

واسمه على لوح الشهامه مسجل
إن قال يفعل و إن تعهد يتمه


معروف بعزوم الرجال القويه
ومعروف بالكف العطوف النديه

وإذا بغوا شجاع راي و حميه
تلفت روس المخاليق يمه