قصيدة المارد الشعري - محمد بن الذيب

ديوان الشاعر محمد بن الذيب
  • ارسال إلى Twitter
  • ارسال إلى facebook
  • ارسال إلى google plus
    1. الصمـت الجـارح
      03-06-2008, 10:42 PM

      قصيدة المارد الشعري - محمد بن الذيب

      قصيدة المارد الشعري - محمد بن الذيب


      المارد الشعري ليا غاب والاحضر
      يزت روحه على كفيه ويزتها


      الله يقطع هل الدمام ياهل الخبر
      وعدت ابو ريوف بزياره ولا زرتها


      ياريوف ليل المواجه قدر والاسهر
      لو انها بختياري ماتخيرتها


      وانا فراسي قصيده تشتغل من ظهر
      واخاف عيني تغمض مابعد قلتها


      لكن قولي لبنات السد ولا النصر
      وش رايهم في هنوف يوم عينتها


      جديلها يدهر رموشها تدهر
      وثيابها كل ماهب الهواء بختها


      ماهيب شي من الفتنه ولاهي بكر
      لكنها من غلاها لي تباكرتها


      وردوفها رفرف الجمس الجديد الحمر
      مستعمله بس لي ذلحين ماسقتها


      قالو لي اخذ اختها قلت الليالي دهر
      ماهي ببلغا ولكني تبالغتها


      كن نيل مصر الذيذ الي يصب بمصر
      نيل امها وكن دلتا سوريا دلتها


      ان سولفت سولفت لكن بالمختصر
      كنها تضامن مع البكمان في صمتها


      الياضحكت قلت ياربي عليك الصبر
      واليا بكت قلت ياربي ماصبرتها


      الخيل والليل والبيدا ووجه الفقر
      تطيح من عيني اليسرى لاناظرتها


      حتى هو الطائف اللي كل ليله مطر
      كني مصيف بجوه لاتحضنتها


      امحق سنه عاد قلبي فيش وامحق شهر
      مافيه مره بعد فرقاش ماذقتها


      وانا على شانش ازعل حكومة قطر
      عجمي وقلبي خبل لابعتها بعتها


      امتن من الضعف واطول من ضلال العصر
      يضيع فيها النضر لامنك ناضرتها


      ياقلها يوم الد العين يم الخصر
      وليا تعديت قلتها تكاثرتها


      من المخافه مايوقظك لصلاة الفجر
      ومن الطهارة مايكفي لاتيممتها


      اليا اقبلت كنها الارهاق بعد السفر
      متثيقله من سحاء ولا تثيقلتها


      يدفها الشوق دف العاصفه لشجر
      وتميل لكن تستعدل لاعدلتها


      ساعة ماتزعل كنه زعلان منك بزر
      ياجعلك تموت يامحمد مازعلتها


      ياجعل مالش ياعيني غير فتنه نظر
      والله يلعنك ياقلبي لاهملتها


      الله خلقها بشر لكن غير البشر
      الناس من تحتها والارض من تحتها


      قالت وانا الحمدلله والثناء والشكر
      قلت انتي اللقمه الي مابعد كلتها


      قالت انا الموت قلت انتي عذاب القبر
      قالت لابالله يابن الذيب مصختها


      الله عطاها شرف مريم وتقوى عمر
      وانا ليا ذعذع الغربي توسدتها


      بس اعذروني لي غنيت ياهل قطر
      الله يغفر ذنوبي يوم حللتها


      ماهوب جنون الغنم ولا جنون البقر
      شاعر وعندي قصيده زينه وقلتها


      قولو لها لاترويني نجوم الظهر
      اما ترد الخبر والا عشقت اختها
      250*300 Second
    2. أروى
      18-07-2009, 08:45 PM

      قصيدة المارد الشعري - محمد بن الذيب


      صح لسانك
    3. طير القوافي
      08-10-2010, 01:00 AM

      رد: قصيدة المارد الشعري - محمد بن الذيب

      قصيدة المارد الشعري - محمد بن الذيب


      الله خلقها بشر لكن غير البشر
      الناس من تحتها والارض من تحتها


      قالت وانا الحمدلله والثناء والشكر
      قلت انتي اللقمه الي مابعد كلتها


      قالت انا الموت قلت انتي عذاب القبر
      قالت لابالله يابن الذيب مصختها


      صح لسانه
    4. • عنآقيد تۈت •
      30-10-2010, 09:22 PM

      رد: قصيدة المارد الشعري - محمد بن الذيب

      قصيدة المارد الشعري - محمد بن الذيب


      شاعر مجنون .،
      مشاءالله عليه كل قصيده أقراها له ألقى صور شعريه .،لايجيد التفنن فيها سوى الشاعر الذكي .،
      صح لسسانه .،
    5. ¬»بنت دبي
      22-01-2011, 10:59 PM

      رد: قصيدة المارد الشعري - محمد بن الذيب

      قصيدة المارد الشعري - محمد بن الذيب


      يسلمو اخوي
      ديوان حلو ماشاء الله
      يعطيك العافية
    6. أنــــا 2
      17-04-2012, 11:10 AM

      رد: قصيدة المارد الشعري - محمد بن الذيب

      قصيدة المارد الشعري - محمد بن الذيب


      يعطيك العافية