قصيدة مسلسل غليس - محمد بن الذيب

ديوان الشاعر محمد بن الذيب
  • ارسال إلى Twitter
  • ارسال إلى facebook
  • ارسال إلى google plus
    1. الصمـت الجـارح
      03-06-2008, 09:18 PM

      قصيدة مسلسل غليس - محمد بن الذيب

      قصيدة مسلسل غليس - محمد بن الذيب


      تكفين يالساحه ابي مسلسل غليس
      حتى تعلم منه مشاهدينه
      اذا الوطن لمواطنينه كوابيس
      بيحس بالغربه من مواطنينه
      تعبت وانا اعيش خلف الكواليس
      ويسند بدوري لاتفه ممثلينه
      امتر الشاعر واكيل الدواعيس
      واسال زماني كم بقى من سنينه
      ياتل قلبي تله الهجن فالريس
      والا البعير اللي حنينه حنينه
      اوتل قرناس مابين القرانيس
      مانزلوا من قيمته شابكينه
      تشبه نسانيس الصحاري نسانيس
      مكيفات بيوت اهل المدينه
      الاوله حسب ظروف التضاريس
      والثانيه حسب ظروف المكينه
      ترى الحياه العامره بالنواميس
      هوى الفقير اللي عيونه حزينه
      اليامتلك حاجه بعينه لاباليس
      صاحوا ورى مايملك براحتينه
      لوقصرت كفه عن الكسب اوليس
      من حقه انه يمتلكها بعينه
      ثوره تمني فعلتها الهواجيس
      ثارت على قله كفاءة يدينه
      وانا قريت ان الغنى فالقواميس
      مثل الفقر رغم اختلاف الثنينه
      ان الفقير اللي ماعنده احاسيس
      وان الغني اللي رضوا والدينه
      كلام من واقع لكن فيه تلبيس
      يحتاج فكر نقحته السكينه
      زكاتكم واجب ياصراره الكيس
      وشعوركم زنديق يا مالهينه
      يقول سيدنا الخضر تقدر تقيس
      لانتاج مما تحتويه الخزينه
      ولوقال اعضاء التجاره مفاليس
      قلنا حلال الناس من مالكينه
      هدهد سبا اسلم على يده بلقيس
      وفرعون الحد شعب كامل بدينه
      ياكوكب الارض الخلايق متاعيس
      بحورك غزار وجبالك متينه
      هاجر الى حد النجوم المناكيس
      لايدمرونك بالحسد والضغينه
      المجتمع اما قضاه او جواسيس
      وش هي حدود الشرع يامطبقينه
      على سفينه نوح من كل جليس
      سلام تجري به رياح السفينه
      250*300 Second
    2. أروى
      18-07-2009, 08:52 PM

      قصيدة مسلسل غليس - محمد بن الذيب


      الله يعطيك الف عافيه
    3. طير القوافي
      08-10-2010, 01:02 AM

      رد: قصيدة مسلسل غليس - محمد بن الذيب

      قصيدة مسلسل غليس - محمد بن الذيب


      مبدع مبدع مبدع



      ماشاء الله عليه
    4. أنــــا 2
      17-04-2012, 11:13 AM

      رد: قصيدة مسلسل غليس - محمد بن الذيب

      قصيدة مسلسل غليس - محمد بن الذيب


      يعطيك العافية