اهديها الي حبيبتي وهيه تعرف نفسها

الشعر, قصيدة , شعراء, القصايد ارسال إلى Twitter ارسال إلى facebook
  1. توفي الدوري
    30-05-2008, 04:48 PM

    اهديها الي حبيبتي وهيه تعرف نفسها

    اهديها الي حبيبتي وهيه تعرف نفسها


    كون بلا حجي ندكابل انة وياك
    بعيوني السوالف كلهن اشرحهن
    وسولفلك عليك اشكد اسولف بيك
    كبل لا جنت اعرفك بية اسولفهن


    سواليفك حفظ ماتنكتب بقلام
    على خطوط الجفن برموشي كاتبهن
    كبل يومين اعرفك مو كبل سنتين
    وكبل سنتين جن عيونك اعرفهن


    سامع بالسوالف تنحجي وتنكال
    بس بيك السوالف سكتة سامعهن
    بوكت الجاهلية اشعار كتبو بيك
    ولعيونك بوكتك صرت شاعرهن


    كومت امهات بعينك مخلفات
    وانة الامهاتك صرت جاهلهن
    سر بية شوف عينك زال لو ينكال
    ماسولف بعينك خاف اخسرهن


    راح وياي اسولف على عيونك هاي
    اصلي اعلة الرسول نخاف نحسدهن
    حضنك بية ربيع وهم شتة الامطار
    وهم صيف وخريف بوكت جامعهن


    صدرك بية منهاج تشرح التاريخ
    وانة بشفتي يوم بيوم اراجعهن
    اية ايريد ربك زرع بيك اشكال
    شلع زرعات جنتة وبيك زارعهن


    ارصفت الشوارع جلبن برجليك
    وجف رجلك عليهن صار شارعهن
    مو بس الرصيف ايباوع الرجليك
    الشارع سوة عين وكام باوعهن


    اتلاثة بهل السماءيضون اعلة الناس
    وخيط الفجر انتة وصرت رابعهن
    اعتباطا ماعرفهة انيوتن الافكار
    من فكرة جمالك هوة طلعهن


    ليش الضوء اسرع منطلق بالكون ؟
    شافك راد يلحكك صار اسرعهن
    كل هذا وسؤالك ليش افكر بيك
    ما فكر ؟ افكاري شلون اجرعهن


    تعال ارجوك صدك وشلتهة الروح
    الموانع ذني بيني وبينك ارفعهن
    تعال وياي اكعد بقن بس جم يوم
    وهذن جم يوم اذا ماجيت اودعهن
  2. نونو العنونو
    31-05-2008, 09:32 PM

    اهديها الي حبيبتي وهيه تعرف نفسها


    اخي توفي الدوري سلم بوحك انها حقا مشاعر راقيه جدا ومعاني كبيره التي سطرتها اناملك


    وتقبل مروري بود وبانتظار جديدك

    اختك نونو العنونو
  3. الحنين123
    31-05-2008, 09:48 PM

    اهديها الي حبيبتي وهيه تعرف نفسها


    مشكوووووووووووووووووور اخ توفى على مشاعرك الحلوة اختك لارا