قصيدة للعراق الجريح

الشعر, قصيدة , شعراء, القصايد ارسال إلى Twitter ارسال إلى facebook
  1. توتة الحبوبة
    30-05-2008, 01:17 PM

    قصيدة للعراق الجريح

    قصيدة للعراق الجريح


    قصيده الى العراق الجريحقصيدة للعراق الجريح


    وصفينا أيدنا ويه الكاع
    حته الكاع ملّت من خطاوينه
    وصفينا بلا أمل وياك
    حته الأمل شال يوم الي سمع بينه
    وصفينا أركام يامهيوب أسمك
    ليش تريد تمسح كل أسامينه
    وصفينا أيد تلو الايد
    بعد ماحار الوكت شلون يلوينه
    وصفينا الدم للركاب يسيل
    بكل بيت الجفن حضرناه
    خاف الموت يلفينه
    وصفينا من الغروب أنام
    بعد ماجانت سهر كلها ليالينه
    وصفينا أنكول للي يموت
    روح أخلص من قهرنا ومن بلاوينه
    وصفينا بالتفك متحزمين
    بس نكتل بعض والموت حادينه
    وصارت كل مدنا كبور ظلمه
    ونلبس بس سواد
    شوكت ماجيت تلكينه
    وصفينا عل الهويه نذبح الجيران
    ولاجن سنين حلوه وياه كضّينه
    وطولنا اللحايه وكصرنا الثياب
    وصار بأسم الدين تطلع كل فتاوينه
    وصفينا نخبط الصافي بنهرنا
    الماصفه فد يوم طينه
    وصفينا نعيد بالتاريخ
    ولعصر الجاهليه اليوم ردّينه
    ولاجنّه أول حضاره صارت عل الكاع
    ولاجن أول مسّله أحنا سنينّه
    ولاجن حكمنا الدنيا من بغداد
    ولاجن المنايا تخاف لو سمعت بطارينه
    ولاجن كبل واحدنا من ينضام
    يفز الكَلب من حشاه ويعينه
    شجانه اليوم بس كاتل ومكتول
    لارحمة بكلبنه كلي شبينه
    نبوك من الليالي مسامر الخلاّن
    ونكطع وصل حبهم من شراينه
    نحّرم كل ترافه تخطر عل البال
    وندندن صرنا بالبسكوت اغانينا
    وصفينا كلشي ماحاوين
    لاحاضر جديد ولاماضي
    قديم الي يواسينه
    نهاجر نكول بلكي يهدَ البال
    بره ونحقق امانينه
    ومن نفرح غفل نبجي بدمع مهضوم
    لان فرحتنا تغّص بكل ماسينه


    قصيدة للعراق الجريح


    توتة الحبوبة
  2. *مزون شمر*
    30-05-2008, 10:41 PM

    قصيدة للعراق الجريح


    يعطيكِ العافيه عالطرح
  3. وزير السلطان
    30-05-2008, 11:03 PM

    قصيدة للعراق الجريح


    كلمات رائعه
    أبيات جميله
    يسعدك ربي
  4. توتة الحبوبة
    31-05-2008, 12:36 PM

    قصيدة للعراق الجريح


    مشكورين
  5. حٌمودي الموسوي
    01-06-2008, 12:21 PM

    قصيدة للعراق الجريح


    شكرا توته على الكلمات الرائع
    تحياتي الج بل الموفقيه
  6. بنت زآيد
    08-08-2008, 07:04 PM

    قصيدة للعراق الجريح


    صح لسان الشاعر

    يسلمووو على الطرح

    الله يعطيك العافيه

    تحيتي لكم