الهوى والنور

الشعر, قصيدة , شعراء, القصايد ارسال إلى Twitter ارسال إلى facebook
  1. خالدي
    27-05-2008, 06:23 PM

    الهوى والنور

    الهوى والنور


    جميله الصدفه هلي جابتك حي الهوى والنور .. عليك اجمل مسا مسيت عطني منه قنطاره
    احيي فيك ذكرك قبل شوفك والنبا مغمور .. واحيي فيك عطرك واسمك الي مالين داره
    انا من مات حي له طعن حربه ولا منحور .. صويب العين ما يبرى غدا قلبي لك الشاره
    بغيت امشي واحس انه غدا مني القدم مبتور ..بغيت اقف واشوف عظام كل الجسم منهاره
    انا من خانته عبرة فرح ولا ضحك مسرور .. يضيق به النفس وده يقول من الحكي خياره
    اشيل اغناي لك عرضه وابدلبه على المجرور .. وامول من طواريقي على عشاق سماره
    ابكتب من قصيد الوزن وغيره من شعر منثور .. انا لك شاعر يكتب وشعره نقوة افكاره
    الا يا غايب عني معي حاضر كما الدستور .. خيالك ما يفارقني بفكري دق مسماره
    الى من ضقت اسولف بك على نفسي وانا مقهور .. واقول الوقت ما يعطي على ما اريد واختاره
    عليك اقبل ومنك اقفي ولا بينت لك محظور .. اخاف عيون بعض الخلق ترقبنا وسباره
    وجدك الله ياحسن كما التحفه وانا جمهور .. انا المبهور في حسنك وانا من خطفت ابصاره
    ومنك العين تامرني وانا لك طايع مأمور .. على وصلك غدا حظي هوين وقصرت اشباره
    اشوف ان الحسن عقبك ولو يذكر غدا مكبور .. يقال انه حسن ولا انت كل الزين وابهاره
    الا يابو عيون حق وبعض الوصف خرس حور .. عليك الصوت ما هو صوت كما ترنيم قيثاره
    بقى قصرك على فالك عساه بطلتك معمور .. تمشى بردهته حافي وتحيا عقبك ازهاره
    بريح المسك والعنبر تخالطهم زراق بخور .. الى اقبلت جا قبلك ولا اقفيته غدا ستاره
    على هالبوح والتلميح راس المال صدق شعور .. وصدقني ترى فكري عقب طيفك محد زاره
    انا بسألك تعذرني عساي بطلبتي معذور .. اشوف الوقت ما يعذر ولا في الناس عذاره
    ذكرت اليوم والساعه ورحلة عمر يامستور .. ذكرت الله في خلقك خلق هالزين واسراره
    اعرف اني مانا باول ولا اخر واحد مأسور .. واجمل ما ملكته منه طيف دام تذكاره
    الا يا ليت لي قلب يطيع الراي واهل الشور .. ضحية موقف عابر ورحلة سفر طياره
    وكان الوقت عصرية تعدينا حدود السور .. ويم القاهرة طرنا بجو حافل اخطاره
    مقاعدنابأخر صف ومقعد سيدي مشغور .. على يسراي كان هناك اشوف اطباع جباره
    اشوفه كل هالفتنه ثقل عقل سلوك طهور .. حصين محصن شامخ يبين كبرمقداره
    واشوفه ديمةٍ تحيي نبات الأرض بالممطور .. بغيث يوم اشاهدها جرفني فيه تياره
    ذهلني مبرم العاتق وشلال الشعر موفور .. وذاك المبسم الوردي بلون الزهر قطاره
    وقد اطراق هايف رشيق وخاصر مضمور .. قوام اعتدل طوله يثير قلوب جباره
    اغني واغتني بذكره ولا اطمع كود بالميسور .. وعودي كم شكى مني بعزفي تبكي اوتاره
    احبك والهوى جاير وبحت السر لك بسطور .. وقلبي ما سلا عنك ولو يتعبه مشواره
    ابرسل لك مع النسمة سلام الخافق المكسور .. عسا يجبر عزاه انك تجيه وتنطفي نار
    اعرف النفس تواقه واعرف اني مانا مسحور .. ولكن سحر زينه صار يا خلق الله اشعاره
    انا والليل والهاجس قطعنا بالخيال بحور .. ابي من هو يوصلني ومن يعطيني اخباره

    من كلمات الشاعر / مخاوي الليل

    تحياتي لكم ؛؛؛
  2. lazo0oza
    27-05-2008, 07:43 PM

    الهوى والنور


    حبيت اكون اول وحده ترد على موضوعك


    سلمت اناملك على الكلمات الرائعه واكثر من رائعه


    تقبل مروري
  3. بنت زآيد
    27-05-2008, 09:31 PM

    الهوى والنور


    صح لسان الشاعر

    قصيدة جميلة

    يسلمووو على الطرح

    الله يعطيك الف عافيه

    تحيتي لكم
  4. فجر المحبه
    28-05-2008, 02:32 AM

    الهوى والنور


    صح لسان ابو نايف
    تسلم الانامل ياخالد
    على النقل الرائع
    عسى ربي يسعدك....
  5. خالدي
    30-05-2008, 11:43 PM

    الهوى والنور


    لزووزا
    بنت زايد
    فجر المحبة
    يعطيكم الف عافية على مرووركم اللي نور الصفحة واسعدني