طرق التسوق بدون اسراف

المرأة والسعادة في الحياة الاسرية للبنات فقط ارسال إلى Twitter ارسال إلى facebook
  1. اسيرة الشوق
    06-02-2006, 06:59 AM

    طرق التسوق بدون اسراف

    طرق التسوق بدون اسراف


    تحبين تتسوقين؟؟؟ تموتين ولايفوتج شيء جديد نازل السوق؟؟ تحشرين ابوج وماماتج بس عشان تاخذين اللي تبينه....اذا كنتي من هالنوع الي مايهدا ابد باله اذا ما اشتريتي اي شيء تبينه حاولي ان تكوني اقتصادية...."واعقلي"........
    فستان مني...وبلوزه من هناك... تنورة من "بارمودا" ....وغيرها من هالاشياء...كثير بنات مايعرفن بالضبط الي يبنه صدق والي يبنه بس شرغة..."حق يومين بس"....!! فيروحون ويشترون بكل المبغ الي الوالدين عطوهن...ويوم تخلص الفلوس.........ماما بليز ابي فلوس ابي اخذ كذا وكذا..... ليش ومصروفج وين...؟؟
    والي عطيناج شو سويتيبه؟؟؟؟؟؟؟؟
    والله مامي خذيت هذا وهذا وهذا وووووو........... وكل هالشياء..."مو كلهن يمكن نصهن...." مالها لزمة عشان جذي اذا كنت من هالنوع اتمنى انج تتابعين نصايحي...لان الحال جذي ابد مايسر.!!!!!!!

    اقتصدي... حددي مبلغ معين تصرفينه كل اسبوع او كل شهر وحاولي انج ماتتجاوزين المبلغ مهما كانت الاسباب يعني راح تكونين في تحدي كبييييييييير لان نفسج راح تطلب اشياء كثيرة ولكن خليج شديدة ورصي على رغباتج..." بصراحة انا اول محاولاتي ماقدرت اضبط نفسي ولكن الحمدالله الحين كل شيء تمام..." واذا كنتي متعودة وانتي صغيرة تحصلين اللي تبينه قولي لنفسج: انا الحين كبيرة وعاقلة وابي اكون متوازنة وادخر ..."لليوم الاسود"...هههههه

    ناقشي الوالدين: يمكن باباتج والماما مايعطونج مبلغ كافي يلبي مطالبج الضرورية او انج تبين شيء تحلمين فيه من مدة وتحسين انه مهم... حاولي انج تتقربين من والدينج ورمسيهم وقوليلهم... انا الحين كبرت وزادت مطالبي وووو... يعني شوي من كلامج الحلو.... وصدقيني النيجة مضمونة ولكن اطلبي الزيادة بحدود المعقول...

    احسبي مصروفج: يوم تبين تطلعين السوق نصيحة اخني معاج دفتر صغير واكتبي فيه كل اللي خذيتيه وراح تلاحظين انج تاخذي اشاء عالية واهي ماتستاهل... عشان جذي حاولي تحسبين المصروف اللازم لمشترياتج والباقي تستطيعين الاحتفاظ به مع الماما عشان ماتضعفينجدام تنورة حلوة وشنطة .."غاوية..."

    تعلمي الصبر: حاولي قد ماتقدرين انج توقفين امام رغباتج ...الزائدة....وتخيلي كيف فرحتج راح اتكون اذا خذيتي مثلا شيء تحلمين فيه من مدة بعد ماجمعتي من مصرفج الشخصي..."جربي والله شعور حلو..." وخلي في بالج ان الوقوف في وجه الرغبات مش معناها انج ماتقدرين تاخذينهم بالعكس يمكن يكون كل شيء متوفر ماديا ولكن ماراح نكون في هالشيء مزة او يعني تفرحين فيها او مثلا.......... على ما اعتقد فاهمة اللي ابي اقوله.... صح؟؟ ..."جربي وماراح تخسرين..."


    فكري في غيرج...اذا كنتي اختي تقدرين تشترين كل اللي تبيه ان في بنات مايقرن حتى ياخذن نص الي في خاطرهن... عشان جذي يمكن انج تشوفين في المدرسة زميلة لج قنوعة بالي عنها وحتى مامحتاجة انها تروح المركز التجاري وبنس الوقت راح تلاقينها مرتبة وانيقة ومجتهدة في الدراسة..........
  2. بنت عز
    07-02-2006, 04:13 AM

    طرق التسوق بدون اسراف


    مشكووره اسوره ان شاء الله المسرفات يتعلمون الاقتصاد
  3. ๑ஐ زُمُرُّده ஐ๑
    09-02-2006, 04:43 PM

    طرق التسوق بدون اسراف


    شكرا اسوره على المعلوم اللي مستحيل باستفيد منه

    باقول لكم شي انا اول لما كنت اخد من ابوي فلوس ماجيب خبر بس هاتوا وهاتوا بس لما صارت بيدي اتبيخل احيانا ....

    اما الحين مثلا انا ادرس بالكليه وولازم اكون متجدده بملابسي وغير كذا لازم ملابس البيت تكون غير عن ملابس الكليه وملابس الطلعه كمان غير عن هذولي وغيرها وغيرها ماقول الا الله يساعد ابوي علي
    واكتشفت شي انا اذا وحده تبي تصير بخيله لاتشتري ببطاقه البنك لانها ماراح تحس تشتري بالهبل مثلي انا اشتري ولا احاسب وبعدين اشوف الرصيد كم زيرو عالشمال خخخخخخخخ
  4. أريج
    21-02-2006, 03:57 AM

    طرق التسوق بدون اسراف


    تسلمي ياقلبي على موضوع
    الله يعطيكي العافيه
    دمتي بود
  5. evil girl
    22-06-2008, 03:17 PM

    طرق التسوق بدون اسراف


    كلام اثير نفس الكلام الي كان بدي قوله عنجد
    انو الواحد ما بحس بقيمة الفلوس الا لما يكون تعبان فيها .. و ما بحس بحالو لما يدفع بالكينت

    يعتيكي العافيه ع الطرح الموفق

    تحياتي
  6. atheer
    23-06-2008, 03:39 PM

    طرق التسوق بدون اسراف


    مشكووووووووووووووووووووووره يسلمو
  7. فراشه غزه
    26-06-2008, 07:50 PM

    طرق التسوق بدون اسراف


    مشكوووووووووووووره حبيبتى
    ع الموضوع الجميل
    يسلموووووووووووووووووو
  8. وفيت وبسببهم بكيت
    27-06-2008, 09:51 PM

    طرق التسوق بدون اسراف


    يسلمووووووووووووووو
    انا امشى ع هاد النظام من زمان