يبه شلونك - سالم السيار

يبه

يبة شلونك .. أبي أتبلل بصوتك .. انا وخالد نبي نتبلل بصوتك ..

ياغيمه ظللت عمري ويمشي ظلالها وياك..

يبه.. لا تغيب عن عيني ... وش تسوى حياتي لو تغيب عني وش تسوى...

مو صح الكون يتفجر .. ولون الحنا في كفي يصير أصفر

يبه ...
يبه ... لا تجفف شفاهي من احلى كلمه بالدنيا

يبه ...

يبه .. ماقلت لك وش صار ..!!

يبه .. بنت صفي منيرة ...!!

ابوها مات في حادث..

تكلمني ترى دايم .. دايم عنه تتكلم...

تقول افز من نومي أحسه بجنبي هو نايم

أحس بجنبي هو نايم

تقول دايم انا ارمي عيوني على الابواب .. اقول يمكن يلملمها باي لعبه من الالعاب..

او ورده و أروح أركض وأخبيها بوسط كتاب

يبه ... عذروبك الشارع تسوق بسرعه مجنونه

يبه .. خلنا على بالك .. يبه طير الفرح لا تكسر غصونه
تجينا ... تجينا.. يعني تجينا على موعد حبايبنا

ابيك تشوف احساسي

وورده بيضاء مغروسه وسط راسي...

وكم نجمه من الابله . تشب بليل كراسي..

وش تسوى حياتي لو تغيب عني وش تسوى ..

مو صح الكون يتفجر .. ولون الحناء في كفي يصير اصفر...


الووو

الووو

عفوا منهو وياي ..؟؟

انا خالد..!!

منهو وياي ...؟؟

تعالوا...


تعالوا ... استلموا الجثه


ابوكم

مات ..!!



مات في حادث..



للشاعر :سالم سيار



قصيده جد اعجبتني واثرت فيني كثير .......
 
التعديل الأخير بواسطة المشرف:
اشجان قصيده رائعه حكت فيني الكثير من المشاعر

رحم الله والداي وجميع موتى المسلمين واسكنهم فسيح جناته
 
تسلمي على نقلك المؤاثر
الله يرحم اموتنا المسلمين
ويرحمنا في رحمته
الله يعطيك العافيه
دمت اناملك
 
يبه ...
يبه ... لا تجفف شفاهي من احلى كلمه بالدنيا


كلمات اثرت فيني بالقو ..

الله يرحم ابوي ..

يعطيج العافيه اختي ..

دمتِ بحفظ الرحمن ..
 
الله يرحم الجميع إن شاء الله ..
ويخلي لي ... ... الوالد

\
:
كلمات جداً رائعه ومؤثره ..
ألف شُكر لكِ على هالنقل الرائع
 
مشكووووور اختي على هالنقل المؤثر والله يرحم امي وجميع المسلمين والمسلمات

والله لايوري لأحد مكروه ولايفقد غالي
 
عودة
أعلى